سجل دخولك للمنتدى في بيت شعري

[هند]

ناقل الهرج احـذر ثـم حـذّر وحـاذر=من حكى لك حكى بك لو بدى لك عضيد
احضر اللي نقل لك ومن نقل عنه حاضر=تكشف الصحّ والكذّاب لـو هـم عويـد
كان جاهل يعلّم ، وكان حاقـد وماكـر=اقطع خطوط وصله لا يجي لـه بريـد
مثل هذا تـرى حقـده بقلبـه خناجـر=يقتله مـا يطـوّل مثـل سـمّ الوريـد

وسلامتكم
الســــــــــؤدد

[ابو غالب]

ان ذقت من ضيم الزمن ما تكلمت ** الصمت له في بعض الاحيان ميزان


شعر : عادل بن مطرود

[هند]

قولوا لمن غـرّه زمانـه وصافـاه=لو ضحك وقته يوم لا بـد يبكيـه
وقولوا لمن وقتـه تغيّـر وجافـاه=لابد تفرج يـوم مـا كـان هاقيـه

[ابو غالب]

كـل ارض تــشــيـلـك .. يا ثـقـيـل الحـمـول ** وكـل وقـت كريـم بالـرضا والـزعـل

ويـن مـا رحـت تـلـقـى لك حـبيـب وعـذول ** وين ماكـنت تلـقـى مثـل يأسـك امل

يا طـريـق الـتـرجـي , والـولـه , والـنحـول ** والله انـي مــشــيتــك ليـن حـد الـثـمـل

ما لقـيت في وصولي لغـير قـبري وصول ** ولاعـرفـت فـحياتي مثل عـرفي للجهـل

لا تـظـن المـسـافـر مـن يـسـوق الـرحـول ** هـو مـن وقـف دون حـلـمه مـا رحـل


ابو مَيَار الحُسَيني

[هند]

اذكر اني كنت عايش بالليالي الاوليه=واذكر اني كنت عايش وقتها بأحضان غابه
ماعرفت الا عبارة مثلها مثل الوصية=(عيش عمرك ذيب) تسلم من مخاليب الذيابه

[ابو غالب]

ان كان جهلك يجيبك زيد في جهلك ** كن الجهل يوم عاب الناس ما عابك

ابو مَيَار

[السلاطين]

كان لـي حـظً بهالدنيـا يساعـد "" والمطر ماينكـرة جـذع النبـات

يثمر بكـفً علـى الشـدة تعاهـد "" ماتخـون ولاتغيـرهـا الحـيـاة

ياحروف الشعر يا...أغلى المقاصد "" الشعر قبلـك بيـوت بـدون ذات

خالص مودتي

الســـلاطين

[غرنوووق]

عمري مضى بين ضيقة وشدة ..
ماذقت طعمك يا سنين السعادة ..


ماشفت يوم شي عيوني تودة ..
ما شفت يا دنياي غير النكادة ..


أفرش وجع روحي فراش وأمدة ..
همي لحاف وحزني وسادة ...


** هتان **

[موكب]

أبدي سروري وأخفي الهم والضيق=والناس ما تفهم خفايا جروحي
أنا قوي الباس قدام كل المخاليق=وأضعف بشر لا صرت قدام روحي

[هند]

وانتبه للعذارا بعضهـن خـوش تاجـر=صيدة الرجل مهنة من شرفهـا زهيـد
ولا تفكّر تصيد اللـي عفيفـة وطاهـر=من رمى بيت غيـره ينتظـر للحصيـد
العقوبة قريبـه مـن عليـم السرايـر=يوم تبلى بعرضك وكل صايـد مصيـد
ويا بنات النشاما احـذرن كـل داشـر=في حروفه خديعـه رامـي{ن} للبعيـد
ينصب الطعم في ردّه وفي الخبث ماهـر=يعجب اللـي خفيفـه بالكـلام الحميـد
تبتدي الشات تثغي ثم نقـض الظفايـر=ثم جوّال يرقـص عنـد موعـد سعيـد
لين ياخذ مـراده ، سـددي للخسايـر=وردة العمر ديست ، بعدهـا وش يفيـد