oــــــايك الـoـنتدى - الصفحة 21

@ فــهــد @ · #**201** 09-08-2008, 03:50 AM

سلام عليكم مرةً أخرى
......................
................................
......................................
ارب الصوت واضح

بدايه كبداية اي شخص يريد أن يبدأ

البطاقه الشخصيّه ::

الإسم : الظامي
العمر : 20
الجنسية : كويتي
الحاله: أعزب
المهنه: طالب جامعي (جامعة الكويت )
فصيلة الدم : +O
الهوايه : كرة القدم....القراء التاريخيه....كتابة الشعر والاستمتاع به

هذه هي المعلومات البسيطه اللي استطيع باعلامكم بها

لماذا اخترت هذا اللقب في المنتدى ؟ لا اعلم
كان ذلك قبل سنتين فما اذكر ليه

ولكن مع مرور الوقت وضعت له سبب اتمنى انه يكون وجيه وهو في بيت لي الا وهو::

ظامي شعر والشعر صحرا مديده=اغبش بها وأسري بها في خيالي

اما من ناحية الجامعه فأنا كنت من اشد المعارضين للجامعه وكنت مغرم بالعسكريه وبالاخص ( ظباط الحرس ) ...... لكن قسم بالله نصيحه للي مخه نظيف كمل دراستك.... لأني بان لي الخافي
...انا بالجامعه بكلية لست مقتنع بها ولكن الحمدلله انشالله اطبق شروط التحويل الى العلوم الاداريه ( ادعولي )..... وبعد التحويل بتخصص ( محاسبه ) ويسهل الله.

هواياتي كرة القدم منذ الصغر.... وقراءة التاريخ اعشقها عشق يصل الى حد الجنون فأنا احب معرفة التاريخ بأدق تفاصيله واحب قراءة التاريخ الاسلامي اكثر من غيره

اما الشعر فهي شئ أتسلى به لما اكيّف وأغلب قصائدي تعتبر من نسج الخيال (خاصة الغزليّة) احب الشعر لأنه وسيله افضفض فيها واترجم شعوري من فخر وفرح وحزن وغبنه وكل شئ واذا كنت ما احس بشئ صرت اهابد فيه....ههههه
وكاد اني اعتقد ان الشعر مجرد وقت فراغ لا اكثر ( لأنه مجرد كلام في كلام )
ومن قناعاتي بالشعر أن الشعر عمره ما كبر قدر رجال رغم ان هناك شعار وغيرهم يعتقدون بذلك.... الشعر من كتبه هو الذي يرفع من قدره لا العكس ( قناعة الظامي )

هذي مقتطفات شخصية اتمنى انها تكون وافيه .........
.
.
.
يتبع

@ فــهــد @ · #**202** 09-08-2008, 04:28 AM

القصص اللي صارت لي؟؟؟

امممممممممممممممممممم!!!

طيّب القصص فيها اللي تقال واللي ما تقال
بقولكم اللي تقال....

القصه اللي صراحه عرفت ان فيها الدنيا حظوظ هي يوم بسجّل بالحرس رحت انا وثنين من الربع بنسجل بالضباط .... الربع عوال عم الوكاد ان واحد فيهم ما يبيها يبي الدراسه وحنا الاثنين ميتين عليها نبيها بشكل غير طبيعي لدرجة اني ما رقدت يوم الفحص(وهذا اللي نكبني) رحنا ثلاثتنا نبي نفحص جيت الفحص مواصل اما الربع راقدين ومريحين فحصنا وخلصنا قبلوا اللي ما يبيها وانا وولد عمه انرفضنا لأن ولد عمه عنده مشكله فالطول( قصير جدا ) وأنا دقات قلبي اتدق بسرعه ( لأني احب ) لالا لأني مواصل
وهذا هو خوينا خلّص سنه اولى الله يوفقه وحنا اللي كنا مانبي الدراسه كملنا وشنسوي بعد
الدنياااااااااااااااا حظوظ

