قصيده قويه لا تطوفكم !!

[نـــهــر آلــعــســل]

قصيده رائعه وكلماتها قويه

أتمنى أن تحوز على رضاكم ...


.
.
.
.
.
.
.

بلاش تعيد وتزيد السوالف وأنت ما يمديك = طريقك صعب وأحلامك بعيدة والغرور أعماك
تعاتب وأنت ما تدري خفوقي وش كثر معطيك = على كثر العطا حدّيت قلبي للفراق وجاك
أجي لك من هنا وتصد عني وأعذرك وأجيك = وأجي لك من هناك ونفس ما جيتك من هنا وهناك
صحيح إني سمعت بطاري الموت ولمحته فيك = ولكن قلت ابسري لك وأغني لك على ليلاك
وجيتك حب عن كل القلوب العاشقة يغنيك = أصيح القلي ما يفلى عليك وما تبي يفداك
عقب ما انهد حيلك والهوى جابك على مغليك = بدا المشوار واللي باقي من عمري بدا وياك
لقيتك ظامي احساس وقصايد قلت أجي وأسقيك = أبكسب فيك أجر وإلا القصايد فيك وبلياك
تصّور من كثر ما أردد اسمك لا طرى طاريك = أصوت لك على الطاري بلا وعي وبلا إدراك
مشينا بالغلا لا خوف ياخذنا ولا تشكيك = وفجأة من ردى عقلك طغيت و غرتك دنياك
قسى قلبك وما تدري بعد وين الله مودّيك = تبعتك لآخر الدرب الطويل وما قصرت خطاك
أحاول فيك أهدّي فيك وأدري ما الله بهاديك = مع إني صرت أحاول لين ما جبت أولك و أتلاك
نصحتك واكتشفت ان الوفاء بالذات ما يعنيك = أجل ذنبك على جنبك على ما تفعله يمناك
أعرف إنك بديت الحرب من نفسك واعرف انهيك = واعرف سلاحك الفتنة إليا منّك وصلك أقصاك
تلمّح بالجفا مدري وش بالجفا يغريك = عسى الله ما يحدّك للجفا يمّي ولا يبلاك
تولّم للفراق ولا تفكر ترجع لماضيك = وحرام إن ما جعلتك تصفق اليمنى على يسراك
أنا ما أقول كلمة وأرجع أسحبها عشان أرضيك = مدام رضاك في كسرة كلامي لا بلاش رضاك
ترى ماني صبي أهلك عشان أخضع وأبوس ايديك = عسى تنهيني الدنيا لو اخضع وأضعف لشرواك

تقبلوا تحياتي ...