. . . . . . . . . . . . . . . . تذكرّته .. وياليتني .. ماتذكرّته !

[[ عسّاف خيل ]]

,





فرقتي بعيني عن هذيك وذيك
الاسلوب زين ووجهك الزين , يازينه

خذيتي من الاعجاب والشوق مايرضيك
وانا الشاعر اللي من شعوره .! تعرفينه

تحبّين ركني حيل ؟ ياحظ ركني ( فيك )
وراعي الركن .. متى على الله تحبينه ؟

[[ عسّاف خيل ]]

,







يشرفني تواجدكم






http://alajman.com/vb/showthread.php...=1#post2861103

[[ عسّاف خيل ]]

,




مسى الخير .. ياطاري غرامه ليا مرّيت
تفضّل على باقي قهوته .. وفنّجالـه

دعتك الهبوب بريح ذكره , ورحت وجيت
على واحدٍ ماهوب سالي ولا دالـه

دعاني بنبره ؟ لاتذكرّتها .. حسّيت :
محدٍ حب في هذا الزمن غيره لحاله

ذبحني بعينه يوم قفّى .. وانا قفّيت
رحل .! وأدري ان في خاطره شئ ما قاله

على كثر من وادعت قبله .. ومن حبيّت ؟
هو اللي ليّا هالحين .. حبّه على حالـه .!

عليه القصيد أشفق من الناس لا غنّيت
وعليه الشعور أصدق من ( العود ) لـعياله

[[ عسّاف خيل ]]

,

[[ عسّاف خيل ]]

,

ولّ !! ياطهر دمٍ في ( شرايينها )
لوّ ماهي من احفاد الحسن والحسين

من ( زحازيح ) نجد ومن ( سلآطينها )
كان ماتعرفون ؟ إستفتوا العارفين .!

يستدين العصر من جمر خدّينها
والمسا ؟ لا رسا من شعرها .. يستدين

وطرفها ؟ أخذ قساوتها , وأخذ لينها
قدّ مافيه قسوه .. قدّ مافيه لين !!

( أتجمّد ) ليا جت عيني بـعينها
ما اقدر اقول من زود الخجل كلمتين

بآتكلم .. واسوّي .. بس في حينها ؟
كنّ مالي لسان , وكنّ مالي يدين !

[[ عسّاف خيل ]]

,




الكام شغّال .. والبث الفضائي بدا
شيّك على كحلتك وإحرص على حمرتك

حلو ؟ عسى الله يحفظك من عيون العدا
من كثر منت بـ حلو ؟ ماكنّك إلا مرتك





,

[[ عسّاف خيل ]]

,





يهز المسا رجلٍ من العام ( ضايق بال )
شروا حاجته , وأقفوا بها .. وإحترق كرته

ليامن همس كلٍ لـ خلّه .. على الجوّال ؟
تذكّرته .. وياليتني .. ماتذكرّته !



تذكّرته .. وياليتني .. ماتذكرّته !
تذكّرته .. وياليتني .. ماتذكرّته !
تذكّرته .. وياليتني .. ماتذكرّته !

[[ عسّاف خيل ]]

,






( الكبر لله ) ياللي نظره عيونك ؟
كنّها تمّد ( القصيد العذب ) لـ لحوني

أرسلّك : إن المشاعر مايدانونك !
وترسلّي : إنك نويت تعيش من دوني ؟

ويروح يومك وعينك في تليفونك
ويروح يومي وعيني في تلفوني

[[ عسّاف خيل ]]

,










البوح لا زاد ؟ زاد امعدل الغيبه
والقلب لا ساد صمته مات بالسكته !

ملامح الحزن فالطيّب ؟ مثل طيبه ..
ماتفارقه .. حتى ولوّ يضحك على نكته !

[[ عسّاف خيل ]]

,







ياكثر الاصحاب القداما والجداد
أكثر من آرباحي .. ومن خسايري

أحدٍ نقضّبه المشاعر والفواد ؟
واحد نقضّبه الطريق الدايري