قصده وقصيدة علوي يمين وكل يـــــام يسارا

[راكان اليامي]

هلا وغلا بالنازي

واشكرك على الرد

تحياتي

[راكان اليامي]

ارررررررررحب يافكاك النشايب

ولاهنت على الرد

والله انا عطانياها واحد من فتره بعيده والله

وانا قريتواحد كاتبها في نفس في منتدى القبيله الذكوره في القصيده

بس نفس الشي وانشاءالله احاول ارسلها لك اذا لقيتها كامله

[راكان اليامي]

اررررررررحب يالسياسي

ولا انت يالذيب

[التاجر]

الأخ راكان اليامي
الرجاء التأكد من معلوماتك قبل الكتابه حتى لا يتم العبث بالتاريخ
القصيده قيلت بمناسبة معركة الصريف وقد قيلت قبل المعركه والدليل على ذالك لم يذكر الشاعر تفاصيل المعركه في قصيدته ( لأنها لم تبدأ بعد )
وثانيا أبن رشيد لم يريد أن يحارب الكويت بل على العكس أن مبارك الصباح هو الذي يريد أن يحارب أبن رشيد ( يعني هو المعتدى ) بناءا على أوامر الأنجليز وهذا تجده مكتوب في كتاب من تاريخ الكويت للمؤرخ الكويتي الشملان 0
وثالثا أن جيش مبارك الصباح نزل عند منطقة الصريف ( تبعد عن بريده 15 كيلومتر ) وليس كما تقول أن أبن رشيد نزل عند المطلاع لكي يحارب مبارك الصباح 0
-------------------------
وانت يا أخي خلطت موضوعين مع بعضهما
بالنسبه لنزول أبن رشيد الى منطقة المطلاع فهذا يا أخي كان في وقت سالم الصباح الذي كره الأنجليز وعاداهم وأصبح صديقا لآل رشيد ومتعاطفا معهم وكان ذالك في وقت سعود بن عبدالعزيز الرشيد , وكان سالم الصباح يميل مع الأتراك لأنهم على الدين الأسلامي ( في ذالك الوقت )
فأرسل عبدالعزيز بن سعود الأخوان لمهاجمة الكويت ( بأوامر من الأنجليز ) فأرسل سالم الصباح الى أبن رشيد رساله يطلب منه المساعده لصد هجوم الأخوان فتحرك أبن رشيد من حائل لمساعدة سالم الصباح وعند وصوله الى المطلاع كان المعركه قد أنتهت والأخوان أنسحبوا من الكويت فرجع أبن رشيد الى حائل 0
--------------------------------
مع تحياتي
--------
ريف الضيوف ودار ستر العذارا 000 عبدالعزيز الشمري سر وأجهار

[التاجر]

يقول الشاعر مفضي السلمي بعد معركة الصريف 0


--------------------------------------------------
يالله أنك تعـز الشيـخ وتدلـه
دعوت العبد يامولاي وتجيبـه
يوم جانى أخو مريم وربع ٍ لـه
هيّض مطير والعجمان وأجنابه
جاك شرهـٍ على حايل يبي ظله
ما درى أنه بلاد دونهـا لابـه
حايل ٍ حايل ٍ كل ٍ يبـي ظلـه
مار أبو متعب بالسيف عيابـه
وين فيصل وشرب الكيف بالدله
ماثنى سابقه لارحم مـن جابـه
وين سعدون ومـرده لعبـدالله
يوم حامت عليه الخيل ماشابـه

---------------------------------
ويقول الشاعر أبو جراح السبيعي مادحا الأمير عبدالعزيز الجنازه

