أطلال القصيد

[الشاعر ويكيليكس]

زيدوا معاشاتكم يا مجلس الأمه=عسى يتوب الحرامي والحراميه
من منطلق نظرة الشاعر من القمه=يشوف الأوضاع في شاشه حراريه
والشاشه اللي تجيب العلم وتضمه=تزعج هل الشقلبات البهلوانيه
يبثها الطير الأزرق لا نفض كمه=ويضيع سبّق الصحافي والصحافيه
والنايب المنبطح ينسى حليب أمه=مع إندلاع الخصومات السياسيه
ياخذ له ألفين ربيّه من الذمه=ويزيدها بالخفى مليون روبيّه
والنايب اللي ظروف أهل البلد همّه=قنوع ,, لو راتبه محزم وجنبيّه
من طيب فعله عليه الناس ملتمه=ماهوب من قوم معصومه ونوريه
يا هاجسي باللقى سم الهدف سمه=بونجور يا أهل الهروج الدوبلوماسيه
والقرد أوصيه بالتفاح ويلمه=ما يدري إنه لفى من دون طاقيه
والسندباد المسمى يا ثقل دمه=لا جر صوته طرب وسط الحسينيه
حلفت ,, قافي على شرواه ما تمه=يالجادل أم العلوم المرجلانيه
بنتٍ تحب الشجاع وتكره الخمه=تنعش غصون القصيد بكل قافيه
وإن ضاق ويكي من أعضا مجلس الأمه=هزي غصون المشاعر والرومانسيه

[الشاعر ويكيليكس]

واحد إثنينه ثلاثه أربعه خمسه وسته =روّحت والسابعه كربون للست العجافي
كل نايب حط له في بؤبؤ التشكيل لسته= والرئاسه تطلب السعدون ويفوز الخرافي

[الشاعر ويكيليكس]

هوّر مع بشار يا دلعونه=يالسندباد اللي يجر إلحونه
بالشام يومي في خرز مسباحه= وفي مجلس الأمه يهز إمتونه
وان جيت للمهري عقيد الحاره=ثم ركب الجمره على غليونه
شفته يهوّرها على الهواره=وإيلاعب المجنون والمجنونه
حتى يجيه الخمس بدري بدري=عشان يقضي به جميع ديونه
يا أحمد نجادي شغّل اللطميه= والصوت خل أقصى العرب يوحونه
وان جاك نصرالله مع شرذمته= لازم ترقصهم على دلعونه
جمعت طرب ماهيب جمعت عزه=يالسندباد اللي يجر إلحونه

[الشاعر ويكيليكس]

نبي نمنع العمه قبل تمنع البسّام =على شان ما يتعب على الجوخ دبّاغه
ونبي نزعج الثيران بوزارة الأعلام =ونلزم مذيع النشره إيدبّل إشماغه

[الشاعر ويكيليكس]

يقولــون : تكنوقـراط.. وآقـــول : تكنوخراط = خطأ مطبعي.. يمكن هل العرف يقرونه

يقولــون ولا مــا يقولـــون.. سبع أشــواط : =تبــي درزن إمـنـشـط ومـلـيون صابونه

غسـلـنـا يــدينـا من بـعـد فـلـسفـة سـقــراط =وسقــراط ما يدري عن الوضع وشلونه

حزيران.. يشره كل ما بـان راس إشبــاط =وأنــا إشـبـاط ماحبه ولا النـــاس يبغونه

بدا الشــوط والفــايز يجـمّـع ثـلاث إنقــاط =بعد حـلـلــت وضّـع المبـــاراة مـيـسـونه

واذا صــار كلٍ بـرطـمـه كــنه الـشـفـــاط = هـجـمـنـا هـجـومٍ فـالـمـلاعـب تـشوفونه

على حارس المرمى دبل كيك ولا إسقاط = نـسـجـل هدف.. وإثنين بالراس مضمونه

[الشاعر ويكيليكس]

دام الوعد مابين كازا ومكناس =إكلو من الكسكس وبشرب حريره
وإن جاكم المنسف على الهون لا باس =لا صار ما ينسف خشوم المغيره
خليجنا واحد ومزعوط بالناس =وانا بعد مزعوط زعطه كبيره
الوضع متأزم والأرياق يبّاس =والشعب في درعا ما حدد مصيره
أحدٍ يقول المعركه مالها راس =وأحدٍ يقول إن الرحى مستديره
وأحمد نجادي كل ما دق الأجراس =شفت الجموع إتفوع في كل ديره
هذا الزمن ماهو زمن قب الأفراس =هذا زمن ميسي وكيم وشكيره
وإن فاز ميسي بالنهائي على الكاس =دق الهرن يا دباس وسط المسيره
جف الحبر واللي بقى بس قرطاس =لا يا (سبر) والقول ما فيه غيره
درع الجزيره كان ودوه مكناس =ويكي مع قوات درع الجزيره

ملاحظه: الكسكس والحريره وجبات شهيره في المغرب والمنسف في الأردن

[الشاعر ويكيليكس]

شام : درعا البلد : عاجل : بحرقة في القلب لا يماثلها حرقة و بقلب يتقطع ننشر خبر وفاة الحاجة صيتة المحاميد زوجة الشهيد الحاج عبد الرزاق أبازيد وقد انتقلت الى رحمة الله بعد سماع خبر استشهاد زوجها و أولادها الاربعة .. لا حول ولا قوة الا بالله ... انا لله وانا اليه راجعون .. لله ما اعطى ولله ما اخذ ... اللهم احرق قلوب المجرمين كلهم حرقاً كما حرقوا قلوبنا على أحبابنا ... إلى جنان الخلد يا أغلى الغوالي ... عائلة كلها شهداء ...

