ياناس ما اسمع هرجكم وش تقولون
القلب إله شي عن الهـرج ملهيـه
يا أبو سعد عطني من التتن غليون
طسه وعمر لي سبيلـك وعطنيـه
كوده اليا أونسته بالاضلاع مكنـون
يندار فكـر القلـب للـي يحاكيـه
ياالعين أهل زين الوصايف يطوون
تمقلي من شوفتـه واشبحـي فيـه
تمقلي ياالعين مـن صافـي اللـون
دامه قريب وطنـة الحـس يوحيـه
بالعون ماطـارن عليهـم يقيمـون
الكـل منهـم قـام زملـه يديـنـه
واللي يشير بقامـه اليـوم ملعـون
يـا عنـك مايلقـي فـؤاد يلاهيـه
الله لحد كـن أول القـوم يرمـون
عافوا محل خمس اشهر وهم فيـه
احد على المظهار يضحك ومنـون
واحد يحوف البيت والدمع غاشيـه
اقطعك ياحـب تواليـه هـا اللـون
مثل المريض اللي تغيـر مشاكيـه
اليا طاب له يومين قاموا يحمـدون
نهار ثالـث قاطعيـن الرجـا فيـه
أنا سبب مازاد فـي قلبـي الكـون
أوحيت لـي ورع سميـه يناديـه
يا ورع بالله قصر الحسن بالهـون
ذكرت لـك قلـب اجـداد مكاويـه
بيحت من خافي الحشا كل مكنـون
اعزى لقلـب بيـح الحـب خافيـه
02-12-2011, 01:45 PM
العرض الشجري