يامل قلـبٍ مـل حامـي المليلـة=يمسي بجوفه سارح الهم ضـاوي
يلعب بجوفه مثل لعـب الاصيلـة=وان صال لايرحم ولاهوب يـاوي
سر ياقلـم دام الدعـاوي طويلـة=بيني وبيـن مطوليـن الدعـاوي
مـدّ الجزيلـة للكفـوف البخيلـة=حتى تعلم كيـف مـدّ الصخـاوي
ماني وصـيّ ادم ولانـي وكيلـه=لاشك لي مبـدا ونهـج سمـاوي
وكلٍّ يـورّد شاهـده مـع دليلـه=ومن لايثبت حجتـه قيـل غـاوي
(ولاصرت منظورٍ بعيـن جليلـة)=خلك في الطريـق متسـاوي
(وعين الرضا عن كل عيبٍ كليلـة=كماان عين السخط تبدي المساوي)
واهل النفوس المصديـات الغليلـة=ماحدٍ لقا له فـي سنعهـا مـداوي
يانجـد ياجعلـك بستـر وفضيلـة=والله يحفظك من صدوف البـلاوي
يانخلة بيـن السيـوف الصقيلـة=ترد دونك كـل هـاوي وعـاوي
اليوم تشتمنـا الرخـوم الهزيلـة=والعـام منـا ياكلـون الزكـاوي
عساي ما اشوفك مرابـي رذيلـة=ولا اشوف فيك مقطرين الثنـاوي
وعساي ماشوف بك ولد القبيلـة=تسوق عنه الموتر اخته مضـاوي
ولاشوف فيـك مهمليـن الحليلـة=ولاشوف فيـك مبدليـن الفتـاوي
وعساي ماشوف الشعر بك وسيلة=والشاعر بضاعة مجلـة دنـاوي
كثرت مجلات الفشـل والفشيلـة=يالله لاتبقـي للعرايـا عــراوي
والشعر تبقيـه المعانـي الثقيلـة=مادام لـه سامـع وناقـد وراوي
والا خجاعيـب القلـوب الهبيلـة=يصفق بها في الجال سيلٍ نحـاوي
بالله تطرية الشعر ويش هـي لـه=لاصار ماله في الخواطر طـراوي
ياهيه مالي عـن مـداراك حيلـة=تردنـي دونـك سلـوم العـزاوي
نفسي عن المنقود تحجـم ذليلـة=يومك على المنقود مالك مخـاوي
من ضاق منـا ماجحدنـا جميلـه=خل الهقـاوي ياربيـب القهـاوي
ترى الغنـاوي يـاردي الحصيلـة=عن شوف مردي الحصيلة غناوي
ياذالخَيَال اللـي تعـرض مخيلـة=ماهيب من حظ الشعيب السنـاوي
مانـي خـلاويٍّ يـدور خليـلـة=ياذا الخليل اللـي يـدور خـلاوي
قلب الحيـاوي ماغرفتـي حثيلـة=يا ام الحثايل عنك قلبـي حيـاوي
عين الرضا عن كل عيب كليلة
العرض الشجري