بــــوح الغـــلا

[زود الغـــــــــــلا]

مفاهيم الخجل

الروعه ردك الطيب.. الله لا يهينك على المرور اختي

[زود الغـــــــــــلا]

شخباري.. من صجكم!! هالموضوع للحين هني!!!!!!!!!!!!!!
نصيحه لله الغوه.. ولا افتحوا قسم الامراض النفسيه وانقلوه فيه..

الوكاد..

(تمتعــــــــــــــــــــــــــــــــوا)


[63]

يقـول مــن عـــدى على راسiعالي
رجــم طــويـل يـدهـله كل iiقرناس
فـي راس مـرجـوم عـسير iiالمنــالى
يشتاق لـه مـنـدك بالقـــلب هوجاس
قـعـدت فـي راسه وحـــيد لحــالى
والقـلـب فـي لجات الافكار iiغــطـاس
وقعدـت اعـد ابـامهـــا iiوالليـالــى
دنيا تـقـلب مـا عــرفـنـا لها قياس
دنيا تـفـرق بيـن غــــالى iiوغـالى
لو شفت منـهـا ربـح يرجــع iiللافلاس
يا ما هفا به مـن رجــال iiمـدالـــى
مـا كـنـهـم ركبوا على قب الافــراس
ولا رددوا صـم الـرمـك iiللتــوالــى
ولا ثـار عـج الـخيل في كـل مـرواس
ولا قـلـطوهـن للكمـــين المـوالـى
ولا صـار فـوق ظـهورهن شلع الانفاس
فـي حـومـة الهيجا لهن اجتوالــــى
كـل يـبى مـن زايـة الفعل iiنــومـاس
مــن بينهـم عود الجنا والســـلالـى
مـثـل البـروق اللـــيل الادمـــاس
يقطـعـك دنـيـا مـا لـهـا أول iiوتالى
لـو اضـحكـت تبكى وتوريك iiالاتعــاس
يـا ابـجـاد شـب النار وادنـى الـدلالى
واكسـر لـنا يـا ابجاد ما يقعد الــراس
فـنـجال يغـدي مــا تـــصور ببالى
وروابـع تـضـرب بها اخماس وأسداس
لـعـل قـصر ما يجيبــــه اظلالــى
يـنـهـد من عالى مبــانيــه للساس
لـى صـار مـا هو مدهل iiللـرجـــالى
وملـجـأ لـمن هو يشكى الظـيم والباس
بـحسـناك مـا منشى حقــوق الخيالى
يـا خـالق اجـناس ومفــنى اجـناس
تجعـل مـقـره دارس العهــــد بالى
صـحـصاح دو خـالــى ما به أو ناس
لا خـاب ظـنـى بالرفيــــج الموالى
مـالك مشـاريـه عـــلى باقي الناس
وإن ناشنى مـن بـعـض الادنيـن صالى
مـانــى عـن الزلات مخـــبر iiوبلاس
كالعنبـر الغالـى بالأسـواق غــــالى
ولا درهــم الفضيـة على صفر iiونحاس
اجـزيـة بـالصده جنوب iiوشمـــالـى
واتـلى هـوى قـلبى اليا هب iiنسنــاس
المستريـح اللـى مـن العـقـل iiخــالى
مـا هـو ولجـات الهواجيس iiغـطـاس
مـا هـو بمثلـى مشــــكلاته iiاجلالى
عجـزت اسجلهـى بحبـر وقـــرطاس
حملـى ثقيـل وشلـت حملـــى iiلحالى
ونصبـر علـى ضيـم الليالى iiوالاتعـاس
بـرسـي كما ترسي عـوالى iiالــجبالى
مـا ينهـزع حـيد عـــليه القدم داس
مـتـى تـربع دارنـــا iiوالمـفــالى
تخضر افياضـه عـقـب مـا هي بيباس
ونشـوف فـيـه الـديدحــان iiمتـوالى
مثـل الـرعـاف بخصر مدقـوق iiالالعاس
ينثـر عـلى البيـداء ســـواة iiالزوالي
يشـرق حـمـارة شرقة الصبـغ iiبالكاس

الشاعر/ محمد الاحمد السديري

[زود الغـــــــــــلا]

[64]

ماعلي خلاف اقول اللي ابيه
من فضل ربي علي اني قوي

الا حبك شي ما اقدر عليه
كن حبك ضيف والقلب بدوي

انت بس اللي ابيه ولا اجيه
عنك حظي لاوي ذراعي لوي

صرت لي مشوار لاجيت ابتديه
ان لقيت الدرب ضيعت الخوي

رد يامنهو حياتي في يديه
لا تخليـني وانا لــك مـهتوي

ان خسرتك وين ابلقا لك شبيه
وانت من كل شي نادر تحتوي .؟

وين رايح جعل هالزول افتديه
وانت خابرني من البعد انكوي

انت حتى الجرح منك اشتهيه
من غلاك اضمى عذابك وارتوي

انت لا سولفت ماكني هنيه
التزمت الصمت كني منطوي

ليه اسولف لك وهي من غير ليه
تعرف انك تطوي احزاني طوي

انـت حبـك شي ما اقـدر علـيه
كـن حبــك ضـيف والقـلب بــدوي

[زود الغـــــــــــلا]

[65]

لاتلومني لاجيت كلي مـن اقصـاي
مافيـه غيـرك لاتضايقـت جيتـه

جيتك ولاغيـرك ذكرتـه بمسـراي
جيتك وكل انسـان غيـرك نسيتـه

جيتك وانا ماني بأنـا تايـه الـراي
جيتك وانا مدري وش اللـي بغيتـه

جيتك وقلبي دقتـه تسبـق خطـاي
جيتـك اقـول مفارقـك ماقويـتـه

ان مر يـومٍ بالعمـر منـت ويـاي
اشتاق لـك شـوق المسافـر لبيتـه

مثل الهوا تحتاجه النـاس والمـاي
يحتاج لـك قلـبٍ هـواك وهويتـه

انت الوحيد اللي .. يرد بسمة اشفاي
وانت والوحيد اللي .. بروحي فديته

دامك معي ماقصرت يـوم دنيـاي
دامـي خذيتـك وش بقـا ماخذيتـه

وانكان تنشدني بعد ليـه انـا جـاي
ابشـر بـردٍ يقنـعـك لاقريـتـه

جيت اعترف بالفرق يا اخر منـاي
بينك وبيـن اللـي عشانـك جفيتـه

انتي ليامن جيت لك ( همك رضاي )
وانا ليامن جيـت لـه ( مالقيتـه )

لاتلومني لاجيت كلي مـن اقصـاي
مافيـه غيـرك لاتضايقـت جيتـه

[زود الغـــــــــــلا]

[66]


قالـوا تحبـه قلـت ماهـوب بالحيـل
بس انه أغلى شوي من نـور عينـي

يسوى جميـع الجيـل الأول وهالجيـل
أحبـابــي الماضيـــن والمقبلينـي

شوقي له أعظم من ظما الأرض للسيل
وأشفـق عليـه أكثـر من أم الجنيني

وأحتـاج لـه حاجة ثرى مصر للنيـل
وعليـه أغـار ولو مـن الـوالـدينـي

أشتـاق لـه شـوق المحبيـن لليـل
وأرتـاح له راحـة دمـوع الحزينـي

لا صـار جنبـي لو سنـه وقتي بخيل
ولا غـاب لو لحظـات صارت سنيني

قالـوا يحبـك قلـت هذا هـو الويـل
مـا ودي أنشـد ثم رفضـه يجينـي

وأهـدم رجـاي بدبرتي مثل ما قيـل
والأفضـل أحيـا بالأمـل لو لحينـي

يا حبـكم يـا نـاس للقـال والقيـل
والأمـر لـو سهـل يصبـح مهينـي

خلوني أحيـا في الوهـم يا عواذيـل
وش دخلكـم والأمـر بينـه وبيني

[زود الغـــــــــــلا]

[67]

لا تجرح خدودك ترى الدمع يجـرح
ان ما جرح خدك جرح قلـب مغليـك


ما للبكا في عينـك اليـوم مطـرح
قلّي وانا ابكي عنك يا عل ما ابكيـك


ما احتاج اقول لك واعيد واشرح
ان الغلا يـا اول غـلا هايـمٍ فيـك


وشلون يبرح قلّـي اشلـون يبـرح
حـب تمكـن فـي خفـوقٍ يباريـك


الخافق الـي فيـك بالحـب يسـرح
كنّه سفينـه مـن بحـرك لموانيـك


يحب..يهوى..يعشق..القلب مسـرح
لحبك عسى قلبي مع الـروح يفديـك


واعرف تراني فيك اضيق وبك افرح
وازعل على شانك وازعّلك وارضيـك


بس انتبـه للدمـع لا سـال يجـرح
قلبٍ يضمّـك مابـه احـدٍ يساويـك

[زود الغـــــــــــلا]

[68]


خـويـة درب عـمــري مـاخـذانـي دونـهــا النـسـيـان
وأنـا يـا اهـل الملامـه مـا رغبـت العيـش وحـدانـي



ابـي لـي مهـره ماعسـفـت صغـيـره وبـنـت حـصـان
ابـوهــا الـلــي يـفــك المشـكـلـه ويـزبــن الـجـانــي



واخوهـا لا تـعـزوى باسمـهـا فــزوا لـهـا العـربـان
يـحـق لـهـا الفـخـر فـــي قـولــة آل فـــلان جـدانــي



أبـيـهـا فـــي بـحــر عـشـريــن لا زود ولا نـقـصــان
أبيهـا اقصـر طويلـة والوصـوف اشـكـال والـوانـي



أبي الجبهه كما الصبح وكما القوس اسود الحجان
وابـيـهـا نـاعـسـات ونرجـسـيـه ســــود الاعـيـانــي



ابـي رمــش كـمـا ريــش يغـطـي الثـلـج فـالاوجــان
وابــي جـفـن يشـيـل الـرمــش طـربــان وكـسـلانـي



ابــي خـــد كـمــا ورد تـنّـمـى فـــي طـــرف بـسـتـان
وابـي خـشـم صغـيـر ومـثـل حــد السـيـف شامـانـي



ابـي البسمـه كمـا البـرق وثناياهـا كـمـا المـرجـان
شـفـاهــا جـمـرتـيـن وفـمــهــا خــاتـــم سـلـيـمـانـي



ابــي شـعـر مـثـل ذيــل الـفـرس لا طـبّـت الـمـيـدان
او الـشــلال لامـــن بـــات لـيـلــه بــيــن الامـتـانــي



ابــي جـيـد ســـوات ابـريــق فـضــه نـاتــق مـلـيـان
وصــــدر كــنــه مــرايــه عـلـيـهـا طــلــع رمــانــي



ابـي ظهـر كمـا الـجـدول وقــدّ مـثـل غـصـن الـبـان
وخـصـر مـثـل مـجـدول الاعــلان وجـسـم رويـانــي



ابـيـهــا نـابـيــة ردف وبــطـــن ظــامـــر جــوعـــان
ابـيـهـا مـدمــج ســـاق وقـدمـهـا لــســان ثـعـبـانـي



ابيـهـا بـنــت عـــز مـــن رغـدهــا يـنـعـم الفـسـتـان
ابــي الـرقـه وابــي الـدقـه لـهـا باطـرافـهـا شـانــي



ابي المشيه كما اللـي طالـع مـن المعركـه كسبـان
وابيـهـا تــرش مـــع خطـواتـهـا مـســك وريـحـانـي



ابـي صــوت الــى مـنـي سمعـتـه كــن فـيـه الـحـان
يـدغـدغ مسمـعـي ويثـيـر كــل السـحـر فـاشـجـانـي



ابيهـا حـب واخـلاص وهواجيـس وفــرح واحــزان
ابيـهـا مـثـل مــا دكـتـور اهـالـي العـشـق وصـانــي



ابـيـهـا لــوحــة مــــا صـورتـهــا ريــشــة الـفـنــان
ابـيـهـا جـوهــره مـــا جـابـهــا قــاصــي ولا دانــــي



ابيـهـا تنتـصـر لــي مـــن زمـــان حـطـنـي نـيـشـان
وتبـشـر بـالـغـلا الـلــي مـالـفـى بـــه واحـــد ثـانــي



مـهـرهـا قـلــب وشـعــر يـهــز الـقـلـب والـوجــدان
وألبـسـهـا القـصـيـد وتـصـبـح اوزانــــي وقـيـفـانـي


ابي اللي فات واللي فـات صعب ومن لـقـى العنـوان
يــرد الـعـلـم ولا افـضــل ابـقــى اعـيــش وحـدانــي

[زود الغـــــــــــلا]

[69]

يـالـلـه يـامـنـزل عــليـنا رشــاريـش
يــارازقٍ نــاسٍ مـهـاليــك وعــطـاش

يـامـا مـن الضـيقـه نـويـت المـطاريـش
بسبـاب غـروٍ احـرق الكبـد والجـاش

يـابـنت انـا مـن بـدت النـاس مغـلـيش
شــوقي كـما مـوجٍ بـوسط البحـر طـاش

يـابـنت يـالـي اسـود اللـيـل كـاسـيش
عـلى جـبيـنٍ نـاصـعٍ كـنـه الــشـاش

مـافـيه بـنـتٍ فـي جمـالـش تبــاريـش
لا شــك غـرش حســنش العـذب واطـغاش

ادري تبــيني انــحنـي فـي تـرجـيش
يـاطــول مشــوارش ويــاطـول مشــقاش

مـانـي وانـا (........) بـخـويتم ايـديـش
يـومٍ ضـعيـف الـراي مــلـواح يـمنـاش

يـابـنت انـا مـن لابة تـنطـح الجـيـش
لاجـاء نـهـارٍ فـيه صــكـات وهــواش

فـعـولـنـا مـاهـي سـوالـف هـرابـيش
عـدونـا مـن فـعـلنـا صـابـه خـراش

مسـرى هـجـاد بـلـيـل والا مـغـابـيش
أرجـال نـسـل أرجـال حـامـين الادباش

مـانـي مـثـل بعـض الـرجـال الدراويـش
يحـسـب حـسابـي مـن محـاسيـب الابـواش

يـابـنت والـلـه يـدفن الـراس مـا اجـيش
اخــذي كـلامـي وافـهـمي مـقصـدي كـاش

امـا وصـل يـروي العـروق المـعـاطـيش
والا ابــرك الســاعـات يـابـنـت فـرقـاش

[زود الغـــــــــــلا]

[70]


البارحـة وأهـل البـلاد النائـي
آراءهـا مـا تتفـق وآرائــي

صديت عن صوتٍ يحس الخاطـر
والله بغايـات النفـوس ادرائـي

وعديت في راس الطويل النايـف
بيـن المدينـة والبـلاد النائـي

وذكرت قـول الغيهبـان المـري
راع القنـا والمهـرة الصفرائـي

بليت بابليسٍ ونفسـي والهـوى
كيـف النجـاة وكلهـم اعدائـي

و أخذت أمليهـا لنفسـي كنـي
لم استبيح الشعر فـي ارجائـي

و غنيت من بدعي على طاروقـه
قصيدة ٍ مـن فكرتـي وإيحائـي

الشعر شعري والبحـور بحـوره
والجد جـدي والشيـوخ ابائـي

اني لمـن قـوم ٍ يعـز عليهـم
قتل الرعـاة ودمعـة الحسنائـي

و ما أنا بالمـدح رافـع نافـخ ٍ
مهما بلغـت بصنعتـي و أدائـي

ومن منبر المجد التليـد الخالـد
ابدي ولا يبدي بريـق اضوائـي

وابدي بهـا فالمبتـدى ذكـر الله
قصيـدة ٍ صنفتهـا عصمـائـي

يممتهـا للـي عليـه الشكـوى
تبدا عليه إليـا كبـرت البلوائـي

الملتجى بعـد الولـي سبحانـه
ريف الخوي لا ضاقـت البيدائـي

اللي ليا منه نـوى لـه طرقـه
لا هونت بـه كنهـا الجوزائـي

تركي و إذا طاب القصيد لتركـي
فهـو بغـر الغانيـات أولائــي

الساس راسي والمبـادي عليـا
والطيب فطـره والكـرم تلقائـي

جده فهد والجـد الآخـر نايـف
تبـارك الرحمـن فيمـا شائـي

اليا فزع .. جده فهـد بالفزعـه
واليا عطى .. سلطان والا الطائي

حليـه اللـي حالـف صـقـاره
ما يرخص البيعـه ولا الإهدائـي

حر ٍ عريض المنكبيـن وصـدره
كتـف زعيـمٍ يعتليـه إردائـي

كنـه جلمـود صخـرٍ ابـيـضٍ
صنع الرواقب في طريق المائـي

اذا رأى بعيـن واعــث قـيـده
فما لها مـن عمرهـا الربدائـي

الا مسافة انقضاضهـه نحوهـا
فإذا هي مـن مخلبيـه اشلائـي

يا سيدي تركـي وأنـا مملوكـك
اللي خذتنـي فالحيـاة أهوائـي

الا عن ارضاك ورضى من حولك
لو مالمحت أحد ٍ يحب ارضائـي

احد نفسـي واجتلـد واصرفهـا
لو حاول ابليس اللعيـن اغوائـي

و ما لنفس ٍ عـن هواهـا رادع
إلا بعـزم ٍ كـائـد الأعبـائـي

فإن جنت نفسـي علـي خطيئـة
فعفوكـم أكبـر مـن الأخطائـي

وإن كان لا هـاذي و لا هاذيـه
وش عاد هو ذنب الوعود الهائي

وأنا الذي لإن عاش راسي لابقى
بدر الدجـى فالليلـة الظلمائـي

و إن مت .. مني يارثون أصحابي
حبي .. ومنـي يارثـون ابنائـي

ديني و مرجلتي و حـب بـلادي
و حب الملك و الراية الخضرائـي

طاعة ولي الأمر حـق الطاعـة
و لا طاعه الا الطاعة العميائـي

اميرنا الشيخ الصحيـح الواضـح
ما جيت ادور عن خطاي اعفائـي

أنا الوفاء و أنا الولاء و المحـزم
و أنا الصديق الصـادق البدائـي

أوثق الخـوه بصـدق الصـادق
إليا أخلف الخـوه ريـاء الرائـي

فإن كنت تنظرني كأنـي غيـري
رجـوت إمعـان النظـر إيزائـي

فإن شئت تنظرنـي بمانـي أنـا
فذاك هو مدحي و هـو غطائـي

وإن شئت تصرف شبح عينك مني
فإبداء عينك مـن لـواء ابدائـي

يا سيـدي عزيـز ينـوي ذلـي
( حرمت معه فالحيـاة بقائـي )

و أنا وريث أهل الشداد و شاعـر
يصعب على وجه الحياة اخفائـي

أفنى و يبقـى للـورق قصيـدي
هديـة الأمــوات للأحيـائـي

الشاعر/ ضيدان بن قضعان

[زود الغـــــــــــلا]

[71]


إسمع علومي وانتبـه يـا أتلـع الجيـد
علـم ٍ يجيـك ويوصلـك ويتـعـداك

وإن ماسمعت الصوت قلي وأنـا أعيـد
أعـيـد عـلـم ٍ ماهقيـتـه بيخـفـاك

إسمـع وركـز مانبـي زود تـرديـد
وخل المعايا منـك دام الحكـي جـاك

هي كلمة ٍ وحده ولا أحـب انـا ازيـد
مجبور هاللحظه أحدك علـى أقصـاك

نـذر ٍ علـى رقبتـي يالـولا المناقيـد
وأخاف عذالـك تحالـف مـع أعـداك

وتفسـر الواقـع بـسـوء المقاصـيـد
وأكون مثل اللي يبي رضاك وأعمـاك

إنـي لصـوّت ياعـيـال الأجـاويـد
اللي فتنـي وأشعـل الشـوق هـذااااك

كـل ٍ يـرى محبوبتـة شيخـة الغيـد
وش عاد لـو شافـو عيونـك ولامـاك

وأثـق وأبصّـم بالعشـر زود تأكـيـد
إنـك عليهـم فـارق ٍ فـي مـزايـاك

ودي أخشّـك مـن عيـون المقـاريـد
في وسط صدري وأحضنك وآتدفـااااك

صوتك يرد الـروح ومواجهـك عيـد
في كل ليله أعـزم الحـرف وأبغـاك

أبغـاك تاتـي لاتـطـول المواعـيـد
بستقبلـك وعـروق قلـبـي تحـفّـاك

أنـا إندفعـت لخافـقـك دون تمهـيـد
ماشوف ما اسمع ما ارى جيتك انصاك

إنشد (علي) وإذا تبـي إنشـد (سعيـد)
جننتهـم مـن كثـر ماجيـب طريـاك

لـو مالمحتـك أصفـق الإيـد بالإيـد
أمـوت حسـره فـي ثوانـي بلـيّـاك

تعـال جــاوب ونـتـي والتناهـيـد
تعـال صـدري والعـيـون تـحـرّاك

عطني يدك .. نرحل سوى .. نقطع البيد
أباتـحـدى جــور الأيــام ويــاك