.*.*.مطبخ منتدى العجمان .. مطبخك سيدتي فلا تبخلي علينا .*.* ..'. مزعلة النساء&حظي بري

[# أم أطياب #]

السلام عليكم ورحمة الله وبركاته

كيف حالكم جميعا ؟

أخواتي العزيزات مارأيكن أن نضع لنا مطبخا جميلاا في منتدانا



نعود له عند الحاجة لأي طبخة معينة وذلك بكتابة نوع الطبخه واسمها ومقاديرها وكيفية طبخها

مثال / نوع الطبخه : حلو ، اسمها : مثلا حلو التشيز كيك ، مقاديرها كذا وكذا ، وكيفية عملها : كذا وكذا


لاأطيل الكلام عليكم

أرجو فقد من الاخوه المسئولين أن يثبتوا هذا المطبخ الجميل ليعود علينا نحن >> النساء بالفائدة

وشكرا

::
::

أبدأ أنا اليوم بطبختي

وهي

نوعها : حلو

اسمها : التشيز كيك

مقاديرها : قالب الكيك الجاهز بطعم الفانيلا
1 علبة الكريمة السائلة
1 علبة جبنة فيلادلفيا
1 علية قيمر نستله
3 علب صغيرة حليب نستله الصغير
كيس جلاتين
علبة صلصلة التوت أو الفراولة الخاصة بالتشيز كيك

الطريقة : يصف الكيك في قالب بايركس
تخلط باقي المقادير
وبعد أن يذوب الجلاتين في قليل من الماء الدافئ يضاف إلى المقادير ويخلط حتى يثخن قوامه
يصب فوق الكيك ويدخل الثلاجة
عندما تجمد الطبقة توضع عليها الصلصة


وصحة وعافية على قلوبكم

.................................................. .........................

أرجو أن يعجبكم الطبق



بوركتم

وجزيتم الجنة جميعا

أختكمــ
حظيــ×÷‘ بريـــ؛×÷

إلى اللقاء

[# أم أطياب #]

السلام عليكم ورحمة الله وبركاته

أنا أعلم أنه ليس وقتا للمطبخ

للانشغال بالانتخابات والاختبارات

لنا عودة إن شاء الله بعدها

انتظروني

[صـــبـــــــــا]

هلا بك أخي حظي بري

موضوعك حيل حلووو

وودي أشارك معاك بطبق خفيف وحلو أحب اسويه دايم ....

اول شي تاخذين لك بطاطا تغسلينها وتقشرينها وتقطعينها مكعبات

بعدين وتاخذين فلفل بارد وتقطعينها بالطول ... بعدها تاخذين لك 4 حبات بصل تقطعينها بالطول

وتدقين فصتين ثوم ... بعدها تاخذين البطاط اللي قطعتيه وتحطينه بقدر صغير حيل وتحطين شوي ماي وتخلينه يطبخ شوي ... وتاخذين البصل والثوم والفلفل البارد وتحمسينه بمقلى مع شوي دهن وتحطين شوي بهارات اللي تحبين...بعدها تاخذين البطاط بعد ماتحسين انه شوي استوى وتحطينه بالمقلى مع شوية ماي مو واجد ... وتخلطينهم مع بعض وتاخذين لك مكعب ماجي حبه وحده بعدها تاخذين لك بقدونس وتقصصينه وتحطينه بالمقلى كلهم وتحمسينه الين يتشرب البطاط من الحمسه ...

بعدها تحطينه بصحن تحت اوراق خس وفوقه ليمون وتاكلينه مع خبز

وسلامتكم جربوه ترى حيل حلوو

[عــــاليــــه]

موضوعك رائع اختي اتمنى من البنات يتفاعلون معه
صبا البهارات شنو بالضبط ؟؟

[عــــاليــــه]

الرز بريحة الفحم
المقادير:
1-دجاجه وحده
2-بصله كبيره مقطعه شرايح
3-خردل حبوب واضافته حسب رغبتك انا ماضفته
4-3 فصوص ثوم مفرومه
5-طماطتين مقطعه قطع كبيره
6- ملعقه صغيره من (فلفل أسود مطحون-ملح –هيل مطحون- زعفران مطحون-بزار الامير-بهارات عاديه-)
7-كسرتين فحم
8-زبده
9-بطاطس وباذنجان مقطع
11-صنوبروكاجو وحبتين ماجي
12-فلفل حار 2 او3
13-رز كاسين ونص
الطريقه:
يحمس البصل في شوي زيت ويضاف اليه الثوم
بعد مايستوي نضيف له الدجاج ويحمس لين يتغير لونهاذا تغير لون الدجاج نضيف البهارت والماجي ونقلبه وبعد خمس دقايق نضيف البطاطس والباذنجان والطماط والبطاطس نكون سلقناه بس نص استوى .
في قدر ثاني نحط مويه فايحه وهيل مو مطحون ودارسين مو مطحون وملح ونحط الرز
الرز مانبيه يستوي يعني عشر دقايق بالكثير ثم اشخليه من المويه مو كلها وحطيه على قدر الدجاج ونخليه خمس دقايق ثم نجيب الفحم المشبوب ونحطه ع الزبده ونغطي القدر بسرعه ونتركه 7 دقايق الزبده تكون بصحن صغير من قزاز
وبعد 7 دقايق دقايق نشيل الفحم ونشخل الزبده ونصبها ع الرز ونغطيه ونتركه حتى يستوي
ويزين بالمكسرات بس سقطت سهواً
وهاذي صورته

