][®][^][®][ماهو الـبـيـت اللـي تـرددهـ لاضـاق صـدرك][®][^][®][

[(سعد بن محمد)]

خلقت في الدنيا وأنـا ما معـي شـيّ

وبروح منهـا ما معـي شـي منهـا

[(سعد بن محمد)]

لاضاق صدرك ياقليل المروات = صل الصلاة ولا تجي للاغاني

استخدم ابهامك في طي الصفحات = صفحة كتاب الله باب الاماني

[نجم الوادي]

طرات الرجل لا لحقه من الزمان اهمومُُُُُُُُُُمايدري بسده كود خيرة بني عمه

[۩فارس وين الفرس۩]

لآضاق صدرك عالي الصوت جره
لو كان قلبك ما يطاوعك مسرور


دنياك لو تسوى من الحِزن ذرّه
ما كـــان تاليها توابيت وقبور

[كايده النسا]

مساء الورد
اعتبرني كلام من اللي كتبته
كل ماضاق بك الكون قريته
اعتبرني حزنك اللي كتمته
أو دمع في لحظة حزن بكيته
اعتبرني الغالي اللي ذكرته
او الماضي اللي نسيته
او اقولك
اعتبرني اللي تعتبره
المهم في النهايه تكون حبيته

[۩فارس وين الفرس۩]

كـتبنـي الحـزن والواقـع قـرانـي
ليه الغرابه ,. وانا من يأس في يأس ,


كـسرت خاطـر زمانـي , والامانـي
عيت تحقق , وعيا يطيـب هوجـاس


مبطي وانا أقول , مـدري وشبلانـي
واليوم حسيت , بأني فاقـد أحسـاس


ياحزن , شـوف الدقايـق والثوانـي
تمرنـي حلـم, وانـا أمـر عسـاس


ياحزن , بالله كم لـي وانـا أعانـي
ماشفت لمـحة فرح , فعيون هالنـاس


مـرات أحـس أن ماجانـي كفانـي
ومرات , أكذب على نفسي بـلابأس


الارض حسيـتهـا مـاهـي مكـانـي
يا كثر ما احس نفسي طيـر قرنـاس


اللـي علـى قلبـي يقولـه لسانـي
عندي كلامي ذهب , وسكوتي المـاس


عطيت طيبـي , وطيبـي ماعطانـي
ألا جفاهم , وضيقـة بـال وأعمـاس


واليوم ياحـزن مـدري وش بلانـي
ماعدت أصدق بأن الناس للنـاس..!

[العيطموس]

فرق شاسع بين ضايق ومْتضايـق
وأن جهلت الفرق زدت الطين بلّه
الهجوس يسوقها تسعيـن سايـق
للكلام اللّي على وقتـه وحلّـه
من شراره شبّت وقبّت حرايـق
والهروج العوج من تبّـاع زلّـه
إختلاف الراي رحمـه للخلايـق
والحياه أخْذ وْعطا في كـلّ ملّـه
ما أعتقد وجهة نظر تبني عوايـق
بين راعي حلّ واللّي ضد حلّـه
وقفة الخطّر على بعض اللفايـق
أشهد إنْها علّـةٍ لا قيـل علّـه

[۩فارس وين الفرس۩]

سهّرت وجهي وكف الصبح يصفعني

كنــي بصمتــي جرحتـه يــوم ناديتـه


يــامــا تحلمــت في قربــك ولـوعنـي

قلـــت اتحلـــم ببــعدك لــو عـانيــــته

[العيطموس]

انا لامنه صـار قلبـي مستريـح
مالي ورا غرات خلـق الله لـزوم
من قام حظه قلت جعله مايطيـح
ومن طاح حظه قلت جعله مايقوم؟

[العيطموس]

اي والله انه ضـاق صـدري .. ولاادري
المشكلـه فينـي .. او المشكلـه فيـك!
بس الوكاد انـه .. لياضـاق صـدري
ودي اصد شوي عنّـك .. ولااجيـك
اخاف اجي والهـم .. فوقـي وحـدري
وتنشد عن اسباب المعاناه .. (واعديك ! )
على ايش تتعذب ؟ .. وتغـرق بكـدري
[لاتحسبني .. آآتتهـرّب .. ولاابيـك]
لاواللـذي عـلاّ مـع النـاس قـدري
× وجمّلك بد الناس .. في عيون مغليك ×
إنك ملكت احساسـي العـذب بـدري
وإنك خذيت اغلا مشاعـر .. محاكيـك