لبيش يااسطوره الزين لبيش..

[بنت الـــوادي]

السلام عليكم ورحمة الله وبركاته


لبيش يا اسطورة الزين لبيش
ولبى نغم صوتش على بسمة شفاش
ولبى الحكي لا من صدر من معاليش
أنا اشهدانه ينعش الخافق انعاش
يا اغلا من اغلا من سكن قلب مغليش
ويا احلا من احلا من على الأرض قد عاش
يا جعلني ما ابكي فراقش ولا ابكيش
ويا جعلني ما افقد حضورش ولاماش
ياللي حلا ذالكون كله سكن فيش
وياللي غلاها فالمعاليق يعتاش
لا تحسبيني كل ما غبت ناسيش
لوّي قدرت انسااش .. والله لانساش
مير البلا قلبي يحبش ويغليش
مسكين .. ما يصبر دقيقه بفرقاش
جعله فداش .. الله يخليش ويحيش
وانا وروحي جعلنا دووم نفداش
الله يحيّ العشق .. والله يحّيش
دامي بديته بش .. فحياش حياش
حبّش غزا قلبي مثل غزوة الجيش
من دون لا مدفع ومن دون رشاش
غزوش أتى عبر الثمان المراهيش
وسيطر على قلبي وخلاه يهواش
هاش الخفوق اللي عروقه معاطيش
واروي عروقه دامني قلت لش .. هاش
في غيبتش يبكيش قلبي ويدعيش
وفي شوفتش تطفي حرايق من الجاش
يا سارقة فكري عسا الله يخليش
وجعلي فداش وجعله اللاش يفداش
لبيش ثم لبيش لبيش لبيش
لبيش كلش من دنوّش ليا اعـلاش

لـــلــشـــاعـــر: صـــلاح الـــعـــرجــانـــي
ســــلامـــي