السلام عليكم ورحمة الله وبركاته
اعجبتنى هذه المحاورة الطرررررريفه بين الشاعرين سعد بن عبدالله الهتلاني وضيدان بن صبحان المعروووووف بتاريخه الشعرى...
فاحببت ان انقلها لكم
وارجو ان تنال اعجابكـــــــــم
**********
ضيدان ماودك نشكل عصابة ... نحتل بعض بنوكها والمحلات
ام يجي لي ولك قدر ومــهابه ... والا تبـــيـتــنا بيات الشريفات
والرجل ودك يشتهر في شبابه ... بالطيب والا بالعــلوم الرديات
ولا يهتـني ف اكله ولا في شرابه ... الين تطلع صورته بالمجلات
سعد بن عبدالله الهتلاني العجمي
الـــــــــرد
لا تحسب انا ياسعد وسط غابه ... هاللي تراوى لك تراهن عمــارات
وموضوعك اللي جبت كله غرابه ... والظاهر انه سابع المستحيلات
واخاف لاتـنبح عليك الكلابه ... ثم هات نسلم من مخاليبها هـــات
يابوك ماعمري دخلت النيابه ... ومن العمر مابقى كثر مافــات
وان كان تبغي الرأي قبل يغدا به ... من واحد جرب جميع الحيلات
خل الخطب للي يعرف الخطابه ... نهارنا شمس وفي الليل لمـبات
ضيدان بن صبحان العجمي
ــــــــــــــــــــــــــــــــــــــــــــــ
ياراكب من عندنا فـــوق سمبوك ... متوجه صوب المنــــامه بشايب
مع البحر كنك على القار ف بيوك ... يلحق ويفهق مسرعات الهبايب
وان طحت في خفر السواحل وردوك ... دارك على عود من الحول ذايب
وان باركوا لك بالسلامه وهنوك ... لك في الدلاله ياابن الاجواد نــايب
ترى خويك كان من قبل صعلوك ... ويدل حتى موحشات الخـــرايب
وصحيح لو تنشد هل الدار دلوك ... واهل الوفــا ماعابهم ربع عايب
ويامقدرين الضيف لو مامعه بوك ... باخلاقكم صارت ثمان عــجايب
وارجوك انا ياصاحبي وارجع ارجوك ... اياك تنسى انك مودي وجايب
رجــع لنا خريج بومبي وبانكوك ... وخلك على الزله بعيد الحضـايب
سعد بن عبدالله العجمي
الـــــــــــرد
اخطوا عليك اللي بها الاسم سموك ... اسمك سعد وانت السعد منك غايب
والظاهر ان اهلك على العنف ربوك ... وطلعت تبحث للنشب والطـلايب
وظلمت حظك مااشين الظلم يابوك ... وهجيت عود عن هل الــغي تايب
ماتدري اني صرت هادي ومبروك ... وعلي تــثـني عمتي والنسـايب
وان شفت ديواني على طول مصكوك ... اطرد ورا حظ ورزق نهــايب
وحتى انت تــنغزنا مع الحكي بالشوك ... ياهي علينا من كبار العقـايب
ضيدان بن صبحان العجمي
05-10-2005, 09:25 AM
العرض الشجري