لايـومـي بـيـوم ٍ ولا ليـلـي بلـيـل
ولا السّعـد مقـبـل ولا الـهـم زايــل
ماغيـر ازم همـوم واحــط واشـيـل
ولاراح منـهـا هـــم جـالــه بـدايــل
تدرون يالعربـان وشهـي البهاذيـل
فرقـى وليـف وحـظ مامـن صمايـل
الوصـل نعمـه والمـفـارق غرابـيـل
يـاحــظ لـيـتـك تـعـتــدل مـاتـمـايـل
لامـن بغيـت اعدّلـك تـرجـع تمـيـل
كنـك تقـول اعيـش وامــوت مـايـل
والمهـرة اللـي ماتعيّـن مـع الخـيـل
مـن دونهـا تقصـر جميـع الأصايـل
من دونها ضاعت عقول الحلاحيـل
وتضـاربـت فيـهـا سـلـوم القـبـايـل
ياشيب عيني يوم قفّـت وانـا اخيـل
دموعهـا وبـلٍ عـلـى الـخـد سـايـل
وانا اتصبّـر وازهـم العقـل والحيـل
والقلـب يشكـي للضـلـوع النحـايـل
اصبر مثل صبر الرجـال المشاكيـل
واخـبّـي جــروح الـزمـن واتحـايـل
وانـا اترفـع واتـرك القـال والقـيـل
واجبر عزى قلبٍ على المـوت آيـل
أشب نار الشوق وارهـي المعاميـل
واريّــح اعصـابـي بـبـدع المثـايـل
ولاّ الغـلا مـاعـاد يحـتـاج تفصـيـل
لـنّــه مـوريـنـي نـجــوم الـقـوايــل
ياللـي غيابـك حـط بالقـلـب تنكـيـل
ويلـي علـى قـربـك ولانــي بطـايـل
لاغـاب صوتـك ماتفيـد المراسـيـل
وفـر علـى الجـوال كـثـر الرسـايـل
والله لـــو تـاخــذ لـدمــي تـحـالـيـل
تلـقـاك بالجيـنـات صـايـل وجـايــل
حبـك تعـدى حـب الاكــراد لأربـيـل
الاّ تـعــدى حـــب شـمــر لـحـايــل
صبيـت حبـك مثـل صـب الفناجيـل
وين الجليله تشـرب اشـواق وايـل
وانته تواعدني من اسهيـل لسهيـل
والشوق فـي قلبـي مسـوي عمايـل
ليتـك تبادلـنـي الـغـلا والمواصـيـل
وتـرد لـي بعـض الـوفـا والجمـايـل
تعبت مـن قولـة ظـروف وعراقيـل
وتعبـت مـن قولـة يـاقـل الوسـايـل
لاقلـت انـا احبـك ومشتـاق بالحيـل
تقول لـي جعـل العـوض فالموبايـل
يعـنـي انــا ويــاك مـثـل المهابـيـل
واشباهـنـا فـالـوقـت هـــذا قـلايــل
كـذاب مـن قــال المحـبـه تساهـيـل
راحــو ضحايهآآ عـيـال الحـمـايـل
26-02-2010, 03:00 AM
العرض الشجري