لابو صبيٍ مايعادي معاديه للشاعر الكبير ضيدان بـــــن قضعان

[ابو ياسر 5]

العذر لو يحسب على الرجل تقصير=فرضٍ ليا اخطا للرياجيل يبديه
وبعض الخطايا تحتملها المعاذير=وتدمح وتحسب شبه غلطة وتنبيه
وبعض الخطايا مالها اي تبرير=ولاعاد فيها لا لماذا ولا ليه
لكن على شان الرجال المناعير=يدمح خطا المخطي من الهيه للهيه
الا ليا من عادها عقب تحذير=واخطا علي بالعمد ما الله بحاديه
واصبح بحلقي من حساب الازارير=وبذ الخفا واطغى غروره تماديه
اْقف واْضيع كل حشمه وتقدير=ومن قال ياضيدان ماقلت لبيه
واجيه لو دونه جموع او طوابير =واسوي اللي ماتمنيت اسويه
واللي يصير يصير ويصير ويصير=لابو صبيٍ مايعادي معاديه
واهل النخل لو حسبوا للعصافير=ماتيهوا ماء بيرهم في سواقيه
والنوخذة لو ما احتمل للاعاصير =امداه لاقفى يقطع الياس راجيه

وسلامتكم

الشاعر الكبيرضيدان ابن قضعان


المصدر مجله المختلف العدد الاخير