(ياهيه) ربعي المجالس سلاطين = وعلى ظهور الخيل ربعي سكاراا

[ناصر بن فالح]

السلام عليكم

(ياهيه) ربعي فالمجالس سلاطين = وعلى ظهور الخيل ربعي سكاراا

ربعي صواريم على الصيد ضارين = وربعي هل الطالات واهل الجسارا

ياميه ربعي على الموت عجلين = ومن وقعنا بالهووش شابو غمارا

كم واحد من ضربنا يشكي البين = لاثورت قحص الرمك بالغبارا

نرد الخطر لعيوون من تكحل العين = ولعيون شقح نابيات الفقارا

كم هجمه قد صبحوها الشليين = وتارد على عَد لاهلها جهار

في ضف ربعي محتمين المخلين = اللي على التالي تلد وتجارا

فهود الزراج اللي على الكون عادين = وان غليَت الاعمار باعو العمارا

الاد مفلح باللقى تقضي الدين = هداتهم تشدي هدود النمارا

كم عشقه في عشقها تفرك إيدين = من عقب ماهي في فعوله تمارا

رموه منهم بالملاقا جريين = اهوو عليه القاطعين الحرارا

وقصيرنا يامن ولو شيف بالعين = ولو شافه الديان ينسى المثارا

وصلو على اللي ياعرب كمل الدين = اعداد مايفري الظلام النهارا

فيصل بن نفل بن مصرقع الشولاني