عبدالعزيز اليا ضرب ما يثمن
تصعد مقاديمه و يبرق عقابه

ياللي مكذبني بعينـك تعيّـن
في ماقفٍ كلٍ يجر الغـدا بـه

جماجم من فوق الأعناق زلّن
ما كنها لويت عليها العصابه

ألفين بين القاع و الحزم عدن
من غير شيٍ ما حسبنا حسابه

--------------------------------
ويقول الشاعر العزي راعي البره

يامزنـةٍ غـرّا نشـت مـن مغيـبـه
ترعد وتبـرق ساقهـا رب الأربـاب

ترمي الصخب شرّه على من تصيبـه
بأركانها تسمع كما ضرب االأطـواب

طمّـت وعمّـت وإدلهمّـت غضيبـه
واستثقلـت باللـي لـلأرواح جـذّاب

تبغي الحريب اللي دنـا مـن حريبـه
ابن صباح اللـي تعـرض للأسبـاب

دوّر وجمّـع مـن تـردى نصيـبـه
بأهل الكويت وكل من كـان خشـاب

ومن كـل غـواصٍ وسيـبٍ يجيبـه
واللي يحزمـون السمـك زام حـرّاب

وبعريـب دار وكـل مـن يرتجيبـه
وراع النفاق ومـارق الديـن ماغـاب

وجموعـة العجمـان واللـي حظيبـه
مع الدويش ومن ولاه مـن الأجنـاب

والمنتفـق وابـن شريـم ونسيـبـه
وسكانـة النقـره وسالـم وغصّـاب

حـل المنـاخ اللـي عليهـم دعيبـه
كل ديرته يحـذاه جـلاب الأجـلاب

يبغـي مناصيـبٍ تحـدر غصيـبـه
وعنده مناصيـبٍ تعلـت بـالأرداب

واللـي دعـاه وساعـده مايخيـبـه
يومه (........) وفي مامضـى تـاب

عنـه السبايـا والسـرايـا بغيـبـه
واللـي يـروون المراييـش غيـاب

والله ماصـدو عـن الـدار هيـبـه
مـار انهـم ياتايـه الـراي أجنـاب

عنده نـزل حـوض المنايـا بطييبـه
عوق الحريب اللي اذا زيـر ماهـاب

سيّـر عليهـم بالجمـوع الصليـبـه
جيشه مـع المسيـوق يحـداه الآداب

ثار الدخـن والعـج وإنجـال خيبـه
والشمس عنهـم كنهـا تقـل بحجـاب

نـوٍ يـروّع بالخضيـراء حنيـبـه
خص الجموع اللي عليها السمـاء زاب

فيـه الـزلازل والمنـايـا تجيـبـه
ومزن الغضب ضرن على كل منصاب

وفيهـا مخابيـصٍ وبـرقٍ مصيبـه
وحتى الرعد به حس عدلات الإجهاب

ورمـى بحمـران النواظـر حبيبـه
ضياغمٍ من فوق طوعـات الأرقـاب

رمـى لهـم مثـل العساكـر خشيبـه
بصمـعٍ وثـلاثٍ وللمـوت أسبـاب

إليا حلت البلـوى علـى مـن بليبـه
ينفـك للمبلـي مـن الله ميـة بـاب

يذكر لنا فـرز الوغـى شـق جيبـه
ونذر وحرّم عقـب رميـه للأسـلاب

حظـر الجبـل ردو لهنـدٍ عجيـبـه
هندٍ مفاتيـح الفـرج عنـد الأكـراب

فـي ساعـةٍ وادع حبيـبٍ حبيـبـه
وردو خطاة العمر مخطـاه ماصـاب

تخالطـو مـن كـل كـفٍ ضريبـه
لمـا غـدا مابينهـم تقـل حـنّـاب

حريقـةٍ مايـبـرد الـمـاء لهيـبـه
مثل السعايف عندك الجمـع لاعـاب

ويـن القنيـب اللـي يميـز قنيـبـه
بـرقٍ ودخـانٍ وعــجٍ وسـكـاب

شيّب بهـا اللـي مابعـد حـل شيبـه
وغـدا بهـا شبّـان الاولاد شـيّـاب

يـومٍ علـى الباغـيـن ماينحكيـبـه
عثا بهم طير السعد غـوج الأطـلاب

عجرٍ ثلاثٍ بـه والاخـرى عطيبـه
ماهاب والمـوت الحمـر لـه تلهّـاب

غريو هلا النقـره مـع شلـة دبيبـه
لومك على اللي أدبرو عنـك هـرّاب

جابـوك شمـر ياطويـل الذويـبـه
