هذه القصيده للشاعر الكبير محمد الخس
الله من قلب عوى عويت الذيب = ذيب عوى لجت ضلوعه ولجي
عليك يا راعي العيون المهاديب = سود مضاليل وساع وبجي
سود تشذب بسرة القلب تشذيب = طحت بخطرهن يالله انك تنجي
سهومهن تسطي على القلب وتصيب = تخج صندوق المعاليق خجي
يا صاحبي حبك لفلبي عواقيب = ارفق علي شوي قبل استلجي
يا اللي عليك عيون الامه مراقيب = تقول بين شفاك در يمجي
والخد براق المزون المهاضيب = اللي رعوده رجت القاع رجي
يا منوتي ما فيه شك ولا ريب = منساك كود انسى صيامي وحجي
يابو نهود شلعن مقدم الجيب = كمشمش عرقه من الماء ينجي
من فوقهن شقر تغذى على الطيب = ريح الشمطري في طرفهن يعجي
ذيل اشقر ينسف خلاف العراقيب = تطلب عياله بالمهر والترجي
هزه وزرفات السبايا جناديب = لوما شليل السبر والمال هجي
ذبحتني يا سيد كل الرعابيب = فجيت قلبي يا اريش العين فجي
فجن مثل مضراب شلفا تريحيب = شلفا تخل الدم الاحمر يكجي
لاوردتن من كف مرو المغاليب = والخيل كاسيها ضباب وعجي
يا عاذل المشتاق ما بالهوى عيب = ماذقت لذاته عسى امك تدجي
لوذقت من حلوه ومره تجاريب = مالمت طراد البني الغنجي
نجل العيون مزعلات الخطاطيب = شعو عذاب مقطعين الفرجي
لويحصل ليديك فيهن مقاضيب = مالمتني في حبهن والتهجي
يم الحبيب اللي هروجه تعاجيب = يا عين لديله ويا رجل سجي
06-03-2008, 10:04 AM
العرض العادي
