جريمة قتل متعمّد!!!!

[بندر]

قصيده عجبني فيها كلّ مافيها ..

قافيّتها ..

معناها ..

موضوعها ..

وأخيراً ..

شاعرها ..

الرائع ..

محمد بن شبّّاب ..

أتركها في متناول ذائقتكم ,,
,
,

قلبي له ايام مللني ومللْته=من ظيقةٍ جمرها سمرٍ ولا رمّد
تشعل بصدري لهيبٍ ما تحملْته=احااااه ياجمرة الضيقه .. وانا محمّد
والصبر ما عاد باقي منه ,, كملْته=عجزت اداوي جروح القلب واضمّد
سبة لطيف الحشا ماعاد قابلْته=من عقب ما كنت اشوفه شوف متصمّد
والحين غيّب .. وهملني وهملْته=ما عاد شفته واخاف عيوني اترمّد
قلبي تبرمج على شوفه وفعلْته=ومسيطرٍ في خلايا الراس ومعمّد
يامر وينهي على روحي ووكلْته=لو كان صده جريمة قتل متعمّد
يخطي واسامح ولجل اعيونه امهلْته=ويرجع ويخطي بوجه وقلب متجمّد
وعزالله اني في سلم الحب جملْته=اجمع رصيد الغلا فالبنك واجمّد
الوصل من اكبر اعيوبه ومشكلْته=لا صار حبل الوصل ما عاده بممّد
كم بارقٍ فالسما يبرق ولا خلْته=لو ما رعيته شكرت الله ومتحمّد
مدامه بخير .. وعاده يرسل اسئلْته=وينشد عن الجمر ... كان الجمر قد رمّد؟؟
قولوله : ان جمر صده ما تحملْته=احااااااااه ياجمرة الفرقا ... وانا محمّد

,
,
وسلالامتكم ..