(شفوقٍ على وصل الحبيب وهو راضي = كما يشفق المحرم على حبة الكعبه )؟

[(هاوي قصيد)]

مسا الخير

دره من درر الشاعر الكبير \ عمير ابن عفيشه ال شهوان الهاجري

وهو علم من اعلام الشعر في دولة قطر والجزيره العربيه ,,,

الا يا النشاما ودي أقضي أغراضي = على موتر في طاعة اللي يسانع به

مسيره على القانون ماسارفي الفاضي = ثمان الدقايق له تودي وترجع به

من احسانكم حثوا مسيره على حاضي = له السيد متعدل وخلوه يجزع به

نزوز الذي زادت من اسبابه امراضي = صديقٍ ولا وافقني الحظ يجمع به

صبرت الشتا عنه وذا وقت مقياضي = وانا عبرتي في الصدر تنحي وتطلع به

ولاشوف شايل حمل للعلم نقاضي = يقولون هذا به لياقه ونطمع به

والاسرار ماتبدى على كل فضفاضي = هبيل يبذر بالخبر حين يسمع به

لها واحد مثلي وشرواي حفاظي = عنا البيض قد شيب براسه ولقع به

كما وجد راعي بكرة له تقباضي = قبض في الشداد وهي على صوب تربع به

على بوجديل صاغ تجديله العاضي = وله مفرع يدهش الى منه فرع به

مدامع وخشم وخد كالبرق لا ناضي = وبيض الثنايا كنها الحص تلمع به

وعنق دقيق ولبة لونها ياضي = والانهاد بيض اللي لها الفن تسجع به

مزوح ذبوح بالخطا له تعراضي = رما بالسبب لي لين قلبي تولع به

وجعلني بحبسه مثل محبوس الارفاضي = وخلى لي الحزن الشديد اتجرع به

يعيل ويميل ويخلف الغيظ بغياظي = على مايريد يحيسني لاعبٍ لع به

ولاشوف لي حيله يكون التوعاظي = اربه الى سمع التوعاظ يخشع به

(ابي مطلب منه بلا ايا تعكاظي = يجي بالتراضي مايحكم المطوع به)

الى عودت بالحق باروح مغتاظي = اعرف أن قوانينه بتاتي علي صعبه

هو المدعي والمنكر الشاهد القاضي = واخير اني اخذ ماحصل منه واقنع به

وابي منه بالمعروف ماودي اقاضي = وهو ميسر والوصل ماهوب يقطع به

وانا مثل عطشان قطع قلبه اللاظي = وعذب السجايا مورده مايشرع به

( ولوكان حيضان اريش العين فياضي = شراب بلا مسفوط ماودي ادنع به )

(شفوقٍ على وصل الحبيب وهو راضي = كما يشفق المحرم على حبة الكعبه )

لاجل الوداد قاطع عرق لظاظي = وصوابه بقلبي ماادري ويش باصنع به

وهو دختري كانه على الخل غضاضي = عسى منه ياتي طب للسو ندفع به

والاسباب يومه ذكّر الدارس الماضي = وخلى العيون تفيّض الما وتدفع به

عسى جلسة عنده بها حلو الالفاظي= بعد موقف الفرقا ويوم الموادع به

وانا باتصبر منه لو كان ما اعتاظي = ولو كان غيره بيحصل ماتمتع به

وسلامتكم

[حـــوران]

صح لســان ابن عفيـشه

والمعروف لايـعرّف

قصــيده جزله واختيــار جزل وانشهر منها ابيـات كثيره وماعرفنا شاعرها

لاهنت على النقــل وبيـّض الله وجهـك

اخـوك

[دكتورة العجمان]

صح إلسانك وبدنك ومشكوووووووووووووووووور على هذي الأبيااااااااااااااات ....
أكثررررررررررررر من رائعه وننتظر منك الجديد.....
تقبل مروري وردي.....
أختــــــــــــــــــــــــــــــــكم:
.".دكتورة العجمان.".

[محمد بن سعود]

الــهـــاجـري


حجـز متأخـر / ولـي عـوده

بـاذن الله

[الزين بنت عبدالعزيز]

(شفوقٍ على وصل الحبيب وهو راضـي
كما يشفق المحرم على حبـة الكعبـه )

:
صح السان الشاعر..
عمير الهاجري

وتسلم يمينك ..الجزل مايجيب الا الجزل

لاهنت

[(هاوي قصيد)]

حوران ,,,

ما الجزل الا راسك طال عمرك

لاهنت على المرور الكريم

[(هاوي قصيد)]

دكتورة العجمان ,,,

صح الله بدنتس

الاروع مرورتس الكريم

[(هاوي قصيد)]

محمد بن سعود ,,,

يامرحبا ومسهلا , وبنتظار عودتك

[(هاوي قصيد)]

الزين ,,,

وانتي سالمه

لاهنتي على المرور الكريم

[دوسري يحب العجمان]

والاسرار ماتبدى علـى كـل فضفاضـي
هبيل يبـذر بالخبـر حيـن يسمـع بـه

صح السان عمير الهاجري

وتسلم اخوي الهاجري على الاختيار الرائع للقصيدة

تحياتي لك ...