لغز يا اهل المفهوميه

[دشنان]

8
8
8

الله يهديك 000 ان جا على بالي المكوى (( الاوتي ))

بس يوم قلت يوقف وراها هندي !!

طيب يمكن يوقف وراها فلبينيه ولا اندونيسيه


المهم

حل لغزك الاخير هو (( إشارة المرور ))

واصل يال عجمي الله يعطيك العافيه

[آل عجمي]

المشاركة الأصلية كتبت بواسطة دشنان

8
8
8

الله يهديك 000 ان جا على بالي المكوى (( الاوتي ))

بس يوم قلت يوقف وراها هندي !!

طيب يمكن يوقف وراها فلبينيه ولا اندونيسيه

انا قلت (اكثر الي يوقف وراها هندي ) ماقلت كل الي يوقف وراها هندي

[آل عجمي]

المشاركة الأصلية كتبت بواسطة دشنان

حل لغزك الاخير هو (( إشارة المرور ))

واصل يال عجمي الله يعطيك العافيه

نعم الحل هي الاشارة

[آل عجمي]

لغز اخر


ويش بنت ابطنها شالت ولدها === والولد في الام ما سوى جميل
تبكي امه دوم تاكل من جسدها === وان بغت فرقاه هذا مستحيل

[آل عجمي]

الحل من اربعه حروف

[المها]

السلام عليكم ورحمة الله وبركاته

لفتت انتباهي الالغاز فاحبيت اشارك ...
اعتقد ان الجواب ....(شمعة ).... الشمعة ..

وتسلم الله يعافيك يااخي الفاضل ... ال عجمي على هذه الفكرة الحلوة والجميلة والمسلية في نفس الوقت .....
ولك مني اجمل واطيب تحية ......

[آل عجمي]

نعم الجابه هي الشمعه
ماشاء الله عليج يا المها

[آل عجمي]

طيب يا اهل المفهوميه لغز جديد

يــــاويش رجــــال ربطـــوه بجماعــــــه === مرات يفكونه ومــرات مربــــــوط
يمشي بدرب الضيق ما يعرف الوساعه === وما يسمح لغيره ولو كان مضـغوط
ماياكل العيشــــــه ولابــــــــه مجاعــــه === وان قيل فيه اسنان فالقــول مضبوط

[آل عجمي]

المفتاح

[آل عجمي]

اللغز يقول ...

انشدك عن رجال تخضع له الروس*** ولامربين الجالسين اخضعوله
مايطلق اللي من ورى الباب محبوس***ولاغاب عن وجه العرب مارسلو له

.......