يوم القريحه شاغلتنـي بالاقـوال
حطيت في روس الانامـل قلمهـا
وسجلت بالقرطاس من زين الامثال
نصايح يعشق لهـا... مـن فهمهـا
ولاأقول أنا فاهم على كـل رجـال
ولاأقول أنا راع البيـوت وحكمها
مير الكلام الزين مطلـب للأجيـال
اللي تـوارث مـن قديـم شيمهـا..
قبل الصحافة والاذاعه والإرسـال
فيها العرب تثبت.. نـوادر كرمهـا
شعرٍ عرفنابه بني عبـس وهـلال
لاشك يبغي نـاس تبـري ذممهـا
وبالناس عقيلٍ وبالنـاس جهـال
واجب شعور المجتمـع تحترمهـا
ولاتواخذ الجاهل علشـان عقـال
وخلـك تحمـل غلطـةٍ.. ماكتمهـا
واحذر تعيل ولاتحمل لمـن عـال..
ونفسك عن اللي مايفيدك احشمهـا
والحسد حذرى لايجيلك على بـال
ونفسك اليا غارت على الناس لمها
واحذر من النمه ترى ابليس دجال
واليـا رمـاك بمشكلـة.. يغتنمهـا
وليا لقى له فيك منهـج ومدخـال
يغويك لين النـاس تاكـل لحمهـا
وللوالدين حقوقهم فرض وجـزال
الوالـده يجـب عليـك.. تخدمهـا
تسهر عليك الليل وتربِ الاطفـال..
حمل ورضاع ومنك يتعـب قدمهـا
واوصيك في خمس عظيمات وجلال
صل الفروض وحفظهـا.. والتزمهـا
واد الزكاة وزك نفسـك والامـوال
وصوم رمضان وزايد الست صمها
والحـج لاتنسـاه ياطيـب الفـال
اذا توفـر شرطهـا لاتخصمـهـا
قبل يجيك المـوت قطـاع الامـال
نفـس تنـدم مانفعهـا.. ندمـهـا
واليا حفرولك ظمن الاموات منزال
في حفـرة مايسعـك.. غيـر فمهـا
حفره على قدك مقـاس وتفصـال
وأغلى العوال اللي عليـك يهدمهـا
والمال يرجع والولد غير الأعمـال
تبقى معك لين الامـور تحسمهـا
أما النعيم وجنـة الخلـد وظـلال
وإلا لسموم ونار يحـرق نسمهـا
هذي نصيحه قلتها ظمن من قـال
يامستمـع فكـر بهـا وافتهمهـا
وصلاة ربـي عـد.. ماهـل همـال
ومن حج مكه واستعى في حرمها
05-12-2011, 12:06 AM
العرض الشجري