هذه القصيدة للشاعر الكبير المرحوم صقر النصافي
ياعلي خل العيـد لأم الدناديـش =اللي تنظـف كـل يـوم جسدهـا
تبغي تماري ناقضات العكاريـش =في كـل ملفـاح تنقـض جعدهـا
العيد عيدالله ولو فـات حتيـش =من حسبة ايـام يمـرك عددهـا
نبي نعلمك المساري على الجيش =تمشي ذلولك لين يفتـر جهدهـا
خابرك مانتب ضاري للمطاريـش =نبيك تونس حلوهـا مـن نكدهـا
ليله على مسرى وليله مغابيـش =وليله نخلي نومهـا لمـن رقدهـا
وليله على تمره وليله على عيش =وليله نوكلك اللحـم صيـد يدهـا
ياعلي لاجيت العرب لاتجي تيش =خبل ليا جاب السوالـف سردهـا
إحفظ لسانك لا يجي فيه تبطيش =تصبح عيونـك كايـدات رمدهـا
يجيك من ينشدك نشدة تكديـش =يبـي يسنـع هرجـة يعتمـدهـا
خله يقوم مفلت في يـده ريـش =يروح منك وحاجته مـا وجدهـا
ترى دعابيل الخبول الفوانيـش =تبدي بما فيها ولا احـد نشدهـا
يجيك واحدهم يورش توريـش =سحابته يسبـق مطرهـا بردهـا
واللي لغمقات السوالف مناقيـش =قراية الكلمـة علـى اول عددهـا
تجي سوالفهم ضحك وتبهيـش =وقلوبهم ما احـد يفكـك اعقدهـا
31-08-2004, 10:50 PM
العرض العادي
