قصيده لشاعر سداح

[العيطموس]

السلام عليكم ورحمه الله وبركاته



قصيده للشاعر المبدع دائما سداح العتيبي

راقت لي
واتمنى ان تحوز على رضاكم



يا حبيبٍ صد مافيها كلام
تلّ كبدي وأنقطع معلوقها
:
قام يفلقها وخلاّها حطام
قلت ليه ؟ وقال عدّ فلوقها
:
يوم جاء في نيّته نقطة نظام
طيرّ طيور الجفا بسبوقها
:
عقب كنّا في محبّه وانسجام
نقطف ثمار الهوى ونذوقها
:
ذعذع الهجر ونشى مزن الخصام
وقامت الفرقا تلوح بروقها
:
ما يعزّيني سوى نوح الحمام
شلت طاروقي على طاروقها
:
وش حصلّك وانت لك قدر ومقام
لهجتك ما ينفهم منطوقها
:
ليه تذبحني وأنا ذبحي حرام
ماتضيع عهودي ولا أبوقها
:
أذكر أني يوم زاد بك الهيام
قلت لك سوق المشاعر سوقها
:
مايفيد الرمي من تحت الحزام
أرم .. من حدب الضلوع وفوقها
:
صابر ٍ والطقّ ما فكّ اللحام
والليالي شرّها بـ حلوقها
:
صار في شخصيتي شبه انفصام
رحت اطشّ السالفه واحوقها
:
أكثر العشاق في سلم الغرام
يفتح الله ضايعات حقوقها
:
خاتمك بالمسك يا مسك الختام
طبت يا شفّ الجروح وذوقها
:
كان عذرك ماني بقد المقام
الخطايا .. قافل ٍ صندوقها
:
لكن اصبر لين ابلّغك السلام
من عيون ٍ شالتك في موقها
:
العيون اللي تحبّك بـ انتظام
كل بادي ليل ترسل شوقها

|
|
وسلمتوا