تغطية ندوة طرح الثقه في ديوان المرداس

[jasmenne]

السلام عليكم مشكورين على التغطيه وصراحه كفيتوا ووفيتوا بس اللي احب أسأله الوزيره نوريه الصبيح صار لها سنه من امسكت الوزاره وما قلتوا شي وتكلمتوا عن اللباس الشرعي واهيا مو محجبه وما اعترضتوا ولا سويتوا ندوات واهيا تروح وترد بالمجلس بدون حجاب وينكم عنها اكثر من سنه والا علشان المجلس راح يحلونه قمتوا تتحركون وهذا اللي اكده الكثير من النواب منهم خلف دميثير وغيره من خلال لقاءهم بقناة الوطن وبعدين سعد الشريع استجوب نوريه الصبيح ونجحت باستجوابها واهيا ما اخذت للحين قرارها في البنت اهيا صح مسؤوله عن كل فرد بالوزاره بس انطروا اهيا شنو راح اتسوي انا ما ادافع عنها بس اقول الحق لازم الوزير ياخذ فرصته مو على اوله تحاسبونه على اخطاء اللي قبله وموضوع الولايه مثل ما قلت قبل ليش ما تحركتوا قبل هذي كلها اساليب معروفه ساكتين على معصومه المبارك واهيا اقدم من نوريه الصبيح ولا قلتوا الولايه اشمعنا الحين؟؟؟؟؟ انا أأيد كلام الشرع كيف ماكان بس استفساري ليش الحين ؟ وعلى فكره المنطقه العاشره متروسه بالبدو والإسلاميين اللي لازالوا لا يتقبلون ولاية المرأه سؤال الديره متروسه من الإسلاميين ليش ما سووا الندوه خارج العاشره كل هذا علشان يحصلون على تأييدهم في المرحله المقبله أسلاميين على عينا وراسنا بس مو على حسب جدول انتخاباتهم أخيرا انا مو ليبراليه ولا حكوميه انا كويتيه و عجميه يعني اللي يعز عليكم يعز علينا
انا اسفه على الاطاله
وشكرا