القصه الثانيه صارتلي مع واحد من الربع كنا رايحين الوادي الوكاد انا نبي نقزر الطريق قلنا خلنا نلعب والله ولعبنا واستانسنا ولهينا عن الطريق ما وعينا الا وحنا على حد نجران ....ههههههههههههههههههههههههههههههههههههه لالا اظحك معكم هذي من تأليفي

القصه الثانيه صدق عاد ..... صارتلي في مجمع بأحد الدول كنت راكب اصنصير(مصعد) ومعي اثنين من الربع الوكاد ان اللي معنا فالمصعد ثلاثة من ذوات الطبقه السمراء عفوا السوداء وحنا شفنا المرة ولبسهم قلنا اكيد انهم امريكان الوكاد كان ذاك اليوم الربع مغيمين قعدنا نضغط ذالامريكان الين وصلنا الدور الرابع .... يوم جينا بنطلع قال واحدن منهم هرش وبغل.... تراكم قزرتوها ..... هم اطلعوا وحنا عادنا داخل المصعد من الصدمه هههههههههه
بس كان معنا واحد من الربع سياسي من الدرجه الاولى عرف يفرهم ( وانا عادني احك وجهي ) احراج ما بعده احراج

القصه الثالثه في بر الوالدين .... قبل حوالي سنه بغيت اشتريلي سياره معينه قلت للشايب ابشتريها قال ماشي ما عندي اشكال قلت: يبه ليه ما تخاويني تشوفها ... قال: توكل على الله
رحنا وشفنا السياره بعدها قالي الشايب : يا فلان لا تشتريها ..... وانا كانت كبدي طايحتن عندها .... قلت له: ليه يبه..... قال :: والله اني متشائم منها .... قلت : عسا ماشر ..... قال : انا ماني بمتطمّن.....قلت : والله يا يبا اني ودي فيها ..... قال : بصرك بس تراني حذرتك
قلت : جعلك ذخر يبا وحبيت يده
بعد ما شريتها وانا اسوقها وعادي على الشارع سواقتي وله الحمد ميه ميه
سبحان الله ايام المخيمات على الدبايه واحدن مصدوع دعمني دعمتن قشره ( كانت ستودي بحياتي )..... والله اني ما ازل عليكم انه من بعد دعمة الدبايه كن الموتر جاه عين صرت اعرف الصناعيه كلها....... من حادث الى حادث بعيد الشر عنكم ذالحين تذكرت كلمة الشايب الله يطول في عمره ( قولو امين )
اشهدنه احساسه احساس ابو جعفر المنصور(يا وجه الله ) ماشالله عليه ذالحين لو يبيني اسوق دنّه ما عندي مانع بس يكون مرتاح.

.
.
.
يتبع

@ فــهــد @ · #**203** 09-08-2008, 05:40 AM

مقتطفات شعريه....

انا من جماهير الشاعر محمد بن الذيب وسلطان الهاجري وخويّه وكذلك احب اسمع واقرا لبن فطيس وخالد سعود الكبير

ولذلك راح اجيبلكم من اجمل الابيات لهؤلاء الشعار الفطاحل وأتمنى انها تعجبكم

محمد بن الذيب:

.......................

يا كبدي الصبر الغنيمه وأنا اخيش=أقولها لكبدي وكبدي معيّه
لهب ذعذاع الهوى طير يا ريش=طعنة رفيق الجنب ماهي بليّه

.......................

القميص البنطلون اهل البلد الفرنجي=يا حلا منها عباة العز والتنورة
وان جمعنا ذي مع اذي والدلع والغنجي=ما تساوي برقعٍ غطّا محاجر نوره

......................

دايماً عقل المشاهد اصغر من القصه=ودايماً دور البطوله أكبر من المخرج

......................

ترا النشامى فالزمن ذا مثل كيس الشعير=ان ما كلته البلّ يا ستار تاكله الغنم

.....................