اتمنى يعجبكم
عــــاليــــــه

[محمد آل غانم]

المشاركة الأصلية كتبت بواسطة عــــاليــــه

الرز بريحة الفحم
المقادير:
1-دجاجه وحده
2-بصله كبيره مقطعه شرايح
3-خردل حبوب واضافته حسب رغبتك انا ماضفته
4-3 فصوص ثوم مفرومه
5-طماطتين مقطعه قطع كبيره
6- ملعقه صغيره من (فلفل أسود مطحون-ملح –هيل مطحون- زعفران مطحون-بزار الامير-بهارات عاديه-)
7-كسرتين فحم
8-زبده
9-بطاطس وباذنجان مقطع
11-صنوبروكاجو وحبتين ماجي
12-فلفل حار 2 او3
13-رز كاسين ونص
الطريقه:
يحمس البصل في شوي زيت ويضاف اليه الثوم
بعد مايستوي نضيف له الدجاج ويحمس لين يتغير لونهاذا تغير لون الدجاج نضيف البهارت والماجي ونقلبه وبعد خمس دقايق نضيف البطاطس والباذنجان والطماط والبطاطس نكون سلقناه بس نص استوى .
في قدر ثاني نحط مويه فايحه وهيل مو مطحون ودارسين مو مطحون وملح ونحط الرز
الرز مانبيه يستوي يعني عشر دقايق بالكثير ثم اشخليه من المويه مو كلها وحطيه على قدر الدجاج ونخليه خمس دقايق ثم نجيب الفحم المشبوب ونحطه ع الزبده ونغطي القدر بسرعه ونتركه 7 دقايق الزبده تكون بصحن صغير من قزاز
وبعد 7 دقايق دقايق نشيل الفحم ونشخل الزبده ونصبها ع الرز ونغطيه ونتركه حتى يستوي
ويزين بالمكسرات بس سقطت سهواً
وهاذي صورته

اتمنى يعجبكم
عــــاليــــــه

انا اشهد اني رحت وطي مع الكبسه


يؤ يؤ



والله روعه


نبي نشوف طبخات غيرها


احس اني جعت من جد

[محمد آل غانم]

السلام عليكم ورحمة الله وبركاته


الموضوع اعجبني وحبيت اذب وجهي واشارك به


^^

يمكن اني احب الاكل


واحلى شي اذا تم دعم الموضوع بالصور وصور الاكل


ياسلاااااااااااااااام



نبدأ


7
7






. كيكة الفستق ’’

نعم صحيح كيكة الفستق

* المقـآدير :

نص كاس سكر

نص كاس فستق مطحون

نص كاس مويه

نص كاس زيت

علبة بسكوت / علبه إلا خمس حبات اذا كانت كبيره < شوفوا الدقه بس

3 بيضات

ملعقه بيكنق بودر

ملعقه فانيلا

* للوجـه :

3 حبات جبنه كيري

واحد علبة نستله صغيره





* الطريقه :

نخلط المقادير كلها مع بعض بملعقه عادي

ونصبهـا في صحن وندخلها الفرن او نحطهـا بـ ورق الكب كيك < فاشله ماتعرف تشرح

المهم اذا خلصنـا نطلعها بره ونخليها تبرد على بال مانصب الوجه

والوجه نخلط في الخلاط الجبنه الكيري مع النستله ونصبها فوق الكيك

وللزينه نرش فستق مطحون ..








طبعا منقول لكن مجربه


وحلوه


ولا باين فيها طعم الفستق


هع


اتمنى تعجبكم


وانتظروا الجديد

[عــــاليــــه]

حياك يامحيميد ذب وجهك متى مابغيت وانا اختك <<كأن الموضوع موضوعها

علبة بسكوت / علبه إلا خمس حبات اذا كانت كبيره < شوفوا الدقه بس

ههههههههههههههههههههه الا خمس حبات بعد <<تقول في نفسها عسى مااعد بس افتح وارمي
شكله حلو وبسيط ان شاءالله اجربه
يسلمو محمد

[محمد آل غانم]

حياك يامحيميد ذب وجهك متى مابغيت وانا اختك <<كأن الموضوع موضوعها

[# أم أطياب #]

السلام عليكم ورحمة الله وبركاته

صبـــــــــــــــــــا

بوركتي

وطبخه عجب العجاب

انتظروني

>>>>>>>>>>>>جاري حفظ مكونات وطريقه الأكله

جزاج الجنة