((( محمد الدحيمي ))) أبداااااع في أبداااااااااع

[أشهب الـلال]

أبو بدر
غني عن التعريف!!!

أنقل لكم هذه القصيده التي طلبها أخي العزيز سوهاب

أمل ان تحوز رضاكم

<<<<<<<< وش رايك تعطيهم القصيده وتروقنااا

أترككم معها



يعين الله

يعين الله يادنيا تسوق ايامها الاحزان=يعين الله..وانتي مثل قفلٍ ضاع مفتاحه

يعين الله..وجروحي لها في كلّ وقتٍ شان=كذوب اللي يقول ان الزمن بيداوي جراحه

سقى الله يوم انا ((يمّه)) غريرٍ يزعج الجيران=سقى الله يوم انا طفلٍ يصج البيت بصياحه

سقى يوم كان اقصى طموحي ..لعبة الدنان=نهاية يومي المغرب ..واخاف الليل واشباحه

سقى الله يوم انا البس بشت ابوي وثوبه القيطان=واقلد كل شيٍ فيه..حكيه..جدّه..مزاحه!!

واشيل المسبحه مثله ليا هوجس وهو سرحان=يبي يشعر..واحسب اللي عطاه الشعر مسباحه

سقى الله بيتنا ذاك البسيط مشقق الجدران=شجاع يهزم الغدراء ..بقنديله ومصباحه

تكحّلنا القناعه لاطمع..لاهم..لاحرمان=واذا جاء الليل تكفينا ثلاث اخوان طراحه!!!

جميع الذكريات اللي غدت في قفرة النسيان=تحاكي حلوها عبره ..بموق العين سباّحه

خذتني غربةٍ عنوانها ..غربه بلا عنوان=ابي عقب التعب راحه..لقى فيني التعب راحه

((رجعت اليوم مثل اللي رجع عقب القنص خسران=غدا طيره وجاء يسحب سلوقيّه وملواحه))

قصيده ما بعد مرّت في بال مساعد و وضيدان=هواجيس بدويٍ هايمٍ في عــشق فلاحه

وروحٍ تايبه كانت تبي لذنوبها غفران=خطاي اني كتمت اسرارها بعيون بواّحه

تقولين المطر ماهوب ((يمّه)) دايمٍ هتان=اجل معذور قلبٍ في همومه ضاعت افراحه

انا يمّه غلطت ولاني اول واحد غلطان=ابونا آدم من الجنه طلع بأسباب..تفاحه !!!!

خذلك الوقت فيني..ما خذلتك يا أعز انسان=وش الدبره؟!! وحظي صار...قفلٍ ضاع مفتاحه

وسلامتكم


الشاعر محمد الدحيمي



تقبلوا تحياتي



أشهب الــلال


.