فراق(ن)حل ماله حل حله مستحيل يحال = بحلت بحالتي ياحيلت الله يا قوي الحيل
ليا طال الطويل وطالت المدة وصبري طال = .طلب ت الله يا لله الفرج عجل بلا تأجيل
تهل الدمع عيني هل هملولن من الهمال = ليا هلت هماليله على الوادي وسال السيل
ألا وجول قلبي جول جولن جال ثم أنجال = .اجل وش عاد يالمجمول جل مجملك تجميل
جمالك يا جميل أجمل جمال مر بالأجيال = قهرت الجيل كله يا مليك أجمل جمال الجيل
تعال آهلا وسهلا يا هلال هل عقب هلال = هلا بك عد حب الهيل والتسبيح والتهليل
أقوله قول قايل صح ماهو قول قيل وقال = مقال اليوم أقوله ماتقول مثل قال وقيل
ألا يا عاذلي عذلك كفى تعذل وأنا عذال = .أعذلك ياعذولي كف عذلك واترك التعذيل
أبرحل رحلتين مرحلتها تتعب الرحال = وبحل بمحل محتمل حلا بلا ترحيل
غريب(ن)غربلتني غربتي يا غربه الغربال = غليل (ن)غلني غرو غلاه الغل والتغليل
تزلزل الأرض ويزل القدم من هزه الزلزال = ولا زلت استزل من الزلل وازعل من التزليل
هدف مجهول أخاف اجهل جهالة جاهل الجهال = أجامل وأتجاهل واجحد الجهال والتجهيل
وســلامتكم
الشاعر : عبداللّه بن شايق القحطاني
تقبلوا سلامي واشواقي
03-10-2004, 05:27 AM
رائعــة عبدالله بن شايق ( اهداء للجميع )
العرض العادي
