لماذا كثير من الناس يكتمون همومه؟

[ريــــــانـه العــــود]

موضوع حلو .. وكتابة أحلى



( لماذا يلجأ البعض منا لكتمان همومه وأحزانه ؟!؟ )

كتمان الاحزان , يزيدها ألما
ولكن.. لهذا الكتمان تبرير
صعوبة ايجاد الانسان الذي يحمل عنا هذه الاحزان ,
او صعوبة التعبيــر عن تلك الاحزان بكلمات ...



( ولكننا نختلف في طريقة التعبير عنها !!!
لماذا نختلف .... ؟؟؟ )

يختلف التعبيـر , لان الحزن وان كان لسبب مشترك فاٍن القلوب تختلف ..
والاحساس يختلف .. والتفكير ايضا" يختلف ..

واذكر قصة قرأتها في هذا الشأن
كان سجينان في زنزانة واحدة يقفان امام النافذة قال احدهم ما أجمل السماء العالية وما اروع من الهواء الطلق
فقال الآخر وما أقسى هذه القضبان ..
" فأحدهم نظر بعين الايجابية الى الجمال , والاخر نظر بعين السلبية الى مرارة الواقع ! "



( أأنتـــم من الاشخاص الذي يكتمون همومهم وأحزانهم ؟!؟! )

انا ابوح دوما" بما أشعــر .. فاٍن كان فرحا" ابتسمت به وان كان حزنا بكيته ..
ولكني أحرص على ان اختار من ابوح لهم .. و هم أقرب الناس الى قلبي واكثرهم فهما" لي

[بنوتة]

سلاطين اذا خليت خربت
حلا القصد مو ان الشخص يحس بمعاناتش القصد انش اتفرغين الي في قلبش
شكرا لمرورش ريانة العود الصراحه تعليق ولا اروع
وشكرا لموروكم جميعا

[عجميه مردده]

انا عن نفسي اكتم همي
لاني ماابي احد يشيل همي
بس انفس عن نفسي بالدموووع او الخووواطر
جتني فتررره كل يوم قبل انام لازم ابكي
ومن السخافه اذا مالقيت شي ابكي عليه تخيلت ان احد من الي احبهم صارلهم شي عشان ابكي

[كويت اف ام]

مرحبااااااااا للجميع



شكرااا بنوته على هالهموم جيتي على الجرح


بالنسبه لي احب اتم همومي ولا ابينها لحد واذا احد عنده هموم احب اشاركه فيها لكن انا مستحيل ليش مادري من طبعي بس اكيد انفس عن نفسي بالضحك والضحك علاج نفسي خطير محد عارف اهميته
بعد طبعا الاستعاذه من الشيطان وقراءة القران والصلاه

[هـــ رعشه ـــدب]

مشكورة اختي على هذا الطرح القيم ..

وانا الصراحه من النوع الكتوم ولعدة اسباب :

أولاً ممكن تكون عندي مشكلة عائلية وما احب احد يطلع عليها ..
ثانياُ الناس تحب تسمع وبس يعني مستحيل تحاول تعطيج حل ..
ثالثاً انتشار الخبر وتسربه بأي طريقة ..
رابعاً والاهم انك يوم تكون كتوم ماتخلي حد يمسك عليك شيء
ومثل مايقول راعي المثل لاتحط سرك عن مره ههههههههههه وانا اعترف اني مره ..
بس احب احل مشاكلي بطريقتي الخاصة وبدون مايعرف حد ..
وبصراحه ترتاح جداً في اللحظه اللي مايكون حد يعرف عنك شيء .
والكل ايقول ياحظ فلان ماعنده هموم ..
وأخر شيءاحب اقوله هذي وصية خالتي لي من يوم كنت صغيره
وانا اشوف ان الانسان يوم يكون كتوم ايكون افضل ..

[@بنت الشيوخ@]

ولماذا يغلق البعض على همومه وأحزانه صندوقاً يدفنه في أغوار قلبه ؟؟؟

...الشكو لغير الله مذله...والانسان لازم ان يغلق على بعض همومه او اسراره ولا يبي احد يعرف شي لان في بعض الناس اتقبلها وبعضهم ماتقبلهاا....خير الكلام ماقل ولادل..

مشكوور خيييتو على الطرح الجميل

تقبلي مروري

[مطيرvip]

السلام عليكم ورحمة الله وبركاته

يعطيك العافيه اخت بنوته على الطرح الجميل والحساس والمرهف ولك من اسمك (بنوته) نصيب كبير من خلال هالطرح


بالنسبه لي الهم في نظري اهم مصدر من مصادرالقوه كل ماكان الانسان قادرعلى الاحتفاظ بهمومه بينه وبين نفسه كل ماكان انسان قوي من داخله دائما اللي يعبرون عن مشاعرهم وهمومهم تلاقينهم ينكسرون بسرعه ومن ابسط المواقف ينكسرون بعكس اللي مايعبرون عن همومهم تلاقينهم فيهم قوة صمود وتحمل غير طبيعي من وجهة نظري الانسان الواثق من نفسه تجدينه قليل التعبيرعن نفسه سواء بحزن ولابفرح واحتمال مايعبرخيرشرواللي ثقته بنفسه شوي لك عليها عنده استعداد يعبرباي لحظه وعند اي موقف سواء فرح اوحزن مدري ليش احس مسئلة التعبير لها علاقه بالثقه بالنفس وأهون علي اموت من اني الاقي نفسي اعبرعن همومي لاي انسان حتى لوكان ثقه بالنسبه لي لاني بهالحاله خليته يشوفني ضعيف وهذا مالا ارضاه لنفسي حتى قدام امي وابوي اقرب الناس لي واعتقد كثيرمن الشباب يؤيدون هالفكره


تقبلي مروراخووك الصغير

[مطيرvip]

المشاركة الأصلية كتبت بواسطة عجميه مردده

انا عن نفسي اكتم همي
دليل قوه وثقه بالنفس
لاني ماابي احد يشيل همي
دليل العزه وثقه بالنفس
بس انفس عن نفسي بالدموووع او الخووواطر
جتني فتررره كل يوم قبل انام لازم ابكي
أستراحة محارب بعيد عن كل العيون
ومن السخافه اذا مالقيت شي ابكي عليه تخيلت ان احد من الي احبهم صارلهم شي عشان ابكي

هههههههههههههههههههههههههههههههههههههههههههههههههه هههههههههه لاتعليق

بصراحه من الردود اللي لفتت انتباهي واحيي فيك القوه واحترم فيك ثقتك بنفسك واشجعك عالنهج



تقبلي تعليقي برحابة صدر اختي عجميه مردده


اخوك الصغير

[بنوتة]

شكرا للجميع على ردوركم الرائعه الي
تدل على قوه في الشخصيه وثقه بالنفس من وجهة نظري
والله يبعد عنكم الاحزان والهموم ولاتحتاجون لاحد تشكون له احزانكم
واسفه على التاخير

[ترف الصبايا]

شكرا على هاالموضوع الحلو

باالنسبة لى مااعرف اخش همومي بسرعة يبين على علشان كذا

اقول حق توام روحي رفيقتي كل همومي

لا تشاءم ياسلطان ترى الناس لالحين فيها خير

يعطيش العافية الغاليه