قالت انا فيه موضوعٍ بوشوشبه=قلت ارفعي الصوت لبى وجهش النيّر
قالت اخاف اتغيّر قلت ويلش به=اما التغيّار لا ماني بمتغيّر
؟؟؟؟
لا تنشب احساسي بحبّك وتبلش به=تراه قطة وجه من عاده صغيّر
وتقول بعدين هذي والله النشبه=أعلمك بالحقيقه وانته مخيّر
وطيت راسي وأنا أفكر وكنت أشبه=من حيرته السنين ومات متحيّر
واخذت موشة هواً اتنعنش به=ولدّيت فيها العيون وقلت يا نويّر
لو قالو الناس لك يومٍ ورح عش به=حذفت عمري وراي وجيتش مسيّر

.....................

الو ..لبيه .. فاضي...وشتبي...امر=يا جارح القب جرحٍ لو رحلت ادما
تعبان كني عيون المغرم السامر=لكن انا غير اشرف والغلا واسما
وفي راس ابوي العزيز وعزوة الدامر=ورجال يام وعزاويها في كل احما
مخزن اسمك بجوالي بسم عامر=الين شيخت اسم عامر على الاسما
قصيدة محمد المكتوم والسامر=وابداع قيس الملوح وابن ابي سلما
لقيتها في محيّا وجهك الغامر=مثل السراج المنير والسحب تصبّ الما

....................................

سلطان الهاجري

ياوجودي وجد عودٍ لا عيال ولا قرابه=ما جداه الا يون ويردف الونه بونه
مالقا فزعة رفيق ولا دعاة مستجابه=كل مامساله بظنٍ خيبت الأيام ظنه
ويا وجودي وجد من صفق على ماضي شبابه=بان شيبه والسنين اللي يبيهن خالفنه
غرته خضر السنين وراح عمره ما درابه=غررنّه وارفعنّه لين سجّ وحولنّه

....................

لاجل الغلا نطوي البيـداونقطعــها=مشـاعر الحـب لاعنت تعنيينـــي
لاقلت لبيـه من ثغرك وانااسمعها=نسيـت بعد المسافه بينك وبيني
ياعشقه الروح ياخـيره مطامعــها=شوفتك عن باقي الدنيا تكفينـي
محبتك من ثلاث سنيـن زارعـــــها=في شهـرسبعه سنة خمسه وتسعيني
وداعه منـك وانت اللي مودعـــها=تجري مع دم قلبي في شرايينــي
وانته وداعتك روحي لاتضيعـــــها=ضياع ياسر عرفــات لفلسطينــي
تولعت والله اللي فيــك ولعــــها=والقلب عاشقك قبل تشوفك العيني
النفس تامر واناماني بطايعـــها=الله عن النقد والمنقود يحمينـي
لو ان كبدي هجير الشوق لايعـــها=امر عطشان والشيمه تعدينــــي
ام الدلع في ذرى شيخ مدلعــــها=زيزوم قوم علي الشدات قاسينـي
شيخ ليا كبرت القاله يسنعــــها=ماهي بشيخة ختم والا ملايينـــي

...........................

الشبح حبه مع قلبي تموح=في شرايني وفي دم الفصيله
بانيله في الحشا قصرآ مدوح=قصره أكبر من قصر شيخ القبيله
قمت أمثل فيه قيس بن الملوح=الشبح ليلى وأنا مجنون ليله
اشعل ن لونه كما سمن مفوح=ولا مشى في الارض كنها تنحليله
لا نعمس بالي وخميتها وروح =مثل مرواح القطا يم الثميله
بايعه ماقصدي اروح اتسوح=مير بعته مثل بياع الكحيله

............................

