اقتباس:
|
المشاركة الأصلية كتبت بواسطة متعب الوقت
عندي تصحيح بسيط على البيت هذى ويقول فيه: (قالو هبيل وجايزلي هبالي=هبال طيب ولا صحاوة رخامه)....وقصته على ماعتقد ان الناس كانو يعايرون مسلط بالمهبول الي يبعثر دراهمه وذالك لشدة كرمه حيث كان الوليد كل ماعطاه دراهم ولا سيارات وزعها على ربعه وخويها وقاله يامسلط انت مهبول قال لا ماني مهبول وش جايك مني يالوليد قال كل الناس تقوله وكل ماعطيتك شي رحت تبعثره على هالعالم على غير سنع بعدين قال مسلط هالبيت الي عز الله ان انشهر ويستاهل وعز الله الي ماهيب على يد بخيل فكان يملك من الملاين ماتكفيه ليعيش حياته غنيأ وفي رغد ولاكن المراجل ثمنها غالي وضحى بجميع مايملك في سبيلها وهو الان بسيط الحال ماديأ وكبير قدره اجتماعيأ لطيبه وكرمه. ومواقفه السابقه مع الناس...وللعلم مسلط لم يكن خوي للوليد ولاكن كان بمثابة الاخ لانهم تربو جميعأ وخصوصأ ان الامير الوليد كان لايملك شي ومضطهد من بقية ابناء اعمامه لان اخواله لبنانين ولم يكن بجانبه الا مسلط منذ ايام الطفوله وذالك بحكم رفقة شعيفان بالامير طلال وبعد ماتوفي شعيفان اعتناء الامير طلال باابناء شعيفان ورباهم جميعأ مع ابنائه الامراء.وهكذا نشئت رفقة مسلط بالوليد..والعلم الغانم يبقى ذكره حتى لو راعيه مات شوفوني واحد من العجمان واكتب كلمة حق في واحدأ من سبيع وعز الله الي يستاهل. فالكرم والمرجله ثمنها غالي ....ولاتبخص الرجال حقوقها...وصح لسانه على هالقصيده ولا هنت ياكاتبها..
|
تسلم والله اخوي متعب الوقت على قولك لكلمة الحق بخصوص بن شعيفان ، على ان فيه من سبيع من يكره ويحقد و يحسد بن شعيفان بسبب مرجلته وعلومه اللي ماقدروا يوصلون ربع مواصيله ، ومع ذلك كثير من الرجال الطيبين شرواك من كل القبائل يذكرون العلوم الغانمة و يعدونها ويرفعون ذكرها لأنهم طيبين و علومهم غانمه وطيبه مثل اللي يعدونهم .
إخيك محب العجمان
فهد السبيعي
25-12-2004, 12:54 PM
العرض العادي
