يامل قلب(ن) تجره بالهوى نوره
جرة حبال(ن) علي مطويت الجالي
لقيتها البارحه والنفس مسروره
ثم رحت قدني من المسيار متبالي
يوم اشبحت لي وانا ابغى اقول ماجوره
فزيت من مقعدي ثم طاح فنجالي
واهتز قلبي ودارت لأرض بي دوره
وقمت اتصرع علي يمناي وشمالي
الله عطاها جمال الكون والكوره
من شافها يا محمد صابه إهبالي
زود(ن) علي زينها وثلة ومستوره
وتزين القاع في لقفى ولقبالي
يا شبه ظبي(ن) من القانص نوى الذوره
ماصادة إلي تركد له بلأسهالي
ابو دليق(ن)علي لأمتان منثوره
والخد براق صيف(ن) يشعل اشعالي
اون ونة مريض(ن) عال دكتوره
وأمشي معى الناس وآنا كني لحالي
لو ينشكى حبكم في كل منشوره
ماعاد خط القلم من كثر ماجالي
مريت وأثر المناطق ذيك محذوره
ومن مر ذاك الوطن ماراح متشالي
ياليت عندي من الذكرى لها صوره
اكتب عليها هديت واحد(ن) غالي
للشاعر المرحوم/سعيد إبن دوغان آل مطارد اليامي
09-06-2013, 02:25 PM
العرض الشجري