الصراحه مزعجه وأنا صريح=تزعلـك ماتزعلـك باقولهـا
شاعر موهوب ولساني فصيح=وسابح عرض البحور وطولها
والافاعي سمها ينـذح نذيـح=والعقارب سمها فـي ذيولهـا
ماعلى الدنيا ضمير مستريـح=كل خلـق الله تهـن خيولهـا
ذا يحن وذا يون وذا يصيـح=وذا يخطف راسها ورجولهـا
والشعر هذاقبيـح وذا مليـح=وكلبوهـا ساريـن مفعولهـا
أجلدالقبيح في وجـه القبيـح=وقول وش رايك وقول أصولها
ولاتدري مايصح الاالصحيـح=خاطب العالم على قد عقولهـا

.........................

قال أنا عند ظنك قلـت لا بلـه=أختلف فيك ظني نوبه ونوبـه
قال واللي سواتك يدمح الزلـه=قلت والغلطه اللي منك محسوبه
من بغاني على الشده رفيق له=لا يقصر بماجوبـي وماجوبـه

........................

البارحه ياروح روحي خنجر عتابـك حديـد=تومي بها واليا اسهبت بين الضلوع اركيتها
حكم الغلا خلاك تطعني وانا اللـي مستفيـد=فديتك انت وكل طعنـه مـن يـدك فديتهـا
محبتك تجري بدمي من وريـد اليـا وريـد=بين الضلوع العوج بخشتهـا وقلبـي بيتهـا
لينت لـك قلبـن لغيـرك مايلينـه الحديـد=ولديت لك عين(ن) لغيـرك مابعـد لديتهـا
وكتبت فيك النادرات الشاردات من القصيـد=اللي تثيـر الصمـت بالجمهـور لاغنيتهـا
ونشرتها باشهـر مجلـه للقريـب وللبعيـد=على غلاف المختلف كلـن قـرا ماانشيتهـا
عقدن يليق بجيدك اللي فارقن عن كل جيـد=والشفه اللي طعمها معسـول يخـرب بيتهـا
لاقلت اريد وقالت امر قلت مدري ويش اريد=قالت علامك قلـت انـا بغيتهـا واخطيتهـا
مدري بطل مدري خبل مدري ذكي مدري بليد=مير المهم ان العنود اللـي دعتنيـي جيتهـا
بين الشقا والضيم والليـل والبـرد الشديـد=واقـول ياليـت الليالـي كلـهـا يالليتـهـا
مرة شقاها للشقـي ولـذة سعدهـا للسعيـد=والذ منها الجمره اللي فـي يـدي ضميتهـا

...........................
وهذا مطلع قصيده هجائيه حيرني جدا تشبيه الهاجري

الا يا هجوس الشعر جا فالامور امور=اشوف الوجيه البيض رفت شواربها

.................................................. ......................

غدا بإذن الله راح نكمل المقتطفات لضيدان بن قضعاان(الامبراطور) ومحمد بن فطيس(السهل الممتنع) والامير خالد بن سعود الكبير
.
.
.
يتبع

@ فــهــد @ · #**204** 09-08-2008, 10:27 PM

عــــــــــــــــــــــــــــــــدنـــــــــــــــ ــــــــــــــــــــــــــــــا
.................................................. ....
نكمل مقتطفات شعريه....

ضيدان بن قضعان

...............................

يـا صغيّـر لا تضيعنـي بنظـرات البـراءه=وانت ما تعرف مدى تأثيـر نظراتـك بحالـي
آه يالبيه .. يا بشويـش .. يـا هـدّ الإضـاءه=للجفول اللي .. من جفالـه يجفّلنـي ظلالـي
فز .. باسم الله عليك .. من المبـرّة للإسـاءة=وارقد آمن في عيوني .. واسهر آمن في خيالي
يا صغيّر .. والذكي .. مثلي .. ليا خانه ذكاءه=مالـه إلا يعشقـك ويصيـر لعيونـك شمالـي
قم فديتك وانت حر .. من الف باءه .. لين ياءه=ما عطاك الا الله .. اسرف واستبيح ولا تبالـي
سو ما يرضي غرورك .. وإدّ ما تهـوى أداءه=الحشا لك بيت حاتم .. وانت غالي عند غالي

..............................

