ودك تنامين؟! نامي يابعد عيني ... باين عليك التعب من امس سهرانه
من ليله البارحه ..وانت اتداريني ... شوفي المرايه اعيونك حيل تعبانه
نامي لك شوي لو ساعه وخليني ... يا بنت عمر السهر ما يغمض اجفانه
ولاني بطاير من ايدك..هذي ايديني ... مادام فكري معاك اختل ميزانه
لو ترخي الشال لعيوني وتنخيني ... اجيك فزعه اخو ذباح لإخوانه
صومي عن الناس سمي وافطري فيني ... يفداك قلب تربى بطيب جدانه
انا ظلالك مادام الله معافيني ... اللي عطاك الغلا المعبود سبحانه
انا ادري انك نسفتيني..وتلفتيني ... مهما خسرتي معايه دوم ربحانه
نامي وباكر بكيفك ..طلعي عيني ... القلب شرعِِ لهمك كل بيبانه
واذا غفيتي امانه حيل غطيني ... برموشك اللي من الأشواق رويانه
علــــي مساعد
العرض الشجري