شـــــــــــــاعر جنـــــــوبي ..

[تايه الغربه]

هذا انا انسـان فينـي روح واحسـاس وشجـن=تحت السما وغيومها عايش وميت مـن ضمـاي
فعـلا انـا انسـان فينـي للاسـى دار وزمـن=كالليل فيه من الاسى المدفـون مايشبـه اسـاي
عايش وحيد وغربتي بعيـون مشـوار الحـزن=ارسم على وجه الزمن صوره تعبر عـن شقـاي
تحكي معاناة الطمـوح اللـي وقـع بيـد الكفـن=من قبل مايلقى شهـاده منصفـه او بعـض راي
لطالما جريـت مسحوبـي علـى سلـك الغبـن=اصرخ ولا اسمع بين صرخاتي سوى نبرة صداي
لاقلت با عتب من عليه اعتب ومن بشكـي لمـن=بل كيف اعاتب واشتكي دام العنـا كلـه عنـاي
الحـزن حزنـي والشقـا ملكـي والا لـم يكـن=للروح ان تبلـغ مـدى الحلقـوم وتغيّـم سمـاي
هل مات صوت الحق من ذمة تواريـخ الوطـن=والا انكتب لي الياس قبل اسقي الامل من نبع ماي
شاعر مزاجي لا جذبني القاف واعجبنـي اللحـن=من ذا يقـول انـه بيدركنـي او بيلحـق مـداي
ناسٍ تعيش وناس تحت خيـوط الاريـا تندفـن=اخفى ملامحها الزمان اللي حجب لمعـة سنـاي
وكفين عزتها بشوت النصب مـن بعـد الوهـن=وقلوب جمعهـا النفـاق وكلهـا تكـره رضـاي
ترخـص كرامتهـا ولا تحسـب لعزتهـا ثمـن=كله عشان تشتت اوراقي وتسكـن فـي فضـاي
ان قلت برفعها واعديها على انهـا سـوء ظـن=زادت بهم قلـة الادب ياجعـل حاسدنـي فـداي
دنياً بهـا مايجعـل الصاحـي يتـوه ويستجـن=ماشفت فيها فكـر يفهمنـي ويـدري وش وراي
مدام ميـزان العـدل باقـي يـدور لـه سكـن=من ذا اللذي همه سعـادة خاطـري والا بكـاي
الخيل تطلبني ولكـن مـا وقـع بيـدي الرسـن=معلوم واهل الحقد لا ناديت صـدو مـن نـداي
كبر التناقض داخلي والضيـق واسبـاب الفتـن=خلتني اقلبها دمح وارفع علـى العالـم عصـاي
الا ان عروقي الثابته مع حـب ترفـات الوجـن=عيو علي لد النظر في كـل مـن حـز بقفـاي
دنيا ورغم جروحها اللي فـي الحشـا ماتنفطـن=الا ان قساوتها عطتني العزم للـي عـاد جـاي
لولا التجارب ما عرفـت افـل عقـدات الغـون=ولاقدرت اصنع من اجوى الحزن مايجلب صفاي
ماجات به سود الليالي ودتـه (واللعـب صـن)=يكفي علي لحظة ونس تظهر على شفـة مسـاي
ياقلـب سـج وفـل ابوهـا طيـب والا باللعـن=الصيف صيفي والشتا المقبل على الدنيـا شتـاي
الله عطاني فكـر غيـر افكـار ذا العالـم ولـن=يقتل ولو كل البشـر شـاءو مـن الدنيـا فنـاي
اسوقها من شور راسي ما انتظر مـن حـد اذن=مـادام ذي الدنيـا بيـومٍ مـا بتعلـن منتهـاي
طبعا وهي مادامـت بـأروى وهيبـة ذو يـزن=لكن انا يكفي علي منهـا قصيـدي مـع نقـاي
شاعر جنوبي لا كتبت البيت غنـت لـي عـدن=وش عاد لا مني كتبت البيت من صـادق غثـاي
تشـوف كـل الفاتنـات اللـي تحلـو بالحسـن=يبكـون مـن اعجابهـن فينـي ويتمنـن لقـاي
لكن مع ذا ماسلمـت الغـدر وطعـون الخـون=حتى وهم يدرون عن عقبى التخطي في حمـاي
ماناح طيـر الا وصوتـه سـم قلبـي والبـدن=لنه متى ماناح يتعبنـي ويكشـف عـن خفـاي
كم غنت عروقي على سلك الوهم من كـل فـن=من اول بيوت الغزل لي منتهى احـرف رثـاي
حتما وانـا انسـان فينـي للاسـى دار وزمـن=كالليل فيه من الاسى المدفـون مايشبـه اسـاي

لــ مهدي بن سميطان ..
تقبلوا تقديري ..!!
سلالالالالالام ..!!