الـξـمر ولّــى والبخت طاζ ماقـام،،والـ ζ ـظ وقّــف والليالي ξـجولــه،،

[المسك الاذفر]

اكره ماعلي اجي القى ردودي محذوفة وربي احس اني مو محتَرَمة,,


وربي احس اني بزر مزموم من علباه ومحذوف برا..


ياجماعه خفوا شوي وربي ماتسوى علينا..,,

ترى نعرف حدودنا!!!!!!!!!!

هاجعلي اشوف ذالرد محذوف



ركني وكيـــــــــــــــــــفي

[المسك الاذفر]

ليش نسمي الافلام كرتون (بابّاي) مع ان فيه بابايات اشهر منه الا انه سيطر ع التسميه،،

واللي اكشخ من (باباي) رسوم متحركة

،،


اليوم ع الراديو والله مادري كانها مارينا والا اف ام الوكاد انهم فصلوا ع البابايات القديمة ،،

شخبارييييي بومبو بومبو بومبو ياحلاتها ياناس بلّا ذلحين باباياتهم اللي يتجشأ واللي يسوي حركات قذرة صاروا بزرانا يسوونها واول حنا لو نسويها تجينا مهصه ماتدري من وين بس دايركت ع الفخذ

غير ليدي البنت المسكينة وسالي دايما البطل مظلوم والا يتيم عشان كذا جيلنا للحين يعاني هههههههههههه

[المسك الاذفر]

الضرب كريه في كل احواله،،.

وانا هنيه اقصد ضرب العنف لا التأديب،،.

يُضرب الطفل حرام،،.

يُضرب المراهق دمااار،،.

يضرب الشاب تحطيم وانكسار،،.

يضرب الاكبر من ذلك اهانه،،..


الضرب اسلوب ضعيف يستخدمه من لا يملك الا قوة الجسد..،،

احيانا الضارب يكون احقر من المضروب فيزيد شعوره بالاهانه،،..

كيف ان الله ولاه مالا يستحق صيانته؟؟!!

ضرب الام والاب اهون من ضرب الازواج لزوجاتهم،..


الوالدين اعلى مقاما في عيني المرأة من رجل يضربها،،

تستحضرني هنا قصه:

لما تزوج شريح الراوية زينب،، زارتها امها بعد سنة فقالت له:

(لم يضم الرجل الى نحره شرا من ورهاء،،وانما زينب من النساء،، فان رابك منها شيء فالسوط..)

فضحگ شريح ثم قال:

رأيت رجالاً يضربون نساءهم فشلّت يميني يوم اضرب زينبا..

وكل محب يمتع الود الفه ويعذره يوماً اذا هو اذنبا...



انتهى
،،

فهلّا شريحاً لكل النساء؟؟**

[المسك الاذفر]

صباح النووووووووووم





كل يوم اعاقب نفسي والومها واقول اني بنام مبكر بالكثير س1 عشان لا اتعذب بقعدة الصبح

ونفس الحكاية كل يوم اسهر ليييين يطيح وجهي وانام ويللا تعالي قومي



دوم في بالي(اسرح مع الجهمة واانا ضايق البال)

انا اشهد.,,


الله لا يضيع لنا اجر وبس

[المسك الاذفر]

نمشي ورا والوقت يمشي لقدام ,,, ضعنا وضيعنا كلامٍ نقوله,,




من جد احس اني امشي ورا وبقوة بعد واشوف الناس تتعداني وتطوف وتاخذ مكاني قرب المقدمة

[المسك الاذفر]

وربي ما اعرفه شخصيا ولا كان بينا شي خاص(رسايل خاصه)

كانت بينا اخوة محترمة في حدود الالعاب والمواضيع..,,

ولكن واللي خلقني للحين حزينه عليه..,,

الله يرحمه وربي للحين متأثرة بموتته..,,

ماهقى انه بكرة مب داش المنتدى؟؟!!

ياترى شكان حاط في باله كلام بيكتبه او شي بيسويه؟؟

ماندري؟؟ماندري متى..,,,!!!ياقوّ قلوبنا ع العصيان..,,


اللهم ارحم موتانا وموتى المسلمين اجمعين..,,

اللهم اسكن(النقال) فسيح جناتك وثبته عند السؤال ياقدير واغفر له ذنوبه وارحمه انك انت ارحم الراحمين..,,

[المسك الاذفر]

شعور باااااااااايخ لما تحس نفسك..


Invisible

[المسك الاذفر]

يعني لي متى الحاله هذه الواحد ما يذكر امتحانه الا بساعة المحاضرة نفسها وان طاب حظه ذكره الصبح اول ما يقوم الا الذاكرة تصفعه ذاك الكف ان عليه امتحان اليوم..,,


عندكم حل؟؟



ذاك اليوم دخلت القاعه الا البنات متجمعين قلت شنو واجب قالوا يالغاليه كويز


مشيناها واختبرنا وجبنا 13 من 25


كويز وبسيطة


اليوم اقوم من النوم اكتشف ان عندي ميد تيرم ليش


لااااا وماعندي ملزمة الاختبار فاضطريت انطر المكتبة تفتح س8 وبروح اشتريها واذاكر شوفوا العنا الله لا يشقينا..,,


عن اذنكم رايحة اشتري الملزمة واذاكر او اقرا او اروح انتحر احسن بس الوكاد

ادعووووووووووووووووووولي

[المسك الاذفر]

ياساتر ياساتر ياساتر ياساتر


الحين انا قاعده امشي للمكتبة الجو برتقالي يروووع اختلعت وربي كنها بتعجج


الله يستر علينا،،

اللــــــِـــــه يرزقنا بالمطرة اللي تغسل سمانا وارضنا وقلوبنا اللي بين ضلوعنا،،

[المسك الاذفر]

هههههههههههه

نلعب صح رايحين رادين،،


الحين رادة اللاب اخذ كتبي اللي نسيتهم



الجماعه حل؟!