.. هاللحــظه لنــا والغـيــب لله ..

[ريــــــانـه العــــود]

تبسم وناد الحيـاه تجـي لـك=واعقد لصلفـات الطرايـق نيـه

واليا طعنت من الخلاف أدري انك=قـدم العـرب والطعنـه الماريـه

لا تعرض الذمه علـى السوامـه=خلوك في رمضا وهـم فـي فيـه

المال لو يشري ضميـر آبـن ادم=ما يشري اقلوب البشـر موليـه

انطقت لك من صمت فكري لوحه=ألـك التأمـل والتـألـم لـيـه

فان غيبت شمسي صروف الدنيـا=انت الرجاء كله وشمسـك حيـه

[ريــــــانـه العــــود]

هديتي انـت .. لا تتعـب وتهدينـي=اغلى هداياك في صـادق مواعيـدك
في نظرتك شفت برق الوصل يغريني=الحلم يقفي حلو الطيف .. واعيـدك
خل التعب عنك .. منك الحب يكفيني=القلب يعطيك كـل الحـب ويزيـدك
ياأجمل قصيده كتبها الوقت لسنينـي=واعذب لحن مايمل العمـر ترديـدك
مافيه غيرك يزعلني .. ويرضينـي=ابسط كفوفي واقول اهواك واريـدك
اطو المسافات يمي .. واسكن بعيني=الحب ماهوب لا بيـدي .. ولا بيـدك

[ريــــــانـه العــــود]

.

انا ماني اكبر منك لكني اخبر منك= وفرق العمر لا شي مع فارق الخبرة
يجي يوم تطلب فزعتي فيه غصب عنك= وادلك على المخرج واعلمك بالدبرة
تعلم تغانم فرصة الوقت اذا مكّنك= وكن في حياتك معتبر لا تكن عبرة
واذا كنت تجهل من تكون اختبر معدنك= كفيل الزمان انه يبيّن مدى صبره
على شان تعرف تحتقر شخص ماثمنك= وتثبت لمن يفخر بك انك على خبره
لو انك تصديت لهوى النفس ماوطنك= على الاتكال وضيعة الحال والثبرة
فكم ميتٍ ودك لو مكفنه كفنك= وكم حي ودك تذبحه وتحفر قبره
والانسان لو كفه بطاقة وجيبه بنك= على جرته فالارض مايلتقي شبره
لا ترقب سعة غيرك تجد حالتك في ضنك= لو انك بقصر تشوفه اضيق من الابرة
تندم على ما فات لكن لا يحزنك= الانسان ماتغسل قذا عينه العبرة

.

[ريــــــانـه العــــود]

.

اببعد وواصلك وبسبق خطوتي =وبنثرك فيني وبنسى اجمعك


بضمك واهجرك في قربك وحدتي=وبذلك عيوني وقلبي مضيعك


واذا أظلمت دنياي بطفي شمعتي=واذا كثر زادي بجوع وبشبعك


شردتي رقادي سمعتي نبرتي=وغمضت انا عيوني لأجل مااسمعك


صرخت في سكوتي ولمستي صرختي=وقربتي وجهك لي لأجل ما أصفعك


عند الحزن تثقل خطاكي دنيتي= وعند الفرح قالت خطاك مااسرعك


قصيدتي يكفي غبيه كذبتي =حبيبتي اسف بخونك بس معك

.

[ريــــــانـه العــــود]

.

أوَّاه ياقلـبٍ علـيـلٍ تِعلـقـت=في حبِ منهـو بالنواعـس فتنَّـي
حاولت عيني تِمتنـع ماتِملكـت=حبَّه ملك قلبي وفكـري وظنَّـي
ليلة لقانـا ياضميـري تلوَّعـت=هاجت شجوني والعيـون أهملنَّـي
عـزَّ الله إنَّـي بالمـوده تحمَّلـت=ما احدٍ فزع لي و خفَّف الحِمل عنَّي
حبَّـه ذبحنـي ليتنـي ماتولَّعـت=مِنه العذاب وزايد الشـوق مِنَّـي
لِى قِلت أبسلى رغبتي ماتِمكَّنـت=أنا الَّذي في حبَّه أبكـي وأغنَّـي
لو أني مِـن أول لِلغرابيـل ثمَّنـت=ماجيت حـد حمـاه ولا طعنَّـي

.

[ريــــــانـه العــــود]

.

الليل يسري .. في عيون الأغاني= والرقص في جو .. المدينه من الفن !
,
تعال ، نحكي عن حنين المواني= وإلاّ تعال ، نخالف ... الرآي والظنْ
,
مجنونتك لو طبعها .. كان أناني = ماهي على غيرك مِن العالم .. تِحن!

.

[ريــــــانـه العــــود]

.

آحيان من كثر الدمع ,,
.................. ما عاد يمديك البكي !
كل ما تخونك دمعتك
تشهـق بـــها .. وتـــردهــــــا ,,

.

[ريــــــانـه العــــود]

..

كم شخص دايم تجذبه ذكرياته ! = لو ذكريات سنين عمره , حزينه
يشوفها: أجمل مرحلة في حياته ,= بس ! يتمنى: ليت ترجع سنينه !
هذي سواتي , والزمن ذي سواته , =ولا أدري وش اللي صار بيني وبينه!!

..

[ريــــــانـه العــــود]

.

شخص .. إلى منه مضى لي معه يوم = آندم على ايام مضت قبل ماآلقاه
احتآج له لا صآر في صدري هموم = لو تنكسر ساقي تسندني يمنآه ..
جعل المعزة بيننآ دايم الدوم = هذا (الرفيق) اللي من الصعب تنسآه

.

[ريــــــانـه العــــود]

.

يوم (السفر) ناوي على بعـد وفـراق =وعلى طريق البعد سارت خطاويـك
ضاق الصدر والكون من ضيقته ضاق =وحسيت وسط القلب هم ودواكيك
ياشين فرقا من لـه القلـب "يشتـاق" =ياشينهـا شينـاه تظهـر خوافيـك ..

.