انا قلبي مثل قبري ولا يمكن يشيل ثنين(قصيده رائعه جدا وجميله)

[جطلي بن فهد]

انا قلبي مثل قبري ولا يمكن يشيل ثنين

انا روحي معلقها بحبك في شراييني

كتبت الشعر لجلك وانا ماالعب على الحبلين

تركت الطيش لعيونك واكيد انتي تعرفيني

اعرف انك مزاجيه ولك حاجه من الثنتين

تعيش بحب صادق ياتموت اليوم ناسيني

انا ما ني على خبرك اموت بطعنت السكين

انا سلطان يابنت الرخاء واهلي سلاطيني

تعاهدنا على الحب الحقيقي وافهميني زين

تصونين العهود ولا يجي يوم وتخونيني

ابيك تحبيني حبن حقيقي لجله الغالين

يعرفون الهوى في وسط قلبي من نظر عيني

وابيك تلمني في محجر عيونك في رمش العين

وابيك تحطني في وسط قلبك ولا تخليني

اضيع بدنيتي تايه ولا اعرف وين دربك وين

واضيع بعالم النسيان وانتي شمعة سنيني

يالبى حبة الخاله لا كانت بين خشم وبين

ما بين الخشم والشفه تجي حبته يا عيني

اميــرة قلــبي توها في زهرة العشرين

قمر خمسة عشر ساطع على كل المزاييني

انا قلبي مثل قبري ولا يمكن يشيل ثنين

انا روحي معلقها بحبك في شراييني


اتمنى ان هذه القصيده تعجبكم وهي من احب واغلى القصايد عندي
الشاعر وللاسف الشديد والله مااعرفه الي يعرفه يفيدني لان القصيده معجبتني ودايم ارددها


اخيكم العزيز

سماوي بن نجم