.*.*.مطبخ منتدى العجمان .. مطبخك سيدتي فلا تبخلي علينا .*.* ..'. مزعلة النساء&حظي بري

[طبــ ع ــي كــذآ.. }~]

السلام عليكم ورحمة الله وبركاته

انا من زمان وانا احوم حول المطبخ ودي ادش واطبخ بس اخاف تهاوشووني مثل امي ماتحب احد يدخل المطبخ ويزعجها

هههههههههههه

جبت لكم اكله من الاكلات اللي احبها واللي امي تطلبها مني باستمرار وبالذات برمضان

هي تصلح للعشاء اكثر من الغدا وانتوا على راحتكم طبعا

اول شي المقادير::

1 كيس توست+ 1 كاس جبن كرافت الحجم المتوسط+2 كرتون قيمر(قشطه)كي دي دي

وطبعا انتو حسب رغبتكم بالحشوه تقدرون تحطون الحشوه اللي تبونها سواءا بيتزا

او دجاج مسحب اي حشوه تخطر على بالكم تقدرون تحطونها


الطريقه::

اول شي تخلطون الجبن مع القيمر عدل وبعدين تجيبون البايركس

وتصفون فيه التوست من بعد ماتشيلون اطرافه البنيه وبعدين تحطون شوي من الخلطه

اللي سويتوها على التوست وتغطون التوست فيه على شان يتشرب التوست

وبعدين تحطون الحشوه وتغطونها بالطبقه الثانيه من التوست

وتحطون كل الخلطه كلها على التوست وتراعون ان التوست كله تغطى بالخلطه

وتدخلونه الفرن ربع ساعه بس يميل لونه للبني شوي وتطلعونه وتاكلونه على طووووول

وراح تدعون لي ههههههههههه

واذا ماعجبكم ولا متكرر ولاتعرفونه مشوها لاني بس حبيت اشاركم بالطبخ

وانشالله عندي لكم طبخات كثيره انشالله تفيدكم

وتحياتي لش اختي حظي بري واتمنى الطبخه تعجبش

[# أم أطياب #]

السلام عليكم ورحمة الله وبركاته

القصيد الصعب

ارحبي ارحبي

والله الساعه المباركه اللي دشيتي فيه مطبخي أشوفه منور

لا بلاه طبختج تهبل

وخفيفه وحلوه

وان شاء الله يستفيد منها الناس



لاتبخلين علينا يالغلا

البيت بيتك

[# أم أطياب #]

السلام عليكم ورحمة الله وبركاته

حلو التمر



والله اليوم اليوم سويته للدوام

ورحت لي مشوار صغيــــــــــــــــــــــــــــــــــــــــــــــر 10 دقايق

رجعت الا ماشاء الله مخلص

الزبده

<<<<< يعني حلو هاه

::
::

المقادير //
48 حبه بسكويت [ أي نوع عادي ]
استكانتين ماء / واستكانه زيت أكل
2 قيمر
6 كيري
1 نستله صغير
15 إلى 20 فردة تمر
قليل من النسكافيه

::
::

الطريقة //

يطحن البسكويت ثم يضاف الماء والزيت ويعجن إلى أن تتماسك ويرص في البايركس

ثم تخلط بالخلاطه جميع المقادير الباقيه

وتسكب فوق عجيبه البسكويت

ثم يوضع بالفرن الى ان يحمر

ويخرج الى ان يفتر

ثم يوضع بالثلاجه إلى ان يبرد

ويقطع مكعبات ويقدم مع القهوه

وشكرا

بالهنا والعافيه

<<<<لذيذه وربي لاتطوفكم



انتظروا الجديد ان شاء الله

[gravity]

والله يابنات عندكم حركات عجيبه


تسلم الايادي ..

وانا عندي لكم سلطه عجيبه ...


الحين عيوني تعورني بعد شوي اذا صحصحت بكتبها لكم ..

ورح تعجبكم وايد وايد

[# أم أطياب #]

السلام عليكم ورحمة الله وبركاته



نشوف

نبيها تحدي

هلا بج يالغلا بأي وقت

بانتظارج

[ريم الصيد]

ما شاء الله طلعتوا فنانات

انا هم عندي سلطه حلوة وسهله

{الفته}

اغلبكم بيقول يعني جايبه شئ جديد
بس شسوي اللي اعرفه احطه لكم..

