اكتبني اخر توبة في ذنوبك ,,

[غنآتي]

تعال سولف لي عسى قلبـي فـداك
يا لبى قلبك يا حـــــــــلاوة اسلوبـك

أحيـان أشوفـك واتخيلـك والقـاك
وأقـــــرأ الشمال بـزاويه مـن جنوبك

وأحيان أموت من الظمأ وأشتهي ماك
وتصب ماك بكوب ماذوق غير كوبك

أسهـرك ليـل وتحتوينـي زوايـاك
واتــــــوه في شروقك وأضيـع بغروبك

هنا تواسينـي وأنـا ميـتٍ هنـاك
دوبك على قلـبٍ مصــــــــــا فيـك دوبك

سماك رحبهٍ بس ضاقت بي أرجـاك
غيمـك تعــــــدانـي وهبت هبوبــــــــــك

تشـب نـارك بالحشـا واتمـنـاك
وجنـون شعـري بالغـــــــــــلا سلمــوبك

وانا لازلت مسلـم الامـر لرضـاك
حتـى عـــــيوبك معجبتنـي عــــــــيوبـك

جيت أرسم البسمه بضحكة محيـاك
واهيم بك لامـــــــــالت الشمـس صوبـك

وان حطني موجك على جال مرفـاك
خذنــــي بعيـد وكلهـم مــــــــــــــا دروبـك

قلي وش اللي أعجبك بـي واغـراك
واكتبني اخــــــــر توبـــــــــــةٍ فـي ذنوبـك

واذا أحترق صدري بصدك وجفـواك
يكفيني أشرب من عذوبــــــــــــة أسلوبـك



,,