صارلي يومين منك وأنت لامن جيت كنك=تلتوي في غصن هاجوسك ليا من هب نودي
عطني علومك عساها ماتعنيني واعنك=والله أنك قاري أفكاري ولايبحلك جودي
كل شي يهون كود ان السفر مقبله لأنك=أنت تبطي والبطا يمحل زهر فكري وعودي
والسفر شباك قصرك يالسهر والشوق كنك=كنت الضرمان لامن شب في تتن اليهودي
لاتوادعني وعيني ماشبعت بالشوف منك=دامني عبرت شطك من علا مودك ومودي
والصبر مفتاح ضيقاتي بدونك وأنت أحنك=وألا أنا لارحت مني ياوجودي ياوجودي
والله أنك غير عن جده وجده غير عنك=ليه يانور الكويت اتزيد فالنور السعودي
وأعرف انك لو تروح أبعيد مرجاعك مغنك=ماانت ملزومٍ على جده ولا أنتّه بمحدودي
يامناةٍ جننت عاقل وتستغبي محنك=لاحضنت بيتين شعري وأفطرت عين الحسودي
أكتب حروفي بغيرك لا خذيت شوي جنك=زود حرفي نقص في غيرك ونقصه فيك زودي
مدك الله بالجمال وزاد ملحه صغر سنك=حرر أفكار القصيد وفك من شعري قيودي
ياسراجيف الهواوي لاشرب هيلك وبنك=دق في راسه أنعاس وقال يأم الهيل زودي
أنت غير وغير عن هذي وهذيه لأنك=يوم تطري بين ونت بعد ورخايت عضودي
يامعلقني على حبل الرجا من باب ضنك= أنت بندي فالحياه ألا ترا كلك ابنودي
الحكم حكمك وصن اللعب لاصنيت صنك=طبق الكبوت فالعبه وفودك كنه فودي
يمتلكني من حروف أسمي إلى ظحكات سنك=مرتعك روض الضلوع العوج والأشواق ذودي
بس لايقطع حبال الوصل يامنان منك=فيك سود العشق وضح وضح عشق الغير سودي
شفت وش سوا السفر عقبك وانا ماجزت عنك=كل ماتطري عليه قلت حني يارعودي
وأنت لاترحم ولاتاوي وصرت اني أضنك=منت في بالي ولامريت في ساحل حدودي
يان قلبي يزعجعه طاري السفر ولا أنت يأنك=جسم مسلم بس في دنيا الهوا قلبك يهودي
للشاعر مبارك ابن اعيينان
العرض الشجري