أبسألك

[ليتني عجميه]

سعد علوش
الله يعـزر فيـك و الله يقبـلـك
ان كان عرفك للضيـاع أقتادنـي


من يومني صغير أعشقك و أتأملك
حتى تفرعن بي غلاك و سادنـي


كبرت أحبك بس صـرت أتخيلـك
غبـي تعلمنـي غـلا و أجادنـي


من أول أشوفك و أعشق آدللـك
وأحب خيط العـذر لامـن قادنـي


و ألحين لامني و لهت و جيتلـك
قام يتصيدني الحزن و أصطادني


فالشارع اللي هيبته هيبـة ملـك
اللي تهجـا خطوتـي و أعتادنـي


من تحت شباكـك ودي أسالـك
يا أغلا من أغليته غلاك وش فادنـي


لو أدري أن مستقبلـي مستقبلـك
ما كان نقصني الغياب و زادنـي


هنا و بس و لاتضايق و أزعلـك
بقفي فمـان غيابـك وماعادنـي


لا أقفيت عن عينك رجعت و قلتلك
تكفـا ليـا قفيـت عنـك نادنـي


من حشمتك لو أوصلك ما أوصلك
ياخي بثور من العذاب و هادنـي


احساسي أني ذنب في عيـون أهلـك
إحساسي بالإحسـاس ذا أبادنـي