هجووووووم قوي لستار اكدمي

[SWeeT--GiRL]

القصيدة كتبها شخص ما بعدما شاهد برنامج ( ستار اكادمي ) بما فيه من مناظر تخجل النفس...


جيت أنـا الدنيـا عـام تسعـه وسبعيـن وأدري يـا نـاس خبرتـي فيهـا شويّـه

أقضـي اسنيـن وتتلـي سنينـي اسنيـن وكم غرايـب أو عجايـب يمـرّن عليّـه

ربّونـي أهلـي من الصغـر أتبـع الـديـن وعلموني أحكّـم عقلـي فـي أي قضيـه

قالوا يـا شويعـر اقسـى واتـرك الليـن ووصـف لنـا شعـرك تجـاه لكادميّـه

أخجـل أنـا وأحـط هالـراس فالطـيـن قنـاة(ن) للعـرب هـاذي ولا أجنبـيّـه

قلـت يـا عـرب شوفـوا ذرفـة العيـن للي يتابع هالبرامـج هـو أكبـر ضحيّـه

أبكـي ونـا أرثـي حــال المسلمـيـن ماتـت مشاعرنـا رغـم قلوبنـا حـيّـه

ياعـزة النفـس ليـه عـنّـا تغيبـيـن؟ وحثالة القوم صـاروا الأسيـاد فالدنيـا!!

شبعنـا مهـازل نشربهـا مـن اسنـيـن ومن الغـزو الفكـري كـم شفنـا الأذيّــه

فقدنـا الـذوق؟؟ ولاّ عنصـر الديـن ؟؟ حـد(ن) يشاركـنـي فــي هالقضـيّـه

لاني بضد الفـن والطـرب والتلاحيـن! ولاني ضد "برونو" أو " محمـد عطيّـه"

أنـا شويعـر وزادي شــوق وحنـيـن أعشـق أنـا بـلادي وحتـرم لبجـديّـه

بالله خبروني: هـل يجـوز فـي الديـن؟ خلوة(ن) فيها " خلاوي " يعانـق إبنيّـه؟؟

حيـاه.. منهـم أكثـر فيهـا الشياطيـن!! بوس .. أحضان.. والله يستر فـي الخفيّـه

صوّروهم في الأكل حتـى غسـل اليديـن! يـا ليـت شفناهـم ركّـع فـي العشيّـه!

خيّروني في ثلاثـة واللـي يتمّـون ثنيـن ولنهـا جميلـة اختارهـا غصبـن عليّـه

سمّـوه " سوبـر " حشـا تقـول بنزيـن والحينه لهم دار(ن) هـي وكـر الخطيّـه


( هزل .. طرب .. عزف) سمّوها تمارين! هاذي حيـاة(ن) ميتـه ولا فيهـا أهميّـه

وحنّـا خضنـا بالعقـل مـر القوانـيـن ومرّينا فـي أقسـى الظـروف الجامعيّـه

فينا .. علماء.. أدبـاء.. حتـى مهندسيـن مـا حيـد حطوهـم فـي فقـرة دعائيّـه

حــرام نـصـرف آلاف ومـلايـيـن لجـل نصنـع مطـرب حـك أغنـيّـه!!

بس أنـا أدري وأنـت يـا بنـت تدريـن بنـي يهـود هـم ورا اللعـبـة الدنـيّـه

منقووووول

تـــحياتي،‎

[Ajmi]

اللــــــه اللـــــــــــه

صح لسانه ومشكوره يا سويت قيرل على ها القصيده الرائعه

لاهنتي يا الطيبه

وكلامه سليم الله يطوّل في عمره


سوبر ستار تمويله صهيوني ,,, وهدفه معروف ولا اريد التحدث عن هذا الموضوع ,, لأن الكل يعرف الحقيقة


تحياتي للجميع

[ال محفوظ العجمي]

والله كلمات قووويه ...

بس ملاحظه الشاب السعودي محمد خلاوي لا يحضن ولا شي من هذا القبيل والحق ينقال.....

وهو الوحيد الخلووووق من بينهم انا لا اشجع البرنامج ولكن للتوضيح لكي نقول الحق........

اخوك حمد

[SWeeT--GiRL]

تييلم على تواصلكم
alajmi
ال محفوظ العجمي

بس ماكو فرق كلهم نفس الطقه
وبعدين لاتنسىانه لمن فاز بالتصويت سجد
وشكرا

[راكان اليامي]

لاهنتي على الرد

وصح لسان الشاعر وتسلم يمينش

تحياتي

[اليامي]

صراحه قصيده قويه جدا ً

والله يبارك فيه



ومشكوره يا سويت قيرل

[SWeeT--GiRL]

حياكم
وهلا

[حاكم العتيبي]

اللهم لاتؤاخذنا بما فعل السفهاء منا


مشكوره ياقيرل