السلام عليكم ورحمة الله وبركاته
أخواني / أخواتي
عسى أن تكونوا بصحه جيده،،،
أحببت بعد هذا الغياب أن أُجدد التواصل معكم بهذه الرائعه عسى أن تنال إعجابكم
وهي بمثابة إهداء
للأخ العزيز
رمان
وكنت أتمنى تواجدي في أسبوعك تحت المجهر
والتقصير كان مني..!!
_____________
تعبت ..!!
تعبت.. من القصيد.. من الجروح.. من أنتظارٍ طال = تعبت.. أستقبل طعون الزمن.. وأربت على كتفه
تعبت.. من الكلام.. من السكوت اللي يهد الحال = تعبت.. أكثر من الحزن الذي ماينتهي عزفه..!!
تعبت.. من الوعود.. من الصديق الطيب المحتال = تعبت.. أعرف كل اللي تعرف الناس بالصدفه..
تعبت.. من العدو..اللي عجز يدخل معي بِقتال = تعبت.. من الظلام.. اللي قتلت ولا لقى حتفه
تعبت أسال من المخطي؟.. تعبت أردد الموال..!! = ((مدامك ماسقيت الزرع مالك حق في قطفه))
تعبت.. ألقى الجواب المقنع اللي ماعليه جدال = تعبت.. ألقى طريقٍ مايكون بأخره (شتفه)..!!
تعبت.. أضفي على صوت (الحبيبه) وردتين وَ شال = تعبت.. أسمع صدى شامت يردد (طاحت الغدفه)
تعبت أغازل البسمه على ثغر البكا تختال = تعبت.. أشوف شوقي ينهزم رغمٍ على أنفه
تعبت.. أجامل أيامي ولو ورتني الأهوال = تعبت.. أقول عن حملٍ ثقيل أتفه من الأتفه..!!
تعبت أهز رأسي غيظ؟.. وألقى في يديٌ أغلال = تعبت.. أسير خلف الوهم لو غيري ركض خلفه
تعبت.. أشدٌ وَ أنزل.. ماظهر لي طيب المنزال = تعبت.. من الدروب اللي مشيت وكلها.. (صلفه)
تعبت أرسم حروفي شمس.. وألمحٌ في الوجيه ظلال = بعض ناسٍ تعرف النور.. بس تقول ماتعرفه..!
تعبت.. وقلت كل اللي أظنه يـا(فهد) ينقال = تعبت أبغى ألقط أنفاسي... إذاً.. لابُد من وقفه..!!
وســــــلامتكم
الشاعر /
مساعد الرشيدي
تقبلوا تحياتي
أخيكم
27-07-2006, 06:05 PM
العرض الشجري