من القصائد الجميلة التي قرأتها هي (الجوهره) وحبيت انكم تطلعون عليها
ويقول شاعرها الذي لا أعرفه:
الجوهره وشلون تمشي على القاع=حسبي على من جابها من بحرها
أثر البني فيهن تشاكيل وأنواع=بهن الجميل وبهن الله سترها
بعض البني تشري الذهب يوم ينباع=تبيه يستر حالها ويعمرها
وبعض البني مثل الذهب تلمع لماع=ضاع الذهب من يوم حط بنحرها
والجوهره غطت على كل الأوضاع=وشهي ديانا يوم تنشر صورها
والله لو ما تلبس حجاب وقناع=لتشوف نص الكون يمشي بثرها
ويمكن يخضع الكون ويصير مطواع=ويمكن تحكم الكون بس بنظرها
لو طالعت(جو محل)صار مرباع=ولو طالعت غيمه تهاطل مطرها
ولو طالعت يم الكواكب بالاصباع=كل الكواكب حولت مع قمرها
هذي ثلاث سنين عاشق وملتاع=والرابعه توي دخلت بشهرها
ويا خوفتي من عين حاسد وطماع=بعض الأوادم ما تخلي قشرها
لا طالبن دنيا ولاني بطماع=بس يحرسها ربها من بشرها
أرجو أن تحوز على رضاكم
اخوكم
ابن زابن
24-11-2004, 07:07 PM
العرض الشجري