من كثر ما يعشقك ماقال لك بالحـب رايـه=خايف الأيـام لا تطلـع عواقبهـا وخيمـه
في طريقك كل ماكنّه لمـس درب الهدايـه=تـاه ودروب الحيـاة المستقيمـه مستقيمـه
تايهٍ بصري ومـن جابـه لبيـت الله تايـه=عذر من غمّض بعين وعينه الأخرى كريمه
فدوتك مافات من ليّام واللـي عـاد جايـه=يا بعد عمرٍ مخاسيره معـك عنـدي غنيمـه
أنتي الفارع بقـد وجـد واسمـاء وكنايـه=من عشق مثلك يجوز من الهوى وشداد ريمه

..............................

ياصاحبي غابت علي الشمس باطراف النخيل=وامسيت اشوف الباسقات اللي تميل عذوقها
وانا علي بشت حساوي ... لا قصير ولا طويل=والمزنة الغرا على راسي تلوح بروقها
والعالم الله يدرك العطشان منها سلسبيل=والا يوقف يومه الموعود قبل يذوقها
ياصاحبي .. ياناس .. ياللي فوق يالوزن الثقيل=له النظر للعالم اللي ماتبل حلوقها
والعمر مره والقلوب البيض ماتبغى دليل=والناس اذا طابت نوايها تطيب وفوقها
لو كل من سمى ( نبيل ) يصير مثل اسمه نبيل=سميتها( ليلي) على ليلي وانا معشوقها
كذا كذا .. ( ياحرفه التمويه في نعش القتيل )=يا صاحبي اغمض عيونك وادفنه في موقها
وانا تعبت من الحجاج السمح والكف البخيل=ولا عندي حل اعالجها ... واخيط فتوقها
صحيح انا ممكن اسويها .. واسوي المستحيل=لكن رجلي فى هوى نفسي .. ماعاد اسوقها
وشلون ابرر موقفي واجزا جميلك بالجميل=وأنا يديني في فم الحية .. ورجلي فوقها

................................

البارحه واهل البلاد النائي=ارائها ماتتفق وارائي
صديت عن صوتن يحس الخاطر=والله بغايات النفوس ادرائي
وعديت في راس الطويل النايف=بين المدينه والبلاد النائي
وذكرت قول الغيهبان المري=راعي القنا والمهرة الصفرائي
(( بليت بأبليس ونفسي والهوى=كيف النجاة وكلهم اعدائي ))
واخذت امليها لنفسي كني=لم استبيح الشعر في ارجائي
وغنيت من بدعي على طاروقه=قصيدتن من فكرتي وايحائي
الشعر شعري والبحور بحوره=والجد جدي والشيوخ ابائي
اني لمن قوما يعز عليهم=قتل الرعاة ودمعة الحسنائي

.................................................. ..................
.
.
.
يتبع

@ فــهــد @ · #**205** 10-08-2008, 12:32 AM

عدنـــــــــــــــــــــــــا
..........
محمد بن فطيس
..........

......................

يا بنت ياللي تفرقين بعودش=ما ألومهم لو كثروا الخطابه
لامر بش دربش على خلق الله=قالوا كذا بالأصبع السبابه
زينش يزينه فعل أبيش وجدش=وإنتي بدورش للنقى كسابه
قومي تباهي بي .. وفلي راسش=عليش من ستر الشرف جلبابه
وإن ما سترتش بالفعول وباسمي=فعقبني الفنجال يا صبابه

......................

سولفوا تكفون لا عاد تسكتون=قبل لا أهوجس وياتيني بلاي
السكات يزود طعوني طعون=وتنكسر لا جا على راسي عصاي

......................

لا ضاقت الدنيا عليك وتشاويت=خلق الله اللي فالرخا كان واجد
ومن العرب والصوت والثوب مليت=وقامت عليك هموم بأقعا تراجد
فارفع يديك لخالقك لا توضيت=وادعو تراك أقرب إليا صرت ساجد
ووقت من أوقاتك للأوقات توقيت=وسجل لنفسك في المساجد تواجد
وأبشر بفزعة حامي الدين والبيت=إليا هجدك من الهواجيس هاجد
اللي يميت الحي ثم يحيي الميت=لرضاه شف كثر البشر بالمساجد

......................

البارحة ربي كتب لي ومريت=دربٍ عليه بروق الأحباب لاحت
جيت المكان اللي جمعنا وخفيت=وقامت جروحي للجوارح وصاحت
ياليتني في لفة الدرب زليت=كان العيون من الدموع استباحت
التم غيم الدمع من يوم لفيت=وورقا القصيد لشوفة الغيم ناحت

.....................

في كفها خاتم وفي خدها خال=وفي عينها غيم وعمارات وبيوت
الخال شفته واضحٍ من ورى الشال=والخاتم الماس مرصع بياقوت
والعمر في العشرين كني مانيب زال=والجسم كنه من جبل ثلج منحوت
جبل ولكن لا طرقه الهوى مال=وخطواتها ماهي بالأمتار بالفوت
ماهي تشوف الشمس من ظل الاظلال=ومصيافها ما بين لندن وبيروت

.....................

خالد سعود الكبير

..........

واكبدي اللي لهيب الوجـد محرقهـا=اونس لواعيجها مع حـر الانفاسـي
اشرب عليها من البـارد ومغرقهـا=لاشك عيـا يطفـي حرهـا كاسـي
على هنوفٍ شعاع الشمس ناشقهـا=خمريةٍ لونها من لـون الاطعاسـي
الزين فيهـا حقيقـه لـو تحققهـا=الراهب الملتزم سبـح وهـو ناسـي
لا كحـل لا روج لا مكيـاج لاحقهـا=الزين فيها طبيعي مثـل الالماسـي
الخد شمس العصر يطربك شاعقهـا=ماكنها ياعرب مـن طينـة الناسـي

............................

يازين خل العتاب شوي=ترى الوعد لحظته عجله
خل اتمتع بنور الضي=من نور وجناتك الخجله
ياشوق مافي يديني شي=حاسب على روحي الوجله
لاتحسب اني بظل وفي=خلك زمانه عقل رجله
كم لي وكبدي تمنى المي=ظامي ورجلي على دجله
قلبي طويته بحبك طي=وشوفك انا ميتاً لأجله
والله مالك بعيني زي=ونفسي على موعدك حجله
يازين خل العتاب شوي=ترى الوعد لحظته عجله

............................

هلا بالخاطر اللي ليخطر يرتاح معه البال=هلا باللي إلى جاني يروق لجيته بالي
جفولٍ ليحضرني وانحرج من زحمة الأزوال=أقوم لخاطره من مجلسي واروح بلحالي
أشبه جيته مثل الحبيب اللي فراقه طال=نطحني وابتسم عقب الزعل في مدهل خالي
الي رد السلام وقال وشلونك وكيف الحال=حسبت أن السعادة كلها ما خلقت إلا لي
أرحبه تراحيب الثرى للصيب الهمال=ألى هل وهطل واجزل وبارك غيثه الوالي
يجيني والحمول ثقال لاتترك ولاتنشال=ويسري والخفوق المبتلى من همها سالي

...........................

لولاي أسلي خاطري بالكتابه=وافيّض الضيقات معها وأغني.
لموت من كثر الأسى والكآبه=واون لين الدار مثلي توني.
واعلم السالين نوح الصبابه=حتى خلي البال مثلي يحني.
كله لجل غرو ٍ نهبني نهابه=طفل ٍ أسرني بالجمال وفتني

..........................

واعيني الي بالمدامع لهـا همـع=صوتا دعها للبكـاء واستجابـت
ذكر عليها الصوت خدٍ لمع لمـع=واسترسلت بالدمع ماعاد هابـت
والقلب من مده وهو ناسيٍ الرمع=احسب جروحه والتباريح طابـت
لاشك نقضها علي شاعـرٍ لمـع=وانا لي سنيـنٍ للاسـرار كابـت
ماعاد لي قدرة على الصد والمنع=عندي عرى والصبر ذابت وعابت

.........................

.
.
.
يتبع

@ فــهــد @ · #**206** 10-08-2008, 12:42 AM

احم احم ارب هالمرة الصوت واضح لأن اخي الصغير يلعب بالواير وقطعه....ورحت جبت تيب
وتيبته...... الوكاد أربّ الصوت واضح الو ..الو.... واحد ... واحد

الوكاد غدا انشالله اخر يوم لي معكم وراح اجيبلكم علومٍ طيّبه تجوزلكم

خلونا على الوعد

بكره
.
.
.
يتبع

@ فــهــد @ · #**207** 10-08-2008, 07:47 PM

عدنـــــــــــــــــــــــــــــــا
خلكم معانا فالساعات الاخيرة من وقتي
.
.
.
يتبع

@ فــهــد @ · #**208** 10-08-2008, 08:36 PM

الآن سوف اعرض لكم بعض الصور الجميله

يا سلااااااااااااااااااااااام

خيال رهيييييييييييب

لا تعلييييييييييييق

لبى البر

اااااااااااااااااااااااااااااااااه

.............

احلى جو (ههه عربي )

يا جماعه بس... بس

طوط.... طوط ...طوط

سبحان من صورك

ايه هذا الشغل

سبحان الله وكفا

يالعنبا الشماليّه تعكر المزاج

جعل يسقا....لا سكنت فيه

يا لبا هاواي ......

هذي صور بسييييييييييييييييييييييييييييييييييطه اقدمها لكم عساها تحوز اعجابكم
خاصه صورة ابو شنب
...
.
.
.
يتبع

@ فــهــد @ · #**209** 10-08-2008, 09:08 PM

وقـــــــــــــــــــــــــفات

وقفه1....عندما أنظر إلى هذه الصورة أجد بساطة الحياة .. وأدخل في أعماقها .. اجد روعة الطبيعه وجمالها .. فعندما أرى الورقة الخضراء احس بالراحه النفسيه لأنني احس بأنها حياتي الحاضره والماضيه والمقبله .. وعندما أرى قطرات المطر أتخيلها عمري والسنوات التي مضت كيف ان لها بريق من الماضي وروعته وحزنه وحجمه الصغير فأجد أن كل قطرة كبيره تعبر عن ان ذاك العام كان حافلا وعندما اراها صغيره ارى ان ذلك العام كان سريعا غير منجزا وعندما امعن النظر في الصوره اجد ان ما زالت الورقه لم تتبلل كلها فهذا يعني ان انشالله امامي سنوات انجز فيها لكي يكون لي بصمة في هذه الحياة الفانيه.

وقفه2.... عندما ارى هذه الصوره فإني اذكر الاحزان كيف كانت عيني مثل شلال يصب الماء بغزاره
يا كم حزنت ولم يدري احد ويا كم بكيت ولم يدري احد ولم يواسيني احد فإن دمعي كأنه يصب في وادي لا يراه الا من ينزل اليه فيسمع مع الدموع اهات الصمت ويحس بطراوة الحزن.

وقفه3.... في هذه الصورة اعتقد ان البساطه هي ما ترمز اليه الصورة.... رغم انها في قمة الجمال
ولكن هي جميله وبسيطه فعندما ارى القمر اذكر شبيه القمر والسواد الذي حواليه هي الهموم والمشاكل والاعداء والحساد والقمر لوحده يشكي لمن وهو بينهم ... كيف يستطيع الخروج؟

.
.
يتبع

@ فــهــد @ · #**210** 10-08-2008, 09:28 PM

في النهايه اود ان اختم بقصيده اعجبتني ولم اجد ما يوازيها

لشاعر ما يخفى عليكم هي معلقه ثامنه في زمن لا نجد فيه الكثير

اتمنى ان تكون مسك الختام وأن تتمعنوا بالابداع الذي تمتلكه هذه القصيده

وهي للامبراطور ضيدان بن قضعان

نسناس الشمال

يا وجودي كل ما هب نسناس الشمال=وجد من حده زمانه على اللي ما يبيه
و يا وجودي كل ما أضحيت ثم مال الظلال=لا غفت عيني و لا ذقت شي مشتهيه
وجد من قفى و هو في رجا كلمة تعال=والتفت من عقب ما أقفى و لا احد لد فيه
و ياعذابي لا دنا الليل من روس الجبال=وأنتهى يوم من العمر ما عاد أرتجيه
وأنتي أبعد من سما الحلم و وصالك محال=يا بعد من هل دمعي ضحى الفرقا عليه
ياغناتي لا تحسبين دمعي يوم سال=ضعف و لا خوف و لا كذا ولا كذيه
والله اني من رجال يضدون الرجال=لكن الحظ الردي ساق دمعي كل أبيه
والله اني كل ما دار حواليك الجدال=قمت كن الموت يشر على قبري بديه
والله ان قد لي و أنا أصد لا جالك مجال=صدة اللي لا تضايق تذكر قبر أخيه
ومن سألني قلت مدري و اذا عاد السؤال=قلت له تكفي سؤالك ترى ما هو وجيه
وش تبي أقول عمن ترى ذبحي حلال=والخطا منها علي صرت أحبه و أهتويه
عذرها لو ما تعذر مثل و أضرب مثال=واحد ما يعرف الحر الأشقر يشتويه
وأن رجعنا للتواصيف لله الكمال=لنتهى ليل المزايين جاتك تبتديه
كنها غفل مع البدو طاويها الحيال=ما يميز وصفها الا نبيه من نبيه
واهني اللي وصلها وذاق الزلال=رشفة مع غفلة الناس من فيها لفيه
وعزتي للي سواتي عشق ما لا يطال=ويوم طاله ضيع الحلم بين أمه وأبيه
يا أول أحلام الطفوله على حد الخيال=الرجا بالي حمى البيت من حملة بريه
حال دونك سيف عنتر وتاسع الحول حول حال=بثر حول حال دونك و أنا أدعي هيه هيه
هيه ياللي غرك الحسن و أطغاك الجمال=والله ان اموت ما شفت لأوصافك شبيه
لو يسام الحسن والتيه بجنيه و ريال=ما بقى في سوق غيرك ريال ولا جنيه
كيف أهدك للمقادير و أنتي راس مال=راس مال و مال و المال ما يعطى السفيه
حافظك حفظي لعيني و رمشي لك جلال=وأنتي تشحين بالما و أنا شفي مويه
شايف ظلمك و ساكت و طال الليل طال=لا تركتي طعن قلبي و أنا ما قلت ليه
لو بقى للهيل صبر على فوح الدلال=ما بقى للقلب صبر على شي يجيه
كنت أحسب أن الغلا زال و أثره لايزال=فالحشا ما كنه الا دخيل في وجيه
ساقني حبك على الموت و سنيني هزال=والظروف أقسى من الظلم للعرض النزيه
و أنتي تسوقين عقلي على حد الهبال=تحسبين أن من بغى شي يقدر يشتريه
ولا أنا يا وجد حالي وجود ما يقال=وجد من ضحى بغاليه لرضا والديه
و يا وجودي يا أول العمر قبل ألبس عقال=وجد من باع آخر العمر في رغبة ذويه
و يا وجودي كل ما هب صوتك من شمال=وجد من حده زمانه على اللي ما يبيه

في الختام اتمنى اني كنت خفيف عليكم ولا ثقلت

ودعواتكم لي بكرة مسافر وأشكر اختي حظي بري على اعطاء الفرصه لي واشكر الاخ راكان مره اخرى

واتمنى الردود تكون صريحه اكثر من مجامله وشكرا

اما المايك فأنا ما فيه احد طلبه مني ولذلك اعتقد اني برده حق اختي حظي بري وهي بكيفها

.
.
.
انتهى