الضيقه اللي ضيقت صدري وانا ماني بضيق .. كنيتها من خوف صدري لا يبين ضيقها

[المارد الشعري]

الهاجري

صح السانك والسان ابن قشعم

رائعه من شاعر جزل

لاهنت على النقل

تحياتي

[فرفوه]

وشلون أملّك وأنت في عينـي عويـن المستضيـق
اللـيّ عليـه المعضـلات أمـر مـن تعويقـهـا

تتعبني هالابيات يالهاجري
تسلم ولاهنت
بس
بعض الإختيارات تجييييييييييك عالجرح

[aL_CaBoNi]

مشكووووووووووووور وصح السان الشاعر

[مخباط]

جميل هذا الشعر

[bomeshal12]

الضيقه الليّ ضيقّة صدري وأنا ما أنيّ بضيق = كنيتها من خوف صدري لايبيّن ضيقها

تدوي بصدري وأتحملها وأنا ماأني بطيق = لوّ كان صدري ساحةٍ يصعب عليّ تطويقها

هبيّ عليّ يانسمة الغربي وعديني طويق = ماالله عطاني نفس ضيقات الصدور تعيقها

أنا طموحي ماتقارن بالمحيط وبالمضيق= وعلى مجرات النجوم يعزنيّ تحليقها

أماّ نهد الصعب ونحقق لغايتنا طريق = والاّ بلاش أنتعب أنفسنا على تحقيقها

والبارحه ليل التوّجد له زفير وله شهيق ! = قاد الجموع ولا عزم رأيه على تفريقها

صديت والصدّه حطبها شب في صدري حريق = من واقعٍ وقعه بنفسي رشةٍ ما أحيقها

لعاد عرفك ياشبيه الظبي يا أخوه الشقيق = ياوجد حال الليّ حواله ماعرف تنسيقها

ضيعتني ضيعة فصيحٍ زلّ وأغواه الصديق = يبي يوفقها لكن ماالله قسم توفيقها

بيني وبينك لوّ يشح الوصل ويجفّ الرحيق = ماجف قلبي من شفقك شمسك ومن تشريقها

يليق تجتاح الخفوق الصعب والليّ مايليق = تصديق مالا يستحق لحضرتك تصديقها

وشلون أملّك وأنت في عيني عوين المستضيق = الليّ عليه المعضلات أمر من تعويقها

كوّنت في صدري منصّة حبّ .. وأعضاء .. وفريق = جمهورها أشواق الخفوق .. وجيتّك تصفيقها

تقودني لك هبّة النسناس يالغصن الوريق = وأتوق لك يادرةٍ ما أرضى على تسويقها

ماعكّر الواقع وخلّى الحلم فعيوني يفيق = الاّ تعدّاي الظروف الليّ ما أني بطيقها

الليّ بقوله جعل ماللبعد والفرقا رفيق = ولا للتقاليد السلوم الليّ عليّ تطبيقها

الليّ حدت صدري على الضيقه وأنا ماني بضيق = وكنيتها لوّ كان صدري ماتحمّل ضيقها

الهاجرى


لاهنت




اختيار موفق




وصح لسان الشاعر





فالح ابن قشعم

[(هاوي قصيد)]

عيد بن شدقان ,,,
مرحبا ومسهلا , وما الجزل الا راسك فديتك
لاهنت على المرور طال عمرك

[(هاوي قصيد)]

ناصر ,,,
مرحبا ومسهلا , ولانت
لاهنت على المرور طال عمرك

[(هاوي قصيد)]

بنت الشيوخ ,,,
ولانتي

[(هاوي قصيد)]

الخيال الحر ,,,
صح الله بدنك ’ وما عليك زود يالسنافي
لاهنت على المرور طال عمرك

[(هاوي قصيد)]

طير شلوى ,,, انت انسان دايم تحرجني بكلامك الطيب وذا مايدل الا على طيب شخصك
صح الله بدنك ولانت , وما الجزل الا راسك يالسنافي
لاهنت على المرور طال عمرك