سؤال للفتاة القبلية ؟؟

[تايه الغربه]

السلام عليكم
عندي مداخله بسيطه
يا ليت تسمحون لي بها بحكم ان الموضوع خاص بالبنات

موضوع حلوووو
وتصويت اعتقد ان الجميع أجمع على قرار واحد
ألا وهو عدم القبول بالحضري ..

طيب عندي سؤال قد يكون فكاهي الى حد ً ما ..

شكلي حضري بس اصلي بدوي
ويش ذنبي لما قالوا انت شكلك حضري ما حنا مزوجينك بنتنا ؟


صعبة المنال

يعطيش العافيه
ولاهنتي ..



تحيتي ..!!
سلالالالالالالام ..!!

[صـعــبــة المنــــال]

تايه الغربه

الله يعافيك

اذا على الشكل لا ما فيه مشاكل

شاكرتلك مرورك

[شهد]

السلام عليكم شلونج اختي صعبه ...


عندي اعتراض بسيط ...


اول شي توقعت الحضري بمفهومه الثاني ... يعني القبيله نفسها في حضر وفيها بدو

فتوقعت هذا قصدج .. لكن بصراحه بعدين انصدمت برايج


انتي بزعمج الحضري اللي مالوه اصل ... طبعا هالشي غلط

مافي احد ماله اصل

يعني هالوصف جدا قاسي ...

مثلا عندنا بالكويت نسمي العيم حضر ... طيب العيم اصلهم عيم يعني لهم اصل

المصري ماهوب قبلي ... ولكن لوه اصل

الاصل ماهوب بس انتساب لقبيله

على الاقل من وجهة نظري ...


اكيد اني افتخر اني بدويه ومن قبيله عريقه لكن هذا مايعني اني انظر للاخرين على انهم غير اصيلين

موضوع الزواج شان ثاني ..

اكيد لابغيت اتزوج افضل ان يكون من عيال عمي لكن بالاخر هي امور محكومه بيد الله

سبحانه مالي يد فيها ورغبتي شي واللي الله كاتبوه شي ثاني

[صـعــبــة المنــــال]

اختي شهد

بس فيه ناس مالهم اصل

وللأسف هذا هو الواقع

وانا قلت حتى لو كان حضري واصل ما ارضى

لان احنا تحكمنا عادات وتقاليد

هالشيء تربينا عليه .......

واشكر لج مرورج غاليتي ......

[القارح]

يا ما في الجراب ياحاوي الناس قاع ستر من الله

الموبايل ماخلا لا حضر ولا بدو يقرب البعيد

[صـــبـــــــــا]

السلام عليكم .... أعجبني الموضوع وحبيت ارد عليه ...

بالنسبه لسؤالج .... طبعاً ماراح اوافق اتزوج غير العجمي ... وأن فكرت اباخذ لي قبيلي معروووف يكون له منصب عالي بين قبيلته على الأقل مع أني مستحيل افكر بغير العجمي مع أحترامي للكل والقبايل الثانيه ....

دمتـــــــــــــي

[القارح]

سبحان الله الواحد مايدري وين نصيبه

شى طيب ان القبيليه تفكر بالاصل والطيب والعرق وهذا الصح مع احترامي

الجانب الاخر اي اللي ماهم قبايل او حضر

لكن خلونا نعكس الايه ونقول البنت القبيليه تبي تاخذ قبيلي امه مصريه مثلا

او القبيلي ياخذ بنت قبيليه امها سوريه او بلوشيه؟
سؤال مطروح للجميع؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[صـعــبــة المنــــال]

القارح _ صبا

اشكر مروركم الكريم ........

صبا وجهة نظر تلامس الواقع .........

[القارح]

انا اشكرك يا صعبه وانت ذوق كذا

يالله على طول

[الـنـايـفـه]

السلاام عليكم ورحمة الله وبركااته ...


اشكرش اختي على طرح هالموضوع المثير للجدل ....

من ناحية اهلي اكيد مراح يقبلون الا عجمي ولا راح يتطرقون للقبائل الاخرى ..

من ناحيتي انا ماعندي اي مانع اني اتزوج شخص حضري اهم شيء انه يكون خلوق

يخااف الله و يكون بينا توافق فكري ...

تقبلواا مني تحياااتي ..