. . . { آنـــآ مــآزلتْ آشــوفــَه ريفْ قـلـبــيْ وَ مـربــآعــه } !!

[سـحـآيب]

/






راهـنـتهم عليك يـوم ( إنصحوني ) !
قلت لهم : انت بـ ناظري شخص ثاني

واليوم " دمعي " سال وقت سألوني
عنّـك / و عـيا مـا [ نطـقـها لسـاني ]

سكت .. لكن جاوبتهم " عيوني "
خسرت بـ لحالي و كسبوا رهاني





/

[سـحـآيب]

/





مُميز / وراقي / ومـُلفت لـ الأنظار ....
وكل العذارى ودّهم ( يوصلونك )

ماني " آنانيه " بـ حبك ولا آغار .....
كلي ثقـه لو كلـّهم [ يعشقونك ]

أدري تمنـّاني ، وغيري ما تختار ....
انا و ( بـس ) المـُلفته في عيونك !




/

[سـحـآيب]

/




سمعت بـ إنك ياهوى البال تعبان
..... ليته بـ يدّي كان خذت التعب لي !

لإنه ملازمني له أزمان ، وأزمان
( لو التعب ينسب لـ شخصٍ نسب لي )

مهمـا خفيته .. أو تـناسيـته / يـْبان
...رضيـت به دامـه .. قـدر مـنكـتب لي !

والا انت ياعلّـك تكون أسعد إنسان
.. يـ أول فرح في هـ الحياه إنكتب لي !

ياجعلني مـ اشوف في عينك احزان
. وياجعل مـ انته ( ياغذا الروح ) قبلي !

بـ افرح ليا شفتك من بْعيد فرحان
... فرحَك لو كلي حزن ينحسب لي !

كلـّش يهون إلا انك تْكون تعبان
....... تحبني ؟ إرتاح خل التعب لي !



/

[سـحـآيب]

،

عتبك مامرّ في سمعي مرور الكرام
........... عاتبتني والعتب .. دليل نبض الغلا

كلام قلبك وصلني قبل نطق الكلام
........... هذا هو الحـب والا يا حبيبي / فلا

ادري على كل كلمه قلتها .. ما تلام
..... يحق لك تحسب ان القلب عنّك ( سلا )

لكن ورب ٍكسانا اللحم فوق العظام
............. مازلت اعدّك الين اليوم غير الملا

اغيب لـ اجل احفظك حب وغلا وإحترام
........ لا ما نقضت العهود ولا نسيت الولا !

معقول ابنسى معك عِشرة ثلاثة عوَام
.. وشلون ؟ واسمك على عرش الخفوق اعتلا

جيّـتك بعد البطا تحيي عروق الغرام
........... الشاهد الله شعرت ان الظلام إنجلا

حييت في خافقٍ لك في ضلوعه مقام
............ نبضـه يردد هلابك / ياهلا / ياهلا

[سـحـآيب]

ابكي بليا صوت ، و الدمع مفضوح !
والقاه زاد الضيق ، مـ اعطى مساحه

ماهو على شان البكاء فضفضة روح
وماهو على شانه للأوجاع / راحه !

بكيت مجروحه على قلب مجروح
و القلب ما ينبض / بليا ( جراحه )


،

[سـحـآيب]

،



إنسان ! لكن ماانت مثل اية انسان
....... في كلمتك ، في هيبتك ، في ثباتك !

اللـه يسعـد خافقِـك .. وين ما كـان
........... ويعطيك كل اللي تريد بـ حياتك !

عسى الفرح يعـمّ في كل الاركـان
....... حولك / و تتحقق جميع ( امنياتك )

و يا جعلني ما اشوفك بـ يوم تـعـبان
........ يااللي مغرّق قلبي .. بـ تضحياتك !

دعوه ترى من قلب ماهي من لْسان
......... وابيك تدعي لي بعد في صلاتك !



،

[سـحـآيب]

.



.








اليوم شفته بعد فرقى سنين ، وسنين !
و القلب مادق لكنّ / العيون إدمعـت


دمع القهر من عيوني غير دمع الحنين
يوم أذكر شْلون روحه لـ المفارق سعت !


اتذكر اللي مضى مابين حين ٍ وحين
لو هي قوانين روحي للفراق خْضعت

لكن وش أقول ؟ في جرح ٍبـ قلبي دفين
ما طاب رغم السنين اللي مضت مااسرعت !

يا اللي تجونه أمانه وصلـّوا ، كلمتين
قولوا له شْلون نفسي بـ الفراق جْزعت


قولوا له إني حفظت الود و ( الوردتين )
آخر هدايا المحبه فـ الخفوق اينعت !

قولوا له إني عشقت الشعر وأصبح ضنين
قولوا له شْلون شاعرته بعَدْه أبدعت

قولوا / بـ ليلة فراقه كيف آجر الونين
ظنـّيتها الروح من حر الفراق طْلعت !

لكن عسى الله يبيحه كثر ماهو حزيـن
هو شافني اليوم / وعيونه بعد دمّعت !




،

[سـحـآيب]

/





،

دمعة فرح .. سالت على خدي اليوم
لين وصلت فمـّي / وهزت ( ضلوعي )

طعم الرضا فيها .. جلا عني اللوم
جوعانة وصالك / و سدّيت ( جوعي )


الدمع غالي من فرح / او من هْموم
ودمعة رجوعك كانت اغلى ( دموعي )






،

[سـحـآيب]

،




ابكيتك البارحه و ابكيتني من [ بكاك ]
ياليتني مت قبل اجرحك / واقسى عليك

والله لو تدري ان اكبر طموحي رضاك !
ماكان دمعك جرح روحي قبل / مقلتيك

عطاي لا تحسبنه .. ما يساوي عطاك !
يامحتويني بقلبك ، خافقي ( محتويك )

يا جعلني فدوة عيونك .. ودمع ٍغشاك !
وياجعلني الموت كان بعالمي لك شريك

من كل عقلك احد عندي ، يساوي غلاك ؟
واللي خلق ما اقارن بـ اي مخلوق فيك !

اعشقك واعشق ترابٍ قد وطت به خطاك
وابيك دايم ولا ابي غيري احد ٍ/ يبيك !

امسح دموعك حبيبي دام [ قلبي معاك ]
تطمـّن ولا تحاتي ، راحتي في / يديك !





،

[سـحـآيب]

،



يا ابوي بـ اخفض لك جناح المذله !
وراك تمنعني / لـ اقبّل رجولك ؟

تظن ، احبـك بس ؟ حاشـاك لله !
في ذمتي لا اضيع ، لا غاب زولك

العلم ؟ انت العلم / دقه وجله ..؟
خريجة ، سلومك وفعلك ، وقولك !

وإن كان انا في يوم ، زليت زله
سامح ، ودايم خلنـّي بس حولك !


،