بين السبايا وبيـن عذبـات الأنيـاب

ياللـي تقـوده قـل حقـه غديـبـه
مع وقعة البـرّه ومـن كـان طـلاب

ومـن لاعليـهـم حـجـةٍ يدّعيـبـه
ذا موسم اللي حاضره سد مـن غـاب

ياذيـب سفـوه نـاد ذيـب القريبـه
وإجذب من السلمان والحزل وإنصـاب

وإجذب من سبـاعٍ بالمقاطـع مغيبـه
وإجذب من السوده للجوف والضـاب

وباقي السباع الغايبه ويـن هـي بـه
إقنب لها ياذيـب فـي كـل مرقـاب

يلحـق بـهـا سـبـعٍ رديٍ نديـبـه
وشهب النسور وكـل فـرّاس بالنـاب

ولا تفـرس إلا كـل بيضـا سنيبـه
إفـرس مشاكيـلٍ وزلبـات وركـاب

مثل الهشيـم اللـي بفيضـة شعيبـه
هشيـم طلـحٍ كـل الايـام عـيـاب

بأرض الصريف اللي وطاها وطيبـه
شرق وشمـال وقبلـةٍ عنـه معـزاب

الضبعة العرجاء غـدت بـه رطيبـه
وكل السباع الضاريـه كيفهـا طـاب

ياويـل عمّـي جرّهـا مـن حسيبـه
(....) علـى الرمـش شقّـن الإيـاب

شيـخٍ يراعـي يـوم حـزّة نشيبـه
على جموعه من المغليـن ضبضـاب

من فوق جال مثـل وصـف الرقيبـه
خيالـة الشرفـه ومحـدٍ معـه تـاب

زلفاهـم الـدجّـال نـقـرة نشيـبـه
نـار المسيـح وذل يلحـق بمطـلاب

من فـوق حـرذونٍ يحـز الشطيبـه
بفقر الوقارى رادفـه عقـب ماشـاب

في فرصـةٍ حـدر الدجـى مادريبـه
قب السلاح وبـدّل السيـف مشعـاب

والغـوج خلـي مالقـى مـن يجيبـه
عند ابن شايم مالقـى الغـوج ركـاب

عاضـوه بالحـوّى فيـاضٍ عشيبـه
مايشبع الرجال مـن عشـب عشـاب

ذكـوه فـي ديـرٍ كبيـر المصيبـه
تسعين ليلـه مقعـد الشيـخ ماطـاب

دار الفلـك ياللـي هبوبـه مجيـبـه
شيـخٍ يريـد الحكـم ماهـو بنهّـاب

على النقى يـرد النضـا مـع شبيبـه
لابان في قـوم المعاديـن مضـراب

كونـه صبـاحٍ مـايـدوّر عقيـبـه
من غب كونه ينصب السوق حسّـاب

إيضا الدواسر كـون وإيضـا عتيبـه
واللي حضر منهم عن اللي مضى تاب

كون ابو متعب مع صديقـك يصيبـه
قوم ابن مرشد صابهم مثـل ماصـاب

جاب الله الديـدب وهـو ينثنـي بـه
عشـىّ ولا بقـىّ بهـم كـود نجـاب

سـرى وبّـدل كـل عوصـا نجيبـه
تجوير ربدا دوّلـت عقـب الأعقـاب

وشبّ الفنر للـي مشـى يقتـدي بـه
طـوال ليلـه قـاريٍ تقـل مشهـاب

وصوّت لمـرزوق (........) لعيبـه
وتعاقب الترديـد شطريـن الألعـاب

عزّي لكـم ياهـل الجفايـا المريبـه
من ليلةٍ يصبـح بـه الجيـش ريـاب


واللـي تنصـاه النقايـض غديـبـه
قوم الغبينـي وابـن عرنـان وذيـاب

هـذاك مقطـوعٍ وهــذا مصيـبـه
متوسطٍ شـرّه تواضيـت الأعـراب

والسبـر ماعقـب المغيـره نبيـبـه
ذاقو به الفدعـان مـن كثـر مـالاب

خلـي نصـي رمـاح قفـرٍ رطيبـه
من عقب كون سبيع للصيـد ملعـاب

سعـدونٍ مـن كـونٍ فنيـعٍ بقـيـبه
يالله حصل للمنتفـق عتـق الأرقـاب

لاتـامـن الدنـيـا ولا تلتهـيـبـه
تقبل وتعطي عنـد الإقفـاي عرقـاب

أليا أدبرت قصـت محـوصٍ قطيبـه
وان سانعت أدنى شريـطٍ لهـا جـاب

السيـل ماينـزل مجـاري شعيـبـه
ولا ينزل الوادي إليا صـار مجنـاب

