دور البطـــولــه ,,,,

[السنـــــافية]

ان قاله الله جيت والذل كاسيك=ثوب من الحقران عرضه وطوله
لاتحسب انك تلمس الجدى بيديك=الجدى عالى وانت يدك مغلوله
ولاتحسبنى ياخبل باعترف فيك=ولا أنى انسى مافعلت بسهوله
برميك من قلبى ومن عينى أرميك=معاد يشفع لك كلام تقوله
رضيت ولا خل الايام ترضيك=وأعلى خيولك اركبه لو تطوله
تذكار ماتجهل حقيقة مباديك=لكنها كانت من أول خجوله
غطت على ماشافته من بلاويك=كانت تعيش احلام عمر الطفوله
ويوم انها بالخبث بانت مواريك=لاماتشرف فيك بنت الحموله
دور وتلقى غيرنا من يهنيك=واتبع هوى نفسك واخذ زود جوله
هرج يجيبك لى وهرج يوديك=لاياخساره وش جرى للرجوله
واليوم انا ماعاد لى حاجة فيك=قلبى على الوحده تغير ميوله
مكانتى صعب تجيها حراويك=انا شموخى ماانت قادر تطوله
اليوم جيت امسح نهايات ماضيك=اليوم باخذ منك دور البطوله

وسلامتكم

للشاعره // تذكار الخثلان