المهم


المقادير:
بقدونس مفروم-باذنجان مقلي-حمص معلب -خبز مقلي مقطع مربعات
الصوص:
علبه روب-ملعقه ماي-رشه فلفل-ملعقتين مايونيز



الطريقه:
تصفين المقادير بالدور نفس ترتيبي لها
يعني البقدونس بعدين الباذنجان بعدين الحمص وبعده الخبز
وتخلطين الصوص مع بعض وتصبينها فوقها

وبالهنا والشفا..

[# أم أطياب #]

السلام عليكم ورحمة الله وبركاته

ريم الصيد طرحتي فأبدعتي

شكرا لك

ولاتحاتين الكثير اللي مايعرف كيري ميري

فأكيد راح يستفيدون من اللي كتبتيه

سلطه لذيذه

جزيتي الجنه يالغلا

ننتظر جديدك

[# أم أطياب #]

السلام عليكم ورحمة الله وبركاته


معكرونه بالبشميل أكلتنا اليوم





المقادير //
2كرتون معكرونه [ السباكتي او اللي امتن منها شوي ]
خضار حسب الطلب [ بطاطس وباذنجان وكوسه وطبعا البصل ]
8 ملاعق أكل حليب بودرة
16 ملعقة أكل طحين
ماء حسب الطلب
1 زبده
2 مكعبات ماجي
بهارات
معجون طماطم
جبن مازوريلا


::
::


الطريقة //
يخلط الحليب مع الطحين بماء فاتر
ثم يوضع على النار وتوضع الزبده ومكعبات الماجي ويترك على نار هادئة
اتركيه على النار وقومي بقلي الباذنجان بعد تقطيعه مكعبات
وكذلك قلي الكوسه والبطاطس
وفي قدر آخر احمسي البصل جيدا مع اضافه البهارات المطلوبه والملح ثم يوضع كل الخضار عليه
ويضاف معجون الطاطم ويخلط معهم
تتكون عندك حمسه لذيذه
ضعيها جانبا
ثم قومي بطبخ المعكرونه في ماء مغلي مع اضافه الملح حسب الطلب
بعد طبخا اشخلي المعكرونه حتى تنشف
وبذلك تكون الجنبه وهي الخليط الاول قد انتهى ونضج واذا احتاج اضافه قليل من الملح اضيفي
ثم أحضري باروكس كبيره وضعي نصف المعكرونه بالاسفل ثم الحمسه
ثم المعكرونه
ثم اسكبي خليط الجبنه الذي قمتي بعمله فوق طبقه المعكرونه
وبالاخير رشي الموزوريلا على الطبق
وضعيه بالفرن الى ان يحمر

وثم بالهنا والعافيه





أرجو أن ينال اعجابكم

انتظروا الجديد

[ريم الصيد]

تسلم الايادي يا حظي بري

احلى شئ معكرونه بالباشميل<< غرامها ..

[ريم الصيد]

اليوم جايبه لكم حلى راااايق

عسى يعجبكم ..



مقادير الطبقه الأولى:

1كاس حليب بودره نحمسه عالنار حتى يصير لونه ذهبي.
3/4 كاس سكر.
5 بيضات.
1/2 كاس زيت.
1 ملعقة طعام بيكنج بودر.
1/4 ملعقة طعام نسكافيه.


تخلط جميع هذي المقادير بخلاط الكاس جيدا حتى تمتزج‘وبعدين نحطها بصينيه بايركس مستطيله
وندخلها الفرن على درجة حراره متوسطه مثل الكيك
لمدة 1/3ساعه او انك تختبرينها بعود اسنان او سكين وتتاكدين انها استوت



للطبقه الثانيه:
8حبات جبن كيري.
بيالة سكر.
بيالة حليب سائل طازج مثل نادك ندى اللي موجود.


تخلط في الخلاط زين ثم نضعها فوق الطبقه الاولى بعد ماتستوي ونرجعها الفرن مره ثانيه بس هالمره
نشغله من فوق دقايق بسيطه بس حتى يجمد الخليط ويتماسك.



بعدها الطبقه الاخيره:

3/4 كاس ماء
3 ملاعق طعام حليب بودره.
2 ملعقة طعام كاكاو بودره(هنتز).
كيس واحد كريم كراميل.


توضع عالنار وتحرك جيدا حتى تغلي وبمجرد ان تغلي خلاص شيليها عن النار.
تسكب فوق الطبقة الثانيه برفق ثم تزين بحبيبات الهيرشي والشوكلاته السائله وتدخل الثلاجه


وبالعافيه على قلوبكم...
وياحـــــــلاتـــه مع الكـــآآبتشـــينو....
عذااااب