واللي صديـقٍ لأخـو مريـم شفيبـه
بدل مقـرّه عقـب الإشمـال إجنـاب

الحاكـم اللـي بالمنـاور صحيـبـه
ماعاد يطلع بيرقه مـن ورى البـاب

حتـى لذيـذ النـوم مايهتنـي بــه
بالليـل زامـاتٍ ورى بابـه أبـواب

واللي يبي شـر الضياغـم بلـي بـه
واردى ركابه بالمشـاري والاطـلاب

زبـن العطيـب اللـي جذابـه هليبـه
يـوم السبايـا عندنـا تقـل ملعـاب

به من ذراها مـن لواهـي صحيبـه
وياصل حتى لو على الطـاس فلهـاب

على العدى سمٍ إليـا مـن إشفـي بـه
والسـم نـدرٍ ماتداويـه الأطـبـاب

وللصاحب أحلى للجسـد مـن حليبـه
وأحلى من السكر علـى كبـد شـراب

يعنـى لفضلـه بالسنيـن الجديـبـه
يرّبع به الممحـل سنيـنٍ بالأجـداب

شيـخٍ عطايـاه المـهـار العريـبـه
وجيشٍ وليـراتٍ إذا جـوه الأجنـاب

شيـخٍ أذا سمـع الخطـا مارضيبـه
يحـط للدايـج بـالأسـواق نــواب

والخاتمه مـن عقـب ماقـال اجيبـه
وشهدو عليـه اللـي بالأقـلام كتـاب

اخـزاك ياعـلام ذنـبـي وعيـبـه
والعبد يذنـب وانـت يالـرب تـواب

وصلو علـى طـه عسـى يستجيبـه
يشفع لنا بالحشر فـي يـوم الحسـاب
---------------------------------------
وأرجو أن أكون قد أضفت شيئا للموضوع
-----------------
مع تحياتي

[من داثر الوقت]

راكان لا هنت يا ذيبان صحت يمينك

[الشاذلي]

راكان اليامي
يعجبني طرحك ولكن هناك معلومات مغلوطه في هذي القصيده التي قيلت في معركه الصريف وقد سبقني الاخ الذي قبلي لكن حبيت اوضح سالفت هذي القصيده
هو عندما نوخ مبارك الصباح وجيشه في روض التنهات وكان الجنازه قد انسحب وجيشه الي الصريف
عندما اشار عليه احد شياب شمر ان روض التنهات لاتصلح لطراد الخيل وان الصريف ارض
مناسبه للحرب فانسحب ابن رشيد فا ظنو انهو قد هرب وقد اظن ابن صباح انه قد انتصر
عندما قال حود ناصر البدر
مرحوم يامن زارنا وستخارا..............وعذر وعاف من السهر وابد العذار
وقصه قصيده حمود ناصر البدر قيلت قبل معركه الصريف بثلاثه ايام وقد رد عليه ضاري العبدي الشمري
وقال
المدح ماطول يدينن قصارا...........والذم ماقصر طويلين الاشبار
سلات اهل حايل غمارن صغارا....... ماجمعهوم من حساوي وبحار
ياحمود يالبحار راعي الحمارا........ تمدح وتقدح والفعل مابعد صار
تمدح مطير ويام عنكم يسارا ......... في ضفكم يرعون من عشب الااقفار
شفهم ليامن اشهب الملح ثارا ........ هجو وخلوكم على جانب الدار

هذه الابيات رد عنيفا عندما قال الشاعر حمود ناصر البدر االكويتي

ياللي علينا تجهلون الامارا ......... منا ومنكم من طويلين الاشبار
انتو كما ظلعن قوي الحجارا ........ وحنا كما نجمن على الظلع حدار
انتو حرار من مواكر حرارا ....... وحنا عليكم من صواريم سنجار
وإن كانكم شرهين وابكم نمارا ....... فحنا لعين الشرهه والضد مسمار

وهي القصيده قيل ان الجنازه عندما سمعها قال ( والله لو كان هذا الشاعر الحضري من شمر لكان يسكن معي في قصر برزان )