قصيده لى الشاعر الكبير :علي بن بلال اليامي ....!

[جـاركـ الله..!]

السلام عليكم ورحمة الله وبركاتة
اسعد الله اوقاتكم فى كل مساء
وارجو ان تنال هذاى القصيده بى اعجابكم
لى الشاعر الكبير .....(((علي بن بلال اليامي ))).....

الشعـر ماجينـا نبيعـه ونشـريـه
نهديـه هـدو للنشـامـا طـروفـه
والمـدح مايستاهلـه غيـر راعيـه
اللـي مواجيـب الوفـاء ماتطـوفـه
والطيب حتى في دجاء الليـل أهاليـه
مثـل النجـوم البينـات امعـروفـه
وقائد معاصير الدول جيـت ناصيـه
سلطان شـوق العيطمـوس الهنوفـه
شيخ الشيـوخ اللـي نحبـه ونغليـه
ويفرح به المظيـوم ساعـة يشوفـه
سليـل مـن داس المنايـا برجلـيـه
وفرض على الكايد مضارب كفوفـه
للضـد مايـدراء وكــلآ يـداريـه
والخيـل لليـوم الكبيـر امعسـوفـه
وحصل وراكان المسمى حضر فيـه
ويـام ومذكـر والهواشـم صفوفـه
شيخ وفـارس واروع الشعـر بانيـه
وكم جب راس امجربن عـن كتوفـه
وقحص الرمك ترم الفلا ساع توحيـه
وأبطال من فوق السـروج امحذوفـه
بطـل يبـارز كـل بطـل ينـاديـه
ماخـاف أبـد الآمــن الله خـوفـه
حطم كيـان التـرك وأفنـى دواهيـه
وتشهد لتاريخـه مضـارب سيوفـه
ودربن يبوجه يـوم صكـت نواحيـه
حلف وباج الـدرب عقـب الحلوفـه
ويصعب على الشاعر من الشعر يوفيه
وحق القلم يصعـب علـى فيلسوفـه
وراكان مجده وراثـه مـن مجانيـه
وعلـى وريثـه وارداتـن وصوفـه
نعم الحفيـد اللـي يفاخـر بماضيـه
ويفـداه مـن لايعتـرف بمعروفـه
تاريخ راكـان بـن حثليـن محييـه
وآلـى وقـف كلـن يقـدر وقوفـه
وآلى دعـاء يـام العريضـه تلبيـه
مثل الحيـاء تبـرق وترعـد قنوفـه
ويقدر اللـي لـه حقـوق ومشاريـه
ويحتـاط للخشـم المعانـد زعوفـه
ياحضـرة الغيـاب والمجـد حاميـه
عـن العلـوم الزايفـه والزهـوفـه
لك القصيد اكبر من الهيـض حاديـه
جرمن جرت بيـن القبيلـه احذوفـه
ماغيـر رجالـن برجـال يكفـيـه
ودرب الصلاح امرار تكثر صدوفـه
وعلى اي حال اهم علمـي وصافيـه
ربعن دفنهـم قبـر الاحيـاء بجوفـه
وسلمان له حق الزعل ويش يرضيـه
وهو المعزب وانتوا أغـلا ضيوفـه
واللي بجاهـك يابـن حثليـن تنهيـه
عنـه الشـوارب والدقـون امحفوفـه
والرابـح اللـي واجبـه مايخلـيـه
وخير المواقـف للرجـال امخلوفـه
والكـون ماضاقـت علينـا مساعيـه
ونعرف عراقيب الزمن مـن قحوفـه
والوقـت جربنـاه مـره وحالـيـه
ولي الشرف في روحتـي والنكوفـه
أرد علـى عـدن تصـدر ضواميـه
عد الـروى تـروى مئاتـه وآلوفـه
ميراد من كن اشهـب الـلال قافيـه
ولا لي على بعض المـوارد حسوفـه
لاهاينـن قـدري ولانـي بناسـيـه
والحيف ماله حـول سلطـان حوفـه
يفـداه مثبـورن دقـاقـن علابـيـه
ويفـداه مغـرورن كبـارن دفوفـه
والشعر اسوقه ليـن اشيـب قوافيـه
ونـدرك ولانـدرك لكلـن شفـوفـه
وقافن نهجـرس بـه وقافـن نغنيـه
وقافـن وراء قلبـن همومـه تلوفـه
وقافـن يوصلنـي منهـاي اجاريـه
مثل الخوي اللـي نراعـي ظروفـه
ونعتـز بالطيـب وفعلـه وطاريـه
وكلـي قصيـد ولاعلـيـه كلـوفـه
واجزل قصيد المـدح الاول وتاليـه
مـن كـل نبراسـن تجـلا كسوفـه
سلطان بـن سلمـان بالفعـل زاهيـه
في فزعته في هيبتـه فـي مضوفـه
وسلطـان والنعـم المؤكـد موالـيـه
أقرب من النقطه على أخـر حروفـه
يانجل زحزيحن ضمن بيـن اياديـه
الطيـب كلـه كاملاتـن صنـوفـه
وخير العوارف كلمة الحـق ترضيـه
وارض الحسد بالحاسدين ا مخسوفـه
والنـاس كلـن هيبتـه دون عانيـه
والمـدح ماياتيـب مـن ومـروفـه
جاء من ضحى امس اللي تلامع هناديه
والكـل بـاروده ودرجـه يـدوفـه
ونعتزبـه والجيـل للجيـل يرويـه
وسـاس الحقيقـه شامخاتـن سقوفـه
وزعيمنا مجده مـن الـزور يغنيـه
وعن كل تطفيفـن تسـارق ضعوفـه
لو الكواكب صيـد خطفـن وتشويـه
راحت انجـوم امشوهـه ومخطوفـه
ونجمـن يبـن ويختفـي مانراعيـه
الـى بـداء وان غـاب قلنـا ذلوفـه
وتـدوم للقطـب الهشامـي ليالـيـه
سلطان مصباح الدجاء مـن كشوفـه
شع ولمع صدرالسمـاء عـز واليـه
الله نـورن والفلـك فــي كنـوفـه
لالـه شريـك ولاسميـن يسامـيـه
الواحـد اللـي نعـبـده مانشـوفـه

معاى خالص تحياتي لكم :هادي الحجرف.