هل تقبلون الإرتباط والزواج من اصحاب الصم والبكم((نقاش جدا))

[الخيال الحر]

((وجعلناكم شعوبأ وقابئل لتعارفوا ان اكرمكم عند الله اتقاكم ))



م

وضوعنا اليوم يتكلم عن الزواج من الصم والبكم

للأسف نجد هذه الشريحة من المجتمع معزولة عنا نحن وتتعرض لظلم كونها فئة كتب الله عليها ان تكون بهذه الإعاقة


مع اننا نجد هؤلاء الاشخاص كغيرهم اشخاص منتجين ذو أخلاق

عالية بعضم ينخرط بالمجتمع ويتكيف معه وبعضهم يتخذ

العزلة مأرب للإبتعاد عن المجتمع الذى ينظر اليهم

بمنظار الشفقة احيانا والبعض ينظر لهم بمنظار آخر

ويتخذ الظلم بابا لهؤلاء الاشخاص عندما يريدون البحث عن

شريك العمر وعندما يريدون الارتباط بأشخاص سليمين


وليسوا من فئتهم نجد علامات الاستفهام على وجوه من تقدم


لخطبتها وتجد الرفض الجارح احيانا فى المقدمة



ومن هنا احببت ان افتح باب لنقاش معكم احبتى لأسمع

آراكم بخصوص هذا الموضوع فأرجو من الجميع ان لا يبخل


علينا بأفكاره النيرة

وهنا عندما نفتح باب النقاش فى هذا الموضوع نتطرق الى

بعض الاسئلة التى تدور حول هذا الموضوع





سؤالى الاول لك ايتها الفتاة هل تقبلين الزواج من شاب ابكم واصم؟؟؟؟؟

والثانى لك ايها الرجل هل تقبل الزواج من بنت بكماء صماء؟؟؟؟

وماردت فعل الاهل والاقارب من هذا الزواج ؟؟؟




وانت ايها الشاب هل ترضى لأختك الزواج من هذه الفئة حتى لوكانت هى موافقة ام تقف حجر عاثر فى طريقها؟؟



وبعد الارتباط والزواج هل تستمر العلاقة قائمة بين الطرفين ؟؟؟

وما نظرة المجتمع لمن يتزوجون بهؤلاء؟؟؟؟



وما الصعوبات التى ستواجهه هذا الزواج؟؟؟




لكم شكري واتمنى من الجميع التفاعل وإبداء الرأى والتجارب ان كان احد منكم مر بها او يعرف من مر بها

منقول

[صـــبـــــــــا]

موضوع جداً حساس

الاصم والابكم انسان
لة مثل مالغيرة من الناس
دام اللة خذا منة شي
اكيد عطاه اللي احسن منها
واللة ما يظلم عبد
ومايعيب الرجال الا دينة وخلقة ولسانة
لكن انت تسألني اخي الكريم عن ارتباط االاشخاص العاديين بهم
انا اشوف انها جدا جدا صعبه
وحتى لو صار راح يكون فيها ضغوطات كبيره و مشاكل بسب صعوبه التعامل بينهم
وبكذا راح اكون ظالمه نفسي وظالمة الشخص اللي ارتبطت معه ..
كل الشكر لطرحك ونقلك المميز ....
أختك صــبــــــآ

[الهارف]

صم بكم

هذي عز الطلب وتجي مزيونه بعد , ابرك من الحنه كل يوم

تنام مرتاح ماكو ازعاج بالليل تقرق على راسك ماتدق عليك وينك

هذي وجهة نظري انا


لك كل الشكر

الهارف

[الخيال الحر]

اول اشكـــــــــــــــــــــرك صبا



وهذا رايك الخاص وانا احترام رايك



ولكن انا اقووووول ليس العيب انا الانسان يتزوج من ذوى الاحتياجات الخاص

[الخيال الحر]

اخووووى الهارف اول يعطيك الف عافيه علىالمرور
ولكن انا مو معك انك تقوووول عز الطلب ... يعنى ها اللى تتكلم تتحكم فيك



واللى ما تتكلم ما تدرى عنك كلهم احساس ... سواء اللى تتكلم ... او اللى ما تتكلم




وهذا رايك معى احترامى لك انت ورايك ومشكور على المرور الجميل

[‏وَتـے ـيــنْ]

لا هنت يا الخيال الحر عالطرح
فعلا حطيت ايدك عالجرح .. الفئة هذي تفتقد العدل
ليش ما لهم حق انهم يتزوجون من ناس سليمين ؟؟!!!
من وجهة نظري اشوف انه ما فيها اي شي .. اي ما فيها شي
وبالنسبه للتعامل وياهم يا صبا في لغة اسمها لغة الصم و البكم
وهي لغة سهلة جدا و عالمية
شنو يضر اذا البنت تتزوج من واحد اصم او ابكم ؟؟
او الشاب يتزوج من بنت بكماء ؟؟
هذي حواجز احنا حطيناها بيننا و بينهم
صبا انا اوافقش الراي يوم قلتي دام الله اخذ منهم شي اكيد اعطاهم شي احسن منه
صح .. نلقى انه عندهم حاسة النظر اقوى منا بكثير
او عندهم مواهب كبيرة مثل الرسم و العزف .. او انهم يتمتعون بلياقة بدنيه كبيرة جدا افضل من الاشخاص السليمين !!
شنو اللي يمنعنا اننا نتزوج منهم ؟؟؟؟؟؟؟

[فزاع]

انا لي جار واحد من عياله عمره 16
مايسمع لكن سبحان الله فيه ذكاء فوق ماتتخيلون
لدرجة ان ااذا خربت سيارة اهله القاه يشتغل ويركب ويصلح فيها

والله يا اخوان ان جوالي مره ولا عرفت علته وانه هو اللي علمني وش فيه

وفعلن وديته محل وقالوا نفس اللي هو قاله طبعن اخوانه يشرحون لي كلامه

ومره ابوه يقول لي اذا راح مع اهلي ارتاح قلت وش معنى قال اعرف اللي راح معهم ثقه


يعني ذكي جدا وفاهم كل شي ومافي امل احد يجي يكذب عليه


اللي بقوله عسى الله يرزقهم ويوفقهم

ومافيها شي اذا الواحد تزوج والبنت تزوجت الناس اللي مايسمعون
لان مع الايام راح يفهمون بعض وراح يفهم وش تبي من الاشاره

ولاهنت على موضوعك

[صـــبـــــــــا]

المشاركة الأصلية كتبت بواسطة ريم البوادي

ليش ما لهم حق انهم يتزوجون من ناس سليمين ؟؟!!!
من وجهة نظري اشوف انه ما فيها اي شي .. اي ما فيها شي
وبالنسبه للتعامل وياهم يا صبا في لغة اسمها لغة الصم و البكم
وهي لغة سهلة جدا و عالمية
شنو يضر اذا البنت تتزوج من واحد اصم او ابكم ؟؟
او الشاب يتزوج من بنت بكماء ؟؟
هذي حواجز احنا حطيناها بيننا و بينهم
صبا انا اوافقش الراي يوم قلتي دام الله اخذ منهم شي اكيد اعطاهم شي احسن منه
صح .. نلقى انه عندهم حاسة النظر اقوى منا بكثير
او عندهم مواهب كبيرة مثل الرسم و العزف .. او انهم يتمتعون بلياقة بدنيه كبيرة جدا افضل من الاشخاص السليمين !!
شنو اللي يمنعنا اننا نتزوج منهم ؟؟؟؟؟؟؟

مرحبااا بالنسبه للموضوع حبيت اعلق على الاخت الغاليه ريم البوادي

رايك على عيني وراسي .. وانا عارفه وداريه ان الصم والبكم لهم لغه خاصه واسلوب خاص ومفهوم وبالعكس انا مو ضد هالشي الحمدالله دارسين ومتعلمين حالهم حالنا ومايضر على قولتك ان تزوجو من ناس طبيعيه ... لكن ان وصل الموضوع للجديه فديتك ما اظن انك راح تتزوجين واحد من الحالات وتتحملين واتحدى ... صحيح محد راح يمنع الزواج وكلن حر نفسه .. انا قلت رايي الشخصي وماجاملت فيه او بالغت مو معناته اني ضد الفكره .. واخوي الخيال الحر سأل وقال يبي يعرف راي كل شخص الشخصي بالموضوع يعني ماقال لنا تكلمو بشكل عام .. وانا تكلمت ورديت بشكل عام وخاص ....

تقبلو مروري وتعقيبي ... أختكم صــبـــــــآ

[فزاع]

ريم البوادي

كلامك عين العقل

يعطيك العافيه

[ساندي بل]

يعطيك العافيه أخوي ( الخيال الحر ) ...

دائما ً تعجبني مواضيعك اللي فيها مناقشه ... مع انها مرات تسبب لي مشاكل ويثير الجدل


<<<<<<<<<< خوش نغزه



على العموم ...


أنا عندي عادي لو أتزوج من واحد أصم وأبكم ...

صج أنه حلو الواحد يسمع للثاني من الزوجين ... مثلا يسمعه احلى الكلام ... يشكيله ... الخ ...


يعني هم مو ناقصهم شي بس مايسمعون وما يتكلمون <<<<< يعني شويه


هناك طرق عديده عشان يتواصلون فيها مو شرط بالكلام يعني بالمشاعر يكفي اذا كان يبادلني نفس الشعور ...


وانا اعرف واحد ما يتكلم ومتزوج وحده عاديه سبحان الله عايشين حياتهم على احسن ما يكون ولا جاه عيال ويتكلمون ...ما شالله ...


ومرات أحسن عشان لا يسمنا بالحجي <<<< بس مو من صجي


لي عوده بأذن الله اذا ما سبب ردي مشاكل


تقبل مني باقه من الاحترام والتقدير ...