سلااام عليكم
هذي قصيده للشاعر مسفر العجمي وحبيت اشارك فيها
هذا بنات اليوم برقع وجوال ... ولا عبايه كتف هم يلبسوهـــا
والراس فوق الراس طرحه مع الشال ... حتى الخصال الطيبه فقدوهــــا
يوم البنات اللي غدن سبت اهمال ... ويوم السبايب اهلها هملوهــا
بالليل تسهر بين هاتف وجوال ...ولا على شات الفلس سهروهـــــا
اقفاي هي مابين الاسواق واقبال ... بلا غرض راحت ولا انشدوهــا
وللبس تلبس كل مايطرب البال ...والفلووس لو تنقص عطوهـــــا
من شافها باللبس ساتر الحال ... يسبها ويسب اللي خلفوهــــا
كومة لحم وعيون والرمش قتال ...وليا مشت كل الشباب إتعبوهـــا
هم مادرو لو ان البرقع بينشال ... ونشوف وش تحت البراقع خفوهـــا
يرتاح من صابه من عيونها اهبال ... ويرتاح والله من عيونه هواهــا
الأم نامت و الأبو صار تمثال ... والبنت راحت وين مايسألوهـــا
اصبح ضياع البنت بسباب جوال ... البنت ضاعت والاهل ضيعوهـــــا
وسلامتــــكم
هذا بعض البنات وليـــس الكـــل طبعـــآ 
__________________
احـب النشامـا وللنشامـا علـي احـقـوق .... اقدر احقـوق الخـال والضيـف والعانـي
ولا اخاوي الداشر ولا احب انـا المطفـوق .... ولا اصـد و المضيـوم يزهم وينخـانـي
ولا ارضى خنا الزلة ولا اخطي على مخلوق .... ولا اعارض الجاهل على زلـة اللسانـي
احب الفياض الخضر لا سيق فيهـا النـوق ... بعد سوقـت الفنجـال بـدلال رسـلانـي
احـب الفيـاض وشوفهـا يبـري المعلـوق ... ليا عطـفت خلفاتـهـا فـوق حيـرانـي
احب الفيـاض وحبهـا حـط فينـي افتـوق ... وعسى لايمـي في حبهـا يقـاد عميانـي