(( يا كثر كذبي على نفسي وآنا داري ..!! ))

[قبلةالعجمان]

~ البارحه ضقت ~





مدري بكا حلم.. مدري ليلة غبره
... ... ...نسيوني أحباب وإلا ضاعت أخباري

هي إتدبر.. أو أقفت مابها دبره؟
... ... ...ليت الليالي تقدر غربة الساري

مدري من اللي من الثاني نفذ صبره؟
... ... ...لا يازمن من هو البايع من الشاري؟

لا الوجه وجهك ولا النبرة هي النبرة
... ... ...مدري.. ولكن طراك يازمن طاري

ماني بجاهل على الشدات تختبره
... ... ...تشتد ياوقت وإصراري هو إصراري

بالقلب ما تعرف العبرة من العبرة
... ... ...وبناظري غيمة ما تمطر أسراري

خليت الأحزان باقصى القلب منثبرة
... ... ...ياكثر كذبي على نفسي وآنــا داري

قم ياقصيد يعزي الا انتثر حبره
... ... ...إليا حداني زماني تفزع أشعاري

وإن بار فيه رفيق كنت معتبره
... ... ...أغلى من الروح ما نزلت مقداري

والله لو ردهاك الحب من قبره
... ... ...مارد له ليــــن تبرد غلتي ثاري

ماكل شق مداه السلك والابرة
... ... ...وماكل عين تجاهل جرحي العاري

إما يقولون طاح الضلع من كبره
... ... ...وإلا.. يقولون ماهو للوطا ضاري

كل تكلم وكل خـــابر خبــــره
... ... ...بكره يبين الصحيح إن سهل الباري

البارحة ضقت وأثر البارحة غبرة
... ... ...مدري بكما حلم والا ضاعت أخباري؟




وسلاااااامتكم




((مساعد الرشيـــــــدي ))