يا شيب عيني شيب صيته المحاميد=يوم ألحقوها بالعيال الفقيده
ذبح الرجل وعيالها روّحو صيد=واللي يصيد القوم لازم نصيده
بشار يا بشار لو إنك إبعيد=دعواتنا ماهي على الله بعيده
يالله تاخذ روح بشار بالعيد=واللي ظلم شعبه فلا عاد عيده
قلته وانا ربعي قروم وصناديد=وقتٍ مضى يا جعل ربي يعيده
ما فيه لا دستور لا زيد وعبيد= كلٍ يحوز المجد من مدة إيده
أما وردّنا في لذيذ المواريد=ولا الولد منا تقّطع وريده
يالمعتصم ماعاد للسالفه قيد=وخنساء درعا يا عساها شهيده

[الشاعر ويكيليكس]

يقولون وانا اقول يا سالم النملان= يمينك عساها تحج في كل ذي حجه
نتفت بيمينك ريشة ملهي الرعيان =وجول الحباري مبطي الطير ما خجه
ومن لا يدوس إيداس قد قالو الشيبان =ودون الكرامه نردف القول بالحجه
وسلم على هايف وسلم على جمعان= رجالٍ ليامن هازها العايل إترجه

[الشاعر ويكيليكس]

من فساد قلوبنا ناكل ولا نتسمّم =واللحوم الفاسده في بطن كل كويتي
لو نشوف الظلم ما شفنا حدٍ يتكلّم =وإن تكلمنا : نضايق راعي المانشيتي
والفداوي لو يشوف المشكله ما علّم =يفرق القرناس عن فرخ الدجاج : تويتي
الله ايبارك لنا فالتنميه ومسلّم =والله ايبارك لهم بعليوي التكريتي

[الشاعر ويكيليكس]

جروحي تداوي علّتك يا حمام الدوح=وأنا إجروح قلبي بالهوى من يداويها
تغني طرب (وشلون روحين داخل روح)=وأرد بصدى صوتي سواتك وأغنيها
يزيد الجنون ويبطي الجادل المملوح=وهو خابر إن ضلوعي العوج مشقيها
قبل لا يغيب ويبلش الشاعر الطحطوح=نهاني عن دروبٍ السياسه وطاريها
يقول السياسه مابها للهوى مصلوح=يبي عن حروفي كلمة الحق يمحيها
وأنا والله إني باللقى ماني إبمسموح=ليا شفت خلان الرخى تطلق إيديها
على مجلس الأمه ثلاثين قاف وبوح=يترجم هموم الشعب ويخط صافيها
نعد الأسامي والصحافه تزيد النوح=عسى الله يبارك بالصحافه وأساميها
تبون (المعزه) كلمةٍ عرضها باللوح=كما عرض علبا التيس والتيس معميها
ترى العز ماهو لعب حجله وبعض إمزوح=بعد صار حاميها يقّدي حراميها
سئمنا وملينا نزيد الشروح إشروح=وأنا في ضميري كلمةٍ سمّها فيها
يا شيهانةٍ ما تقبل الذل للطاروح=تعالي مدام القوم تعشق تفدويها
وألا يا حمام الدوح لا تقرب المجروح=جروحه من أسباب الهوى من يداويها!!

وشرفتني الشاعره المبدعه / حـنـان بمجاراة القصيده :

سلامي على الشاعر عدد ما القمرله ضوح =يعدالبيوت وزبدة الهرج يعطيها
دقيق العبـارة شعـرك الراقي الممدوح=( تسيس سياسـة) مثل ماقيـل تدميها
ألا ياقلوب ٍ فاحت الضيق فـوحنٍ فوح=مسـيرات مابيّـن هـدفهـا وراعيـها
تجمعتم وخضتم غبار القهر مفضوح=ولـكن بـدر منكـم أجنـدات نلغيها
تكلم يمين وقال ثاني نبي مصلوح=وجـاء ثالث يهـايط عسـى ماأنت شـاريها
أنا أظن ياويكي تعب صـوتنا المبحـوح= عربنا بلا تنسيق منهو يجديها
تعبنا تعبنا راقبوا بابنا المفتوح= وبلدنا الحيايا تقترب عند رجليها
وعليـه الملامه في بعاده يهـد صروح=علامه/ علامه درتـه من يخليهـا!!