الشيخه شيخه كانت هنا....

[الشيخه شيخه]

ياطول صبري عليه وما اطول المدّه
والنفس مابين مأمورة ومنهية

الحب والشوق والضيقات والصدة
حطت على وجهي المغبون ماريّه

احدٍ زها له سواد الخال في خده
واحدٍ بخده من هموم الدهر كيه

يقفي به الشك صوب اللوم ويرده
واذا رجع مالقى الا رسمة ثاريّة

وتزيد به ضيقة العشاق وتهده
يبكي على حاجة ماهي بمبكية

يزل واقول يمكن ماهو بوده
غلطة ويمكن على ماقيل عفوية

حتى ولو قالها قاصد ومن جده
يشفع لحاضر غرامه زين ماضيه

اعشقه واشتاق له اهواه واوده
ومن الغلا نسبة المليون فالمية

ألد عيني لكن ماهيب منلده
هو اول الحب في عيني وتاليه

غر قلبي على النسيان واحده
لاشك عيا من النسيان موليه

عزي لحالٍ على فرقاه منحده
وعزي لقلب الا من حل طاريه

يتوق توق الوحش في كف من هده
لاطار مالد عيني صوب راعيه

ياشين فرقى اللذي تغليه وتوده
لاصار حيي ولاتقدر على جيه

جعل ربي يصبرني على الشدة
لين مايجتمع غالي وغاليّه

لو طال صبري عليه وطالت المدة
ياحيي شوفه قبل لااموت ياحييه

[الشيخه شيخه]

ياشين لا منك’’ وفيت لانسان’’..
وارخصت له عمرك وقفى وخلاك’’

تضيق في عينك صحآري ووديآآن
وتشوف معنى القهر وش لون يغشآآك
تحس سآعتهآ بلوعه وحرمآآن
ولآعآد تعرف وجهتك من مقفآك
تشعر برهبة خوٍف مآعآشهآ انسآن
تمشي وتتلفت ويختل ممشآك
تبكي وبأحسآسك تقول مآبه إْمآن
وتنآظر إْبظلك وهو مآتعدآك
تجلس وتسولف يمكن اكون غلطآن
وتخط فوق الرمل ’’فرقآه ’’ بعصآك
تكتب اسمه حرف تإْكيد برٍهآن
وتسطر البآقي ع كف يمنآك
وتقلب اورآق الزمن كآن مآكآن..
ويبقى السؤال وش لون’’ قفى’’ وخلآك

[الشيخه شيخه]

لا تطلب المشتآق توصيف شوقهـ
يمكن يروح آلليل في وصف آلاشوآق

يسوقني شوقي لـ صوتك وأسوقهـ
مـآإغير صوتك يشرح آلصدر لــآإضآق

مثل العسل صوتك دواء من يذوقهـ
يطفي لوآإهيب الحنآإيـآإ وآلـآإعمـآإق

غبت وشعوري أنثرهـ ثم أحوقهـ
ماهو جفى لكن رجـآإء لحظة إعنـآق

في ذمتي قلبي تزآيد حروقهـ
يـآإمـآإ أحتمل مير مـآطـآق

كنك وكني دم دآإخل عروقهـ
الدم كنك وأمـآإ أنـآإ عرق عشـآإق

لك فيني أكثر من مشـآعر صدوقهـ
أعيشها لو بين نفسي والأوراق

إييييهـ أحبــك لو تبغى خفـآيـآ خفوقهـ
شف نزف حرفه كل مـآإ غبت وأشتـآإق

يغرب حنـآإنك وأتحرى شروقهـ
دآإمي وعدتك بانتظر لين آلـإشرآق

قلبي بحبك يطلب أبسط حقوقهـ
لـآإ قـآل : خذني ضمني زدني إشفـآإق

لـآإ يـآإ بعد من عذب آلدمع موقهـ
للـ موت أحبك لو بحبي لك إرهـآإق

[الشيخه شيخه]

لاتتعبيني يكفي القلــــب مجـــــــروح
........................لاقلت احبك اسكتي...واسمعـــيني
ماجيت ادوّر فيك لوعـــــــــات وجــروح
........................جيتك وانا كلي امل ...تسعــــديني
جيتك وانا كلي احاسيس ووضـــــــوح
........................جيتك ابي لوساعةٍ...تفهميــــــني
والله ماغيرك سكن داخــــل الــــــروح
........................ولاغيرك انتي وســـط قلبي وعيني
والعاشق اللي يعشق بصدق مفضوح
........................لو جا يرد الشـــــوق لازم يبينـي
لاتساليني وش ورى الهم والنــــــــوح
....................وفي عز جرح القلب لاتســــاليني
ياليتني اقدر على البـــــــوح وابــــــوح
........................ان كان ماشفتي الشقا محتوينــي
ياللي تحسبين الهوى لعب ومــــــزوح
........................شوفي سواة العشق والهــم فيني
بعض الغـــرام ايجيله ايــــام ويــــــروح
........................وانتي غـــرامك بالحشا مبتليـــني
لاتتعـبيني يادوى القلــــــب والــــــروح
........................لاقلت احبك اسكتي...واحضنيني

[الشيخه شيخه]

غيبتك لو هي دقيقه تعتبر صده . .
الوقت عقبك سجن . . وغيابك اسياجه . . .
لا تعتذر لي ترى ماعاد في شده . .
اعيد حكي ٍ . . يكود الصدر مخراجه . . .
دامه يوصّف بجود ابيك وبجده . .
وشلون تبخل . . على المجروح بعلاجه . . .
ووشلون قاوااك قلبك رده وصده . .
مع انه بيّن عليه الضعف والحاجه . . .
ياقو قلبك برد ايمينك ورده . .
بخلت بمصافحه . . وارهيت بحراجه . . .
لو ماسقى غيم عينه جرهدي خده . .
تراه يبكي . . وقلبه يلحق اخلاجه . . .
ولو شفته يمازحك تراه من جده . .
الضحك عن . . درب ضيق الصدر ماعاجه . . .
غير الوله والغلا عليك وش حده . .
يادرب ليله ويامسراه وسراجه . . .
كنّه يعرفك قبل يلقاك من مده . .
مع ان مابينك . . وما بينه امواجه . . .
هواك بدو ٍنووا للقلب بالشده . .
ورياض قلبي لشوف البدو محتاجه . . .
والوصل بحر ٍ متى انت بتسمح ابمده . .
السيف صبري . . وبحرك شح بامواجه . . .
قصيدي اللي قريته واللي اعده . .
قديم . . لا يزعلك معناه واخراجه . . .
وفراغ قلبي غلاك ارهى على سده . .
ليتك تشوف الغلا . . وابراجه وعاجه . . .
اقوى رياح العذل ما تقدر تهده . .
والا الجفا . . لو تنفس هدم ابراجه . . .
تغانم الوصل لن البعد لابده . .
ياتيك في يوم . . ثم ياخذك بادراجه . . .
اللي لي انك تلين وتترك الشده . .
واللي لك . . اني ماسولف بك لهراجه . . .
ولاني بزعلان واللي نرتجي مده . .
يا باب قلبي . . ويا قفله ومزلاجه . . .
زعلة تغلي ومن تزعله من قده . .
ما دام كل ٍ . . يبي دربك ومنهاجه . . .
غالي وتبخل علي وتطّول الصده . .
الله يسامح غلاك ويلعن الحاجه . .

[الشيخه شيخه]

ما تغيَّر شي .. لكن .. صار فاضي هالمكـان
.....يعني إنتَ شفت قلبي طحت مِنْ عيني وعينـه

كان لك قلبي مدينه ولاحظ إني قلت : ((كان))
.....يعني إنتَ الحين واحد ((خارج حـدود المدينه))

ليه مستغرب كلامي وليـه أعطيـك الأمـان
.....وليه تَكْذِب في كلامك العـذر وينـك ووينـه

ما ألومك كان قلبـك ثـارت أمواجـه وخـان
.....الخطــا منَّي لأني صرت فـي بحـرك سفينـه

والسؤال اللَّي كتمته وما نِطَـق فيـه اللسـان
......كيف إيدك إطعنتني وآنا أحْسِبْهَـا أمينـه ..؟

جرحي ما يرضيه قلبك لو يجـي كلِّـه حنـان
.....لو تبــوس الجرح فيني ولـو تقبلهـا إيدينـه

يُوم أحبك قلت كلمه : ( يكرَم المرء أو يُهان )
.....وإنتَ قلبي ما كرمته وما قدرت إنِّـك تهينـه

( عزِّتـي ).. ما هي جديده آنا شامخ من زمان
.....إغسل إيدك من رجوعي وروحي يابنت اللذينه

طاب خاطر قلبي منِّك وهذي الفرقـى رهـان
.....وحتَّى لو قلبي يحبـك ربِّـي بفراقـك يعينـه

تدري لما قلت أحبك قلت وما عنـدي ضمـان
......وإختياري كان خاطىء تجربه بالحيـل شينـه

كنت تخطي وكنت أسامح مرَّه مرتين وثمـان
.....أدمح الزله عشانك وأكتـم أنفـاس الغبينـه

كنت أحبك وكنت أعزك والغلا فينـي جبـان
.....اخاف تزعل لو ألومك ضعت ما بينـك وبينـه

في عيون الناس عادي بس في عيني جنـان
.....وكان قلبي من يشوفك تفضحه نظـرة حنينـه

ماني أوَّل من يحب ومنتَ آخر شخص خـان
.....المحبه في زمانك بحـــرها من غيـر مينـه

الفشل .. كان النتيجه وأعتقـد آن الأوان
.....أبني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان
.....يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟؟
.....الله يرحمها المشاعر اللي كانت لـك رهينـه

قلت لك قلبي ( مدينـه )فيها لك حشمه وشان
.....لكن إنتَ الحين أغرب شخص في هذي المدينه !!

[الشيخه شيخه]

ياليتني لا أشتقت لك أقدر ألقاك
ياليتني لامن بغيتك لقيتك

ياللي طبعت بداخل القلب ذكراك
يفز قلبن من صميمه هويتك

أخذت خمس سنين كله برجواك
من دم قلبي بالقصايد رجيتك

أسهر وأعاني وأرتجي وأتمناك
وأصافح كفوف الشقا لابغيتك

ياما نصحت النفس تقنع بسلواك
طالت سنيني بالهوى ماسليتك

يامالكن كل الحلا في مزاياك
ملكت قلبي في يمينك فديتك

خذني على ماقيل شمعة بدنياك
ابأحترق وأضوي أركان بيتك

بأشيل عنك الهم وأدور أرضاك
لاعاش همن عانقك في مبيتك

لاتقول تنساني وأنا ماأقدر أنساك
يفنى شبابي والعمر مانسيتك

[الشيخه شيخه]

*~..[طڷبتــڪ]يآ بعـډ ڪڷ اڷخــڷآيق ( رۈۈۈق ) ۈ أسمعــني
ترى مآ يذبح [ اڷعآشق ].. سۈى ڷآڪثرهـ ( أۈجآعهـ )

[ أمآنــهـ ] ڷآ بغيـت تـرۈح ! ( تـڪفى ) ڷآ تـۈآډعني ..
ترآڪ أنت [ اڷۈحيډ ] اڷڷي عجزت أتخيڷ ( ۈډآعهـ )

[ إڷيـآ منهـ ] نزڷ ډمـعي ( أمآمـڪ ) قۈڷ ۈش يعني
يآ إمآ .. إني
[ أحبـڪ ]
أۈ إن اڷنـفس (مڷتـآعهـ)

ۈ أنآ [ في اڷحآڷتيـن ] أصبـح أنآ (اڷمقصۈډ) ۈاڷمـعنى
ۈ تصبح حضرتڪ (جآني) ۈأنآ اڷمجني عڷى [أۈضآعهـ]

[يآهيهـ] أسمع ! يآهيهـ أفهم (ڪڷآمي) ڷآ تقآطعني
ترى اڷرجّآڷ [ ډمعآتهـ ] تسآۈي! ڷۈيـة (ذرآعهـ)

ۈ أنآ عن بعض اڷاشيآء .. [عزتي] ۈاڷڷه تمنعني
مع أن ( نفسي ) .. عڷى حبڪ قسم باڷڷه [منصآعهـ]

[يآ ڷيتڪ] من قبڷ ڷآ تقتنع في اڷبعډ ؟ (تقنعني)
{سقيم اڷحب}! بعډ اڷڷه من اڷڷي يقډر أقنآعهـ ؟

ۈ يآ ڷيت أنڪ {سقيم اڷعقڷ}! قبڷ أنڪ تۈڷعني
مآ ڪنت أشتآق ڷڷمجنۈن [ۈ أعشق ] طبع بطبآعهـ

ترى [عآډي ! ] يۈم إنڪ ڪڷ سآعهـ ڪنت (تخډعني)
ڷڪنّ اڷڷي مآهۈ عآډي ؟ [أحبڪ مۈت] ڪڷ سآعهـ

أحبڪ ڪثر ! مآڷڪ في [اڷحشآ] طعنآت
( تۈجعني)
[ۈأحبڪ] ڪثر! مآيجرح (خفۈقي ! )خآفق ٍ بآعهـ

أحبڪ ڪثر! مآ حآۈڷت [ڷڷهجــرآن] تډفعني
ۈ أحبڪ ڪثر ! مآ أمڷڪ من بيۈت اڷشعر (ۈ إتبآعهـ)

ۈ ڷڪن [ډمعي] ڷۈ ينزڷ.. نزڷ في شي ( ينفعني )
[ نزڷ ڷڷخآڷق اڷۈآحډ ۈ أبوي ۈ أمي ۈ ڷڷطآعة] ..~*

[الشيخه شيخه]

خــلك عـلـى صـدك.. تـرى خـاطري طـاب
ودعـتـك الـلـه.. وابـتـعــد لا تـجـيـنــي
مـن صـد .. دون أية عواريـض وأسـبـاب
أنـهـيــت حــبٍ.. صــار بـينـه وبـينـي
حـتـى إيـش.. لـو إنـه مـن أدناة الأقراب
نـفسـي عـزيـزة.. والـعـرب خـابريـنـي
مـانـي عقـب فـرقـاك.. عايش بلا أحـباب
ولانـي عـقـب فـرقـاك عايش حزيـنـي
لا ساهـرٍ لأجـلـك .. ولا الـدمـع سـكــاب
مـن أنـت؟ حتى تـبكـي اليوم عيني
أصبـحـت فـي عـينـي مـثـل باق الأغـراب
إن رحـت والا جـيـت مـا أنـت بظـنيني
وش حـاجـتـي.. لا صـرت بـالـحـب لـعــّاب
حـرام أضـيـّع.. مـعك باقي سنيني
خـذها بـلا تـسـويـف واحسب لها حساب
نـهـايـة المـقصـود.. فـي كلمـتـيـني
اللـي يـبـي فـرقــاي .. قـدامـه الـبــاب
((( واللـي يبـيـني فـوق راسـي وعيني )))

[الشيخه شيخه]

وش تسوي لو عشقت انسان ماهو من نصيبك
لا لك بهالوضع يد .. و لا له بهالوضع سبه !!

وشهو ذنبك لو غدى من بين خلق الله حبيبـك
تعرف إن قربه محال .. و قلبك مصمم يحبه ؟!

و انته متأكد و عارف يب يجي يوم و يسيبـك
يعني متوقع بأي لحظه يغيـب و تغتـرب بـه!!

كل دربٍ يرحل بطيفه .. على وجهـك يجيبـك
كل حرفٍ يُكتب لغيره .. تحسه منكتب بـه !!

كن كل عيون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـه

و اللي كاسر ظهر قلبك و بشقا الدنيا مصيبـك
عارفٍ بانّك تحب .. و ما يعَرْف انّـك تحبـه

ساكن ٍ بأصغر تفاصيلك و قلبه مـا دري بـك
ماكن ٍ بأقصى معاليق الكيان اللـي لعـب